សារព័ត៌មានបរទេសកាលពីពេល ថ្មីៗកន្លងមកផ្សាយថា មហាវិទ្យាល័យក្រុងឡុងដ៍សហការជាមួយអង្គការសុខភាពពិភពលោក«WHO» បានវិភាគទាក់ទងនឹងអាយុរបស់ពលរដ្ឋក្នុងប្រទេសអភិវឌ្ឍន៍ចំនួន៣៥ រួមទាំង
សារព័ត៌មានបរទេសកាលពីពេល ថ្មីៗកន្លងមកផ្សាយថា មហាវិទ្យាល័យក្រុងឡុងដ៍សហការជាមួយអង្គការសុខភាពពិភពលោក«WHO» បានវិភាគទាក់ទងនឹងអាយុរបស់ពលរដ្ឋក្នុងប្រទេសអភិវឌ្ឍន៍ចំនួន៣៥ រួមទាំងសហរដ្ឋអាមេរិក កាណាដា ចក្រភពអង់គ្លេស ជប៉ុន សិង្ហបុរី កូរ៉េខាងត្បូង និងអូស្ដ្រាលី ។
ការវិភាគឃើញថា អាយុមធ្យមរបស់ពលរដ្ឋក្នុងក្រុមប្រទេសទាំងនេះ មាននិន្នាការកើនខ្ពស់បន្ដបន្ទាប់ រហូតដល់ឆ្នាំ២០៣០ ដោយអាយុមធ្យមរបស់បុរសមានប្រហែល៧៩,៥ឆ្នាំ និងស្ដ្រី៨៣,៣ឆ្នាំ ។
ប្រសិនបើរៀបចំណាត់ថ្នាក់ទៅតាមបណ្ដាប្រទេស ឃើញថា កូរ៉េខាងត្បូង ជាប្រទេសដែលអាយុវែងបំផុត ជាមធ្យម៨៤,១ឆ្នាំសម្រាប់បុរស និង៩០,១ឆ្នាំសម្រាប់ស្ដ្រី ។
ចាត់ទុកជាប្រទេសដំបូងនៅលើពិភពលោក ដែលស្ដ្រីមានអាយុលើសពី៩០ឆ្នាំ ខណៈពេលការព្យាករអាយុមធ្យមរបស់ស្ដ្រីជប៉ុន ក្នុងអំឡុងពេលដូចគ្នា៨៨ឆ្នាំ ដោយអ្នកជំនាញវិភាគថា ការព្យាករអាយុរបស់ជនជាតិកូរ៉េខាងត្បូងដែលវែង អាចពាក់ព័ន្ធនឹងកត្ដាជាច្រើន រួមទាំងម្ហូបអាហារល្អតាំងពីនៅក្មេងរហូតដល់វ័យចំណាស់ គួបផ្សំនឹងសុខភាព ។
ចំណែកនៅអឺរ៉ុប ស្ដ្រីបារាំង និងបុរសជនជាតិស្វ៊ីស បានទទួលការព្យាករថា អាយុមធ្យមវែងបំផុត គឺ៨៨,៦ឆ្នាំ និង៨៤ឆ្នាំ តាមលំដាប់។ រីឯតួលេខរបស់អាមេរិក ចាត់ទុកថាស្ថិតក្នុងកម្រិតស្ថិរភាព អស់រយៈពេល២ទសវត្សមកហើយ ពោលគឺ៨១,៣ឆ្នាំ ចំពោះស្ដ្រីនិងបុរស ៕
ចែករំលែកព័តមាននេះ