អ្នកបរិភោគច្រើនប្រយ័ត្នកើតជំងឺមហារីកក្រពះ
កម្ពុជាត្រូវពិភពលោកចាត់ទុកជាប្រទេសកណ្តាលដែលមានអត្រាកើតជំងឺមហារីកក្រពះ។ប្រទេសដែលអាត្រាជំងឺមហារីកក្រពះខ្ពស់មានដូចជា កូរ៉េ ម៉ុងហ្គោលី ជប៉ុន ចិន និងវៀតណាម។ ចំពោះប្រទេសដែល
កម្ពុជាត្រូវពិភពលោកចាត់ទុកជាប្រទេសកណ្តាលដែលមានអត្រាកើតជំងឺមហារីកក្រពះ។ប្រទេសដែលអាត្រាជំងឺមហារីកក្រពះខ្ពស់មានដូចជា កូរ៉េ ម៉ុងហ្គោលី ជប៉ុន ចិន និងវៀតណាម។ ចំពោះប្រទេសដែល
កម្ពុជាត្រូវពិភពលោកចាត់ទុកជាប្រទេសកណ្តាលដែលមានអត្រាកើតជំងឺមហារីកក្រពះ។ប្រទេសដែលអាត្រាជំងឺមហារីកក្រពះខ្ពស់មានដូចជា កូរ៉េ ម៉ុងហ្គោលី ជប៉ុន ចិន និងវៀតណាម។ ចំពោះប្រទេសដែលមានអត្រាជំងឺមហារីកក្រពះទាបក្នុងតំបង់អាស៊ីប៉ាស៊ីហ្វិក គឺប្រទេសឥណ្ឌា និងប្រទេសថៃ ។
បើតាមការអះអាងរបស់លោកសាស្ត្រាចារ្យ អ៊ុង ចក្រាវុធ ឯកទេសផ្នែកជំងឺថ្លើម ក្រពះ ពោះវៀន ឫសដូងបាតនៃមន្ទីរពេទ្យកាល់ម៉ែត ប្រាប់កោះសន្តិភាពឲ្យដឹងថា ក្នុង ១ឆ្នាំៗអ្នកដែលពិនិត្យរកមើលជំងឺមហារីកក្រពះនៅក្នុងផ្នែករបស់លោក ជាមធ្យមប្រមាណ៦០នាក់កើតមានជំងឺមហារីកក្រពះ ហើយភាគច្រើនជាករណីធ្ងន់ពិបាកព្យាបាល(ដំណាក់កាលចុងក្រោយ) ។
មូលហេតុដែលបណ្តាលឲ្យកើតមានជំងឺមហារីកក្រពះនេះគឺមកពីកត្តា៣ ដោយកត្តាទាំងនេះរួមបញ្ចូលគ្នានាំឲ្យកើតមានជំងឺមហារីកក្រពះ ៖
-កត្តាតំណពូជ ដែលបញ្ហានេះអាចមានរហូតដល់ទៅ១០ទៅ១៥ភាគរយ ។
-កត្តបរិស្ថាន និងការបរិភោគអាហារ ដូចជាអាហារផ្អាប់ ប្រហុក ផ្អក ត្រីប្រឡាក់ ការជក់បារី ផឹកស្រាជាដើម ។
-កត្តាមេរោគ ជាពិសេស Helicobacter pylori ដែលភាគច្រើនតែងតែកើតមានចំពោះប្រទេសដែលមានអនាម័យទាប ហើយមេរោគនេះបណ្តាលឲ្យកើតមានជំងឺរលាកក្រពះរ៉ាំរ៉ៃ និងបង្កើឲ្យកើតមានជំងឺហារីកបាន ។
លោកសាស្ត្រាចារ្យបន្តទៀតថា ចំពោះរោគសញ្ញានៃជំងឺមហារីកក្រពះត្រូវបែងចែកជាពីរដំណាក់កាល គឺដំណាក់កាលដំបូង និងដំណាក់កាលចុងក្រោយ មានដូចជា៖
-ដំណាក់កាលដំបូងគឺមិនមានរោគសញ្ញាអ្វីទាំងអស់ ។
-ដំណាក់កាលចុងក្រោយ ជាដំណាក់កាលហួសពេលដែលអាចលេចចេញនូវរោគសញ្ញា ដូចជា ឈឺពោះខ្លាំង ពិសេសពេលកណ្តាលយប់ ឈឺចុកដង្ហើម ចុកឆ្អល់ មានអារម្មណ៍ថាក្រពះមិនរំលាយអាហារ ស្រកគីឡូ មានក្អួត ស្លេកស្លាំង ហើយនៅពេលស្ទាបពោះស្រាប់តែឃើញមានដុំក្នុងពោះ ។
នៅក្នុងដំណាក់កាលនេះការព្យាបាលអាចគ្រាន់តែជួយពន្យារជីវិតរស់នៅ ដោយភាគច្រើនអ្នកជំងឺអាចមានជីវិតរស់នៅត្រឹមតែ៦ខែប៉ុណ្ណោះ។ ដូច្នេះដើម្បើជៀសវាងការកើតមានជំងឺនេះលោកអ្នកគួរតែអនុវត្តតាមវិធីខាងក្រោមនេះ៖
-ជៀសវាងអាហារផ្អាប់ឬមិនត្រូវបរិភោគញឹកញាប់ពេកមានដូចជា ត្រីប្រឡាក់ ប្រហុក ផ្អក និងអាហារផ្អាប់ជាច្រើនទៀត ។
-ត្រូវទទួលទានបន្លែ ផ្លែឈើឲ្យបានច្រើន ពិសេសអាហារស្រស់ ។
-ត្រូវទម្លាប់អនាម័យឲ្យបានជាប់ជាប្រចាំ ដើម្បីការពារការកើតជំងឺរលាកក្រពះដែលបណ្តាលមកពីមេរោគ Helicobacter pylori ហើយបើកើតមានជំងឺនេះត្រូវតែព្យាបាលឲ្យបានជាសះស្បើយ ។
-បើសិនជាមានពូជពង្សកើតមានជំងឺមហារីក គួរតែទៅពិនិត្យ និងស្វែងរកជំងឺមហារីកជាពិសេសលោកអ្នកដែលមានអាយុចាប់ពី៤០ឡើងទៅ ៕
ចែករំលែកព័តមាននេះ