សង្ស័យមានអីមិនប្រក្រតីហើយមើលទៅបានជាចុះរត់គេចបាត់បែបនេះ?
ខេត្តកំពង់ស្ពឺ ៖ រថយន្តដឹកទូកុងតឺន័រ១គ្រឿងពេលបើកវាងបារ៉ាស់ក៏ជ្រុលទៅបុកស្លាកគណបក្ស ហើយស្រាប់តែអ្នកបើកបរចុះរត់គេចខ្លួនបាត់ ធ្វើឲ្យអ្នកឃើញហេតុការណ៍ …
ខេត្តកំពង់ស្ពឺ ៖ រថយន្តដឹកទូកុងតឺន័រ១គ្រឿងពេលបើកវាងបារ៉ាស់ក៏ជ្រុលទៅបុកស្លាកគណបក្ស ហើយស្រាប់តែអ្នកបើកបរចុះរត់គេចខ្លួនបាត់ ធ្វើឲ្យអ្នកឃើញហេតុការណ៍ …
ខេត្តកំពង់ស្ពឺ ៖ រថយន្តដឹកទូកុងតឺន័រ១គ្រឿងពេលបើកវាងបារ៉ាស់ក៏ជ្រុលទៅបុកស្លាកគណបក្ស ហើយស្រាប់តែអ្នកបើកបរចុះរត់គេចខ្លួនបាត់ ធ្វើឲ្យអ្នកឃើញហេតុការណ៍នាំគ្នានិយាយថា ទូកុងតឺន័រនេះសង្ស័យផ្ទុកអីវ៉ាន់ខុសច្បាប់ ឬក៏អ្នកបើកបរចង់យកទូកុងតឺន័រទៅវះដើម្បីលួចយកអីវ៉ាន់ហើយមើលទៅ ។ ករណីនេះកើតឡើងកាលពីវេលាម៉ោង១០ និង២៥នាទីយប់ ថ្ងៃទី២៣ ខែកុម្ភៈ ឆ្នាំ២០១៧ នៅតាមបណ្តោយផ្លូវលេខ១៤៥ (ផ្សារស្លាបលែងបាង្កសី) ស្ថិតក្នុងភូមិត្រពាំងខ្យង ឃុំទួលអំពិល ស្រុកបសេដ្ឋ ខេត្តកំពង់ស្ពឺ ។
លោក នួន សុខុម អាយុ៥៦ឆ្នាំ ជាមេភូមិត្រពាំងខ្យង បានរៀបរាប់ថា មុនពេលកើតហេតុរូបលោកកំពុងនៅផ្ទះជាធម្មតា ស្រាប់តែរថយន្តដឹកទូកុងតឺន័រ១គ្រឿង បើកក្នុងទិសដៅពីលិចទៅកើត លុះមកដល់កន្លែងដាក់បារ៉ាស់អ្នកបើកបរបានឈប់ចុះមើលផ្លូវ ដោយបារ៉ាស់ទាបជាងដំបូលទូកុងតឺន័រក៏បានបើកវៀងមកខាងឆ្វេងដៃ ស្រាប់តែជ្រុលចង្កូតទៅបុកស្លាកគណបក្សប្រជាជនខូចអស់១ផ្ទាំង ។
លោកមេភូមិបន្តថា ក្រោយពេលជ្រុលចង្កូតបុកស្លាកគណបក្សរួច អ្នកបើកបរបានចុះរត់គេចខ្លួនបាត់ បន្សល់តែបណ្ណបើកបរនៅលើឡាន១សន្លឹកមានឈ្មោះ ប្រាក់ សម្បត្តិ ភេទប្រុស អាយុ២៥ឆ្នាំ មានទីលំនៅភូមិក្បាលទំនប់ សង្កាត់បឹងទំពុន ខណ្ឌមានជ័យ ក្រុងភ្នំពេញ ។ រថយន្តបង្កម៉ាកយូឌី ក្បាលពណ៌លឿង ពាក់ស្លាកលេខ ភ្នំពេញ3A-0833 ចំណែកកន្ទុយកុងតឺន័រ ពាក់ស្លាកលេខ 4A-1407 ។
ប្រជាពលរដ្ឋរស់នៅក្បែរកន្លែងកើតហេតុបានលើកឡើងថា ឡានដឹកទូកុងតឺន័រនេះអាចផ្ទុកអីវ៉ាន់ល្មើសច្បាប់ណាមួយដែលច្បាប់ហាមឃាត់ ឬក៏រត់គេចពីការតាមប្រមាញ់របស់សមត្ថកិច្ចណាមួយហើយ បើមិនដូច្នោះទេអាចអ្នកបើកបរមានបំណងនាំយកកុងតឺន័រនេះទៅវះដើម្បីលួចយកអីវ៉ាន់ហើយមើលទៅបានជាគ្រាន់តែជ្រុលចង្កូតប៉ុណ្ណឹងក៏រត់គេចខ្លួនដែរ ។
ទោះបីជាយ៉ាងណា ទាំងនេះគ្រាន់តែជាការលើកឡើងរបស់ប្រជាពលរដ្ឋក្បែរកន្លែងកើតហេតុតែប៉ុណ្ណោះ រឿងរ៉ាវពិតយ៉ាងណានោះទាល់តែសមត្ថកិច្ចបើកការស៊ើបអង្កេតបន្តចំពោះករណីនេះ ។
សមត្ថកិច្ចនគរបាលស្រុកបសេដ្ឋបានលើកឡើងថា នេះជាករណីគ្រោះថ្នាក់ចរាចរណ៍បង្កឡើងដោយខ្លួនឯង មិនបណ្តាលឲ្យមានគ្រោះថ្នាក់ដល់អាយុជីវិតមនុស្សឡើយ ។ ក្នុងនេះផងដែរសមត្ថកិច្ចបានអំពាវនាវដល់ម្ចាស់ក្រុមហ៊ុនទូកុងតឺន័រដែលមានភិនភាគដូចរូបភាពនេះសូមមកទំនាក់ទំនងសមត្ថកិច្ចមូលដ្ឋាន ដើម្បីស្នើសុំយកឡានត្រឡប់ទៅវិញ ។
នៅព្រឹកថ្ងៃទី២៤ ខែកុម្ភៈ ឆ្នាំ២០១៧នេះ សមត្ថកិច្ចបានធ្វើកំណត់ហេតុវាស់វែងរាយការណ៍ទៅថ្នាក់លើរួចរាល់អស់ហើយ ដើម្បីសុំគោលការណ៍បន្តបើសិនជាស្រាវជ្រាវរកម្ចាស់ឡានមិនឃើញ ៕
ចែករំលែកព័តមាននេះ