អាជីវករមានសុទិដ្ឋិនិយមកាន់តែខ្លាំងលើការដឹកនាំរបស់លោក Trump
សហរដ្ឋអាមេរិក ៖ យោងតាមការស្ទង់មតិរបស់ JPMorgan Chase ឲ្យដឹងថា អាជីវករកំពុងតែមានជំនឿទុកចិត្តខ្លាំងឡើងដោយមានលោក Donald Trump ដឹកនាំប្រទេស។
សហរដ្ឋអាមេរិក ៖ យោងតាមការស្ទង់មតិរបស់ JPMorgan Chase ឲ្យដឹងថា អាជីវករកំពុងតែមានជំនឿទុកចិត្តខ្លាំងឡើងដោយមានលោក Donald Trump ដឹកនាំប្រទេស។
ការស្ទង់មតិនេះឲ្យដឹងថា ៧៦%នៃអាជីវកម្មជឿជាក់ថា រដ្ឋាភិបាលថ្មីនឹងផ្តល់ឥទ្ធិពលវិជ្ជមានដល់អាជីវកម្មរបស់ពួកគេ ព្រោះតែផែនការគោលនយោបាយរបស់រដ្ឋាភិបាលថ្មី រួមមានកំណែទម្រង់ពន្ធ និងការបន្ធូរបន្ថយច្បាប់ពាក់ព័ន្ធ ហើយមានតែ១២%ប៉ុណ្ណោះដែលនិយាយថា នឹងមានឥទ្ធិពលអវិជ្ជមាន ។
សេចក្តីរាយការណ៍មានឈ្មោះថា 2017 JPMorgan Chase & Co. Business Leaders Outlook ឲ្យដឹងថា ភាពជឿជាក់លើសេដ្ឋកិច្ចបានកើនឡើងតាំងពីការបោះឆ្នោតមក ។
សេចក្តីរាយការណ៍ខាងលើបង្ហាញថា ៨០%នៃអាជីវករមកពីអាជីវកម្មធុនកណ្តាលបានជឿជាក់លើសេដ្ឋកិច្ចរបស់សហរដ្ឋអាមេរិក ដែលច្រើនជាងឆ្នាំមុនគុណនឹងពីរ ។ សេចក្តីរាយការណ៍ឲ្យដឹងថា ៦២%នៃអាជីវកម្មធុនតូចបានជឿជាក់ ខណៈឆ្នាំមុនមានតែ៤៣%ប៉ុណ្ណោះ ។
ប៉ុន្តែលោក Jim Glassman ឧត្តមសេដ្ឋវិទូរបស់ JPMorgan Chase និយាយថា ភាពជឿជាក់នេះមិនទាក់ទិននឹងលោក Trump ទេ។ លោកនិយាយថា ៖ « ការកើនឡើងនៃភាពជឿជាក់នេះឆ្លុះបញ្ចាំងពីអវត្តមាននៃវិបត្តិទីផ្សារដូចខែមករា ឆ្នាំ២០១៦ ដែលមានតម្លៃភាគហ៊ុនធ្លាក់ចុះ ព្រោះតែការធ្លាក់ចុះនៃតម្លៃប្រេង និងមកពីការជ្រួលច្របល់ក្នុងប្រទេសចិន » ។
ពេលដែលសួរថា តើគោលដៅណាមួយដែលគួរតែជាគោលដៅទីមួយរបស់រដ្ឋា-ភិបាល0x017d7 អ្នកឆ្លើយតបការស្ទង់មតិខាងលើនិយាយថា ការបន្ធូរបន្ថយច្បាប់ពាក់ព័ន្ធ បន្ទាប់មកបន្ថយពន្ធ និងធ្វើហេដ្ឋារចនាសម្ព័ន្ធឲ្យប្រសើរឡើង ។
ជាមួយគ្នានេះ អាជីវករទាំងនោះភ័យព្រួយថា ពួកគេនឹងមិនអាចស្វែងរកពលករមានជំនាញបាន ។ ៣៥%ឆ្លើយតបថា ពិតជាព្រួយបារម្ភខ្លាំងពីការស្វែងរកមនុស្សមានជំនាញត្រឹមត្រូវ ។ ៤៣%នៃអាជីវករខាងលើនិយាយថា បច្ចេកទេស និងពាណិជ្ជកម្ម ជាជំនាញដែលពិបាកស្វែងរកជាងគេ ។ ក្រៅពីនេះ មានជំនាញគ្រប់គ្រង និងទំនាក់ទំនងផងដែរ ៕
ចែករំលែកព័តមាននេះ