ប្រទេសសិង្ហបុរី ៖ សិង្ហបុរីមានផែនការអនុម័តពន្ធលើធ្យូងថ្ម និងប្រេងអាស៊ីអាគ្នេយ៍ក្នុងឆ្នាំ២០១៩ ដែលអាចនឹងបង្កើនតម្លៃថាមពលអគ្គិសនីក្នុងប្រទេសខ្លួន និងតម្រូវឲ្យអ្នកបំពុលបរិស្ថានធំៗចំនួន៣០ រួមទាំង
ប្រទេសសិង្ហបុរី ៖ សិង្ហបុរីមានផែនការអនុម័តពន្ធលើធ្យូងថ្ម និងប្រេងអាស៊ីអាគ្នេយ៍ក្នុងឆ្នាំ២០១៩ ដែលអាចនឹងបង្កើនតម្លៃថាមពលអគ្គិសនីក្នុងប្រទេសខ្លួន និងតម្រូវឲ្យអ្នកបំពុលបរិស្ថានធំៗចំនួន៣០ រួមទាំងវារីអគ្គិសនីត្រូវបង់ពន្ធទាំងនោះ ។
រដ្ឋមន្ត្រីហិរញ្ញវត្ថុសិង្ហបុរី លោក Heng Swee Keat ថ្លែងថា ពន្ធនោះនឹងមានកម្រិតរវាង៧ទៅ១៤ដុល្លារក្នុងមួយតោននៃឧស្ម័នកាបូនិក និងឧស្ម័នផ្ទះកញ្ចក់៥ប្រភេទទៀត ។
ពន្ធនេះនឹងធ្វើឲ្យតម្លៃប្រេងកើនឡើងពី៣,៥០ទៅ៧ដុល្លារក្នុងមួយធុង ។ វាអាចនឹងបង្កើនតម្លៃអគ្គិសនីរវាង២%ទៅ៤%ផងដែរ។ នេះបើយោងតាមការរាយការណ៍ ។
លោកថ្លែងថា ៖ « វិធីមានប្រសិទ្ធភាព និងយុត្តិធម៌ជាងគេដើម្បីកាត់បន្ថយការបញ្ចេញឧស្ម័នកាបូនិក គឺការដាក់ពន្ធ ។ ដូច្នេះ អ្នកដែលបញ្ចេញនឹងត្រូវរ៉ាប់រងបង់ពន្ធ ។
ប្រទេសសិង្ហបុរីកំពុងនៅក្រោមហានិភ័យនៃការកើនឡើងនៃកម្ពស់សមុទ្រ ព្រោះតែបម្រែបម្រួលបរិយាកាស។ ពួកយើងត្រូវតែចូលរួមការពារបរិស្ថានរស់នៅរបស់ខ្លួន រួមជាមួយសហគមន៍អន្តរជាតិ » ។
ប្រាក់ចំណូលពីពន្ធនេះ នឹងជួយដល់យុទ្ធសាស្ត្រ ក្នុងការកាត់បន្ថយការបញ្ចេញឧស្ម័នទាំងនោះ ។ រដ្ឋាភិបាលបានពិគ្រោះជាមួយអ្នកដឹកនាំក្នុងវិស័យ និងគ្រោងថា នឹងចាប់ផ្តើមកិច្ចប្រជុំសាធារណៈនៅខែមីនា មុនពេលសម្រេចជាចុងក្រោយ ។ រដ្ឋាភិបាលក៏សង្ឃឹមថា វាអាចនឹងជំរុញដល់ការបង្កើតការងារក្នុងវិស័យថាមពលបៃតងផងដែរ ។
សិង្ហបុរីនឹងក្លាយជាប្រទេសដាក់ពន្ធទី១ ក្នុងអាស៊ីអាគ្នេយ៍ ។
លោក Chris Graham អនុប្រធានផ្នែកស្រាវជ្រាវថាមពលរបស់ Wood Mackenzie Ltd ថ្លែងថា ៖ « សិង្ហបុរីចង់ចេញសកម្មភាពតឹងរឹុងជាងមុនក្នុងការកាត់បន្ថយឧស្ម័នផ្ទះកញ្ចក់របស់ខ្លួន » ។
ប៉ុន្តែការប៉ះពាល់ពីការសម្រេចចិត្តនេះ នឹងប៉ះពាល់ផ្នែកអគ្គិសនី និងឧស្សាហកម្មធុនធ្ងន់ដូចជា រោងចក្រកែច្នៃប្រេងជាដើម ។ គួរបញ្ជាក់ថា សិង្ហបុរីប្រើប្រាស់ឧស្ម័នធម្មជាតិសម្រាប់ការទាញយកថាមពលភាគច្រើនរបស់ខ្លួន ។ ការដាក់ពន្ធនេះអាចនឹងជំរុញការវិនិយោគក្នុងផ្នែកថាមពលបៃតង បើទោះជាសិង្ហបុរីគ្មានដីគ្រប់គ្រាន់សម្រាប់ការអភិវឌ្ឍដូចនេះក៏ដោយ ហើយអាចនឹងជំរុញដល់ប្រសិទ្ធភាពថាមពលផងដែរ ។
លោក Graham បន្តថា រដ្ឋាភិបាលនឹងត្រូវធ្វើការជាមួយឧស្សាហកម្មដើម្បីធានាថា ការដាក់ពន្ធនេះនឹងមិនបង្កើនការចំណាយផ្នែកអាជីវកម្ម ដែលធ្វើឲ្យពួកគេមិនអាចប្រកួតប្រជែងជាមួយក្រុមហ៊ុនដទៃក្នុងតំបន់មិនចាំបាច់បង់ពន្ធ ៕
ចែករំលែកព័តមាននេះ