ចាប់ខ្លួនបុរសម្នាក់ខណៈកំពុងធ្វើសកម្មភាពជាក់ស្តែង
រាជធានីភ្នំពេញ ៖ បុរសម្នាក់ត្រូវបាននគរបាសលអន្តោប្រវេសន៍ម្នាក់ចាប់យកមកមកប្រគល់ឲ្យនគរបាលប៉ុស្តិ៍ទន្លេបាសាក់ បន្ទាប់ពីបុរសរូបនោះបានលួចចូលទៅក្នុងផ្ទះរួចធ្វើ …
រាជធានីភ្នំពេញ ៖ បុរសម្នាក់ត្រូវបាននគរបាសលអន្តោប្រវេសន៍ម្នាក់ចាប់យកមកមកប្រគល់ឲ្យនគរបាលប៉ុស្តិ៍ទន្លេបាសាក់ បន្ទាប់ពីបុរសរូបនោះបានលួចចូលទៅក្នុងផ្ទះរួចធ្វើ …
រាជធានីភ្នំពេញ ៖ បុរសម្នាក់ត្រូវបាននគរបាសលអន្តោប្រវេសន៍ម្នាក់ចាប់យកមកមកប្រគល់ឲ្យនគរបាលប៉ុស្តិ៍ទន្លេបាសាក់ បន្ទាប់ពីបុរសរូបនោះបានលួចចូលទៅក្នុងផ្ទះរួចធ្វើសកម្មភាពរើកកាយក្នុងបំណងប្រុងលួចយកទ្រព្យសម្បត្តិ ។ ការចាប់ឃាត់ខ្លួននេះកើតឡើងកាលពីវេលាម៉ោង៩ និង១៥នាទីព្រឹក ថ្ងៃទី២៤ ខែកុម្ភៈ ឆ្នាំ ២០១៧ នៅក្នុងផ្ទះលេខ៤៦២ ផ្លូវព្រះមុនីវង្ស សង្កាត់ទន្លេបាសាក់ ខណ្ឌចំការមន ។
ប្រភពព័ត៌មានពីនគរបាលប៉ុស្តិ៍ទន្លេបាសាក់បានឱ្យដឹងថា ជនសង្ស័យដែលត្រូវបានឃាត់ខ្លួនឈ្មោះ ហេង ប៊ុនលាភ អាយុ២៣ឆ្នាំ មុខរបរកម្មករសំណង់ ស្នាក់នៅផ្ទះជួល ក្នុងសង្កាត់ច្បារអំពៅទី២ ខណ្ឌច្បារអំពៅ និងមានស្រុកកំណើតនៅស្រុកស្វាយរៀង ខេត្តស្វាយរៀង ។
ប្រភពបន្តថា មុនពេលកើតហេតុ ជនសង្ស័យបានលួចចូលទៅសំងំក្នុងផ្ទះរបស់មន្ត្រីនគរបាលអន្តោប្រវេសន៍ម្នាក់ ខណៈមន្ត្រីនគរបាលរូបនោះបានចូលទៅក្នុងបន្ទប់រៀបចំខ្លួនទៅធ្វើការងារ ពេលចេញមកវិញស្រាប់តែប្រទះឃើញជនសង្ស័យកំពុងធ្វើសកម្មភាពរើកកាយអីវ៉ាន់ក្នុងផ្ទះរបស់ខ្លួនប្រុងលួចយកទ្រព្យសម្បត្តិ ក៏ចាប់ឃាត់ខ្លួន និងយកមកប្រគល់ឱ្យកម្លាំងនគរបាលប៉ុស្តិ៍ទន្លេបាសាក់តែម្តង ។
ក្រោយពីមន្ត្រីនគរបាលអន្តោប្រវេសន៍ជាម្ចាស់ផ្ទះចាប់ខ្លួនជនសង្ស័យយកមកប្រគល់ឲ្យនគរបាលប៉ុស្តិ៍ទន្លេបសាក់រួចហើយ ក៏ធ្វើការសាកសួរ និងកំណត់ហេតុ ដើម្បីបញ្ជូនទៅអធិការដ្ឋាននគរបាលខណ្ឌចំការមនចាត់ការទៅតាមផ្លូវច្បាប់ជាបន្តទៅទៀត ៕
ចែករំលែកព័តមាននេះ