រាជធានីភ្នំពេញ ៖ អង្គការភាសា និងវប្បធម៌អន្តរជាតិ (ILCO) គាំទ្រដោយក្រសួងវប្បធម៌ និងវិចិត្រសិល្បៈ ព្រមទាំងទទួលបានកិច្ចសហការប្រតិបត្តិការរវាងសាលាអន្តរជាតិហ្សាម៉ាន់ (ZIS) និង វិទ្យាស្ថានសន្ទនាមេគង្គ (MDI) បានកំពុងរៀបចំព្រឹត្តិការណ៍ មហោស្រពភាសា និងវប្បធម៌ អន្តរជាតិ (IFLC) នាថ្ងៃទី២៥ ខែកុម្ភៈ ឆ្នាំ២០១៧ នៅម៉ោង៩:00 ព្រឹក ដល់ម៉ោង៦:00ល្ងាច នៅអគារ A និង B នៅមណ្ឌលសន្និបាតកោះពេជ្រ ។ មហោស្រពនេះ គឺមានគោលបំណងបង្ហាញនូវភាពរុងរឿង នៃវប្បធម៌របស់ប្រទេសកម្ពុជា ជាមួយនឹងប្រទេសអន្តរជាតិដទៃទៀត និងបង្ហាញពីរសជាតិនៃម្ហូបអាហារ វប្បធម៌ និងសិល្បៈ របស់ជនជាតិខុសៗគ្នានៅក្នុងប្រទេសតែមួយ។
មហោស្រពនេះរួមមានស្តង់ចំនួន៤៥ ដែលតំណាងឱ្យសិល្បៈ និងវប្បធម៌នៃប្រទេសនីមួយៗ ។ នៅក្នុងខណៈនៃការបង្ហាញនៅតាមស្តង់ទាំងអស់នោះ ក៏មានការសម្តែងផ្សេងៗនៅលើឆាក រួមមានទាំងអ្នករាំ អ្នកច្រៀងជាតិ និងអន្តរជាតិ ក្នុងពេលនោះផងដែរ។
ILCO គឺជាអង្គការក្រៅរដ្ឋាភិបាល ដែលមានគោលបំណងលើកកម្ពស់សេចក្តីសុខសន្តិភាព សេចក្តីស្រឡាញ់ និងការស្រង់យកបទពិសោធន៍ពីវប្បធម៌នានាតាមរយៈសិល្បៈ និងតន្ត្រីនៅព្រះរាជាណាចក្រកម្ពុជា។
ចែករំលែកព័តមាននេះ