ជាសង្សារនឹងគ្នាត្រូវសមត្ថកិច្ចចាប់ខ្លួនជាមួយគ្នា
រាជធានីភ្នំពេញ ៖ ប្រុសម្នាក់ស្រីម្នាក់ដែលជាសង្សារនឹងគ្នា ត្រូវបានសមត្ថកិច្ចចាប់ខ្លួនកាលពីវេលាម៉ោង២ និង៤០នាទីរសៀល ថ្ងៃទី២៣ ខែកុម្ភៈ ឆ្នាំ២០១៥ នៅចំណុចផ្ទះ …
រាជធានីភ្នំពេញ ៖ ប្រុសម្នាក់ស្រីម្នាក់ដែលជាសង្សារនឹងគ្នា ត្រូវបានសមត្ថកិច្ចចាប់ខ្លួនកាលពីវេលាម៉ោង២ និង៤០នាទីរសៀល ថ្ងៃទី២៣ ខែកុម្ភៈ ឆ្នាំ២០១៥ នៅចំណុចផ្ទះ …
រាជធានីភ្នំពេញ ៖ ប្រុសម្នាក់ស្រីម្នាក់ដែលជាសង្សារនឹងគ្នា ត្រូវបានសមត្ថកិច្ចចាប់ខ្លួនកាលពីវេលាម៉ោង២ និង៤០នាទីរសៀល ថ្ងៃទី២៣ ខែកុម្ភៈ ឆ្នាំ២០១៧ នៅចំណុចផ្ទះជួល ស្ថិតនៅក្នុងភូមិត្រពាំងទួល សង្កាត់កំបូល ខណ្ឌពោធិ៍សែនជ័យ ។
ជនសង្ស័យទាំង២នាក់ ម្នាក់ឈ្មោះ កៅ ឡុង ភេទប្រុស អាយុ២០ឆ្នាំ ស្នាក់នៅផ្ទះជួលភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ និងម្នាក់ទៀតឈ្មោះ ធុច ណាលី ភេទស្រី អាយុ២០ឆ្នាំ ស្នាក់នៅបន្ទប់ជួលគ្មានលេខ ផ្លូវលំ ភូមិត្រពាំងទួល សង្កាត់កំបូល ។ ជនសង្ស័យទាំង២នាក់នេះ គឺជាសង្សារនឹងគ្នា ហើយគឺជាមុខសញ្ញាជួញដូរគ្រឿងញៀនយ៉ាងសកម្មនៅតាមបណ្ដាក្លឹបឌីស្កូនានានៅទូទាំងខណ្ឌពោធិ៍សែនជ័យ ។
សមត្ថកិច្ចនគរបាលបានឲ្យដឹងថា មុនពេលឈានដល់ការចាប់ខ្លួនជនសង្ស័យទាំង២នាក់នេះ កម្លាំងនគរបាលបានធ្វើការស្រាវជ្រាវរហូតកំណត់បានមុខសញ្ញា ហើយក៏បានចុះទៅធ្វើការចាប់ខ្លួនតែម្តង ។ ដោយដំបូងបានចុះទៅកាន់បន្ទប់ផ្ទះជួលមួយកន្លែង ដែលមានទៅតាំងស្ថិតនៅក្នុងភូមិត្រពាំងទួល សង្កាត់កំបូល ពេលទៅដល់កម្លាំងបានធ្វើការចាប់ខ្លួនជនសង្ស័យទាំងពីរនាក់នោះ និងដកហូតបានគ្រឿងញៀនចំនួន១កញ្ចប់តូច ។
សមត្ថកិច្ចបន្តថា បន្ទាប់ពីចាប់ខ្លួន និងធ្វើការសួរនាំ ជនសង្ស័យជានារីបានប្រាប់ថា នៅមានថ្នាំញៀន១កញ្ចប់ធំនៅក្នុងបន្ទប់ជួលបងស្រីរបស់នាង ចំណែកជនសង្ស័យដែលជាយុវជនបានប្រាប់ថា ខ្លួនបានលាក់ទុកជញ្ជីងថ្លឹងគ្រឿងញៀននៅក្នុងបន្ទប់បងប្រុសរបស់ខ្លួន ។
ប្រភពដដែលបានបន្តថា ក្រោយពេលសួរនាំដឹងសាច់រឿង កម្លាំងបាននាំពួកគេទៅឆែកឆេរ បន្ទប់ជួលលេខ១៣ ជាន់ទី១ ស្ថិតនៅក្នុងភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ ដែលជាបន្ទប់របស់បងប្រុសជនសង្ស័យឈ្មោះ កៅ ឡុង ហើយបានរកឃើញជញ្ជីងថ្លឹងគ្រឿងញៀន១គ្រឿងមែន ។ បន្ទាប់មកកម្លាំងបាននាំពួកគេទៅឆែកបន្ទប់មួយទៀត លេខ១៥ ស្ថិតនៅខាងក្រោយរោងចក្រកាត់ដេរ ប៊ឺរី ស្ថិតក្នុងភូមិអូរដឹម សង្កាត់ចោមចៅ ខណ្ឌពោធិ៍សែនជ័យ ដែលជាបន្ទប់បងស្រីរបស់ជនសង្ស័យឈ្មោះ ធុច ណាលី ។ ពេលទៅដល់ស្ត្រីសង្ស័យបានចាក់សោទ្វារបន្ទប់ដោយខ្លួនឯងព្រោះនាងមានកូនសោជាប់ខ្លួន ហើយរត់ចូលទៅក្នុងបន្ទប់ទឹកបម្រុងយកថ្នំញៀនដែលលាក់នៅក្នុងសុដន់បោះចោលក្នុងបង្គន់ ប៉ុន្តែខណៈនោះកម្លាំងបានរត់ចូលទៅតាមក្រោយ ហើយឲ្យស្ត្រីនោះលាត់អាវស្រាប់តែជ្រុះថ្នាំញៀនមក១កញ្ចប់ធំ ដែលមានតម្លៃប្រមាណជាង៣០០ដុល្លារ និង១កញ្ចប់តូចទៀតផងដែរ ។
សមត្ថកិច្ចបញ្ជាក់ថា ក្រោយមកកម្លាំងបានឆែកឆេររកគ្រឿងញៀនបន្លែមទៀត ប៉ុន្តែមិនមាននោះទេ គឺមានតែថង់សម្រាប់វេចខ្ចប់មួយចំនួនតែប៉ុណ្ណោះ ចំណែកថ្នាំញៀនដែលស្ត្រីសង្ស័យអះអាងថាលាក់នៅក្នុងបន្ទប់បងស្រី១កញ្ចប់ធំនោះ មិនមានទេ គឺ១កញ្ចប់ធំដែលនាងលាក់នៅក្នុងសុដន់នោះហើយ ។ បន្ទាប់មកជនសង្ស័យខាងលើត្រូវបានកម្លាំងនាំទៅសួរនាំនិងកសាងសំណុំរឿងបញ្ជូនទៅតុលាការចាត់ការតាមផ្លូវច្បាប់ ៕
ចែករំលែកព័តមាននេះ