រាជធានីភ្នំពេញ ៖ កាលពីវេលាម៉ោង០៨ និង៣០នាទីព្រឹកថ្ងៃទី២៤ កុម្ភៈ ស្ថិតនៅខាងមុខស្នាក់ការធនាគារពិភពលោក (THE WOLD BANK) ដែលមានទីតាំងនៅតាមបណ្តោយផ្លូវព្រះនរោត្តម សង្កាត់ចាក់តុមុខ ខណ្ឌដូនពេញ មានក្រុមស្ត្រីមកពីសហគមន៍បឹងកក់ចំនួនជាង៦០នាក់ ដែលជាតំណាងឱ្យជាង១០០គ្រួសារ ដែលមិនទាន់បានដោះស្រាយបញ្ហាទំនាស់ដីធ្លីរបស់ពួកគាត់នោះ និងបានធ្វើការព្រមានថា «ពួកគាត់នឹងធ្វើការបណ្តេញធនាគារពិភពលោកចេញពីប្រទេសកម្ពុជា ប្រសិនបើមិនមានការដំណោះស្រាយដល់ពួកគាត់ ដែលនៅសេសសល់នោះ» ។
តាមប្រភពពីស្ត្រីអ្នកតំណាងម្នាក់ឱ្យដឹងថា ក្នុងថ្ងៃនេះដែរ ក្នុងនាមពួកគាត់ដែលជាប្រជាពលរដ្ឋស្លូតត្រង់ ដែលរងគ្រោះដោយសារតែគម្រោងអភិវឌ្ឍន៍របស់ធនាគារពិភពលោក និងរាជរដ្ឋាភិបាលនោះ ដោយការបណ្តេញចេញដោយបង្ខំចេញពីផ្ទះសម្បែងតាំងពីឆ្នាំ២០១០កន្លងមកនេះ និងនៅមិនទាន់មានការដោះស្រាយនៅឡើយ ។
ប្រសិនបើធនាគារពិភពលោក មិនមានការដោះស្រាយដល់ពួកគាត់ទាំងជាង១០០គ្រួសារ ដែលមិនទាន់មានដំណោះស្រាយទេនោះ «ពួកគាត់នឹងនាំគ្នាធ្វើការបណ្តេញធនាគារពិភពលោក ចេញពីប្រទេសកម្ពុជាមិនខាន ប្រសិនបើមិនមានដំណោះស្រាយដល់ពួកគាត់ដែលនៅសេសសល់នោះ» ។
ចែករំលែកព័តមាននេះ