អង្គការលើកស្ទួយលើវិស័យទេសចរណ៍ប្រទេសជប៉ុន បានណែនាំឱ្យចូលទស្សនាផ្កាសាគូរ៉ា ដ៏ពេញនិយមចំនួន៧កន្លែងប្រចាំឆ្នាំ២០១៧ ។ វេបសាយ«Jinto» បានបង្ហាញពីភាពស្រស់ស្អាតរបស់ផ្កាសាគូរ៉ារីកស្គុសស្គាយនៅទូទាំងប្រទេស ។
សាគូរ៉ា ជានិមិត្ដរូបនៃការឈានចូលរដូវស្លឹកឈើលាស់របស់ជប៉ុន ដោយមានច្រើនជាង៣០០ពូជខុសប្លែកគ្នាទាំងរូបរាង និងពណ៌ ។ ទូទាំងប្រទេសជប៉ុន មានតំបន់ទស្សនាផ្កាសាគូរ៉ាជាង១០០ និងរីកស្គុសស្គាយក្នុងពេលខុសៗគ្នា ធ្វើឱ្យគ្រប់តំបន់នៅជប៉ុន មានផ្កាសាគូរ៉ារីកឆ្លាស់ពេលគ្នា ។
អំឡុងពេលផ្កាសាគូរ៉ា ចាប់ផ្ដើមរីក និងជាចំណុចដ៏ពេញនិយមបំផុត ចាប់តាំងពីខែមេសា រហូតដល់ខែឧសភា ។
ទីតាំងគួរឱ្យទស្សនាផ្កាសាគូរ៉េដ៏ពេញនិយម៧កន្លែង នៅទូទាំងជប៉ុន ៖
១-ឧទ្យានធារណៈ«Omura Park» នៅខេត្ដណាហ្គាសាគី ។
២-ប្រាសាទ«Tsuyama» នៅខេត្ដអូកាយ៉ាម៉ា ។
៣-វត្ដ«Ninna» នៅក្នុងខេត្ដក្យូតូ ។
៤-បឹង«Kawaguchi» ខេត្ដយ៉ាម៉ាណាស៊ី ។
៥-ឧទ្យានជាតិ«Shinjuku Gyoen National Garden» ខេត្ដតូក្យូ ។
៦-ឧទ្យានប្រាសាទ«Tsuruga Castle Park» ខេត្ដហ្វូគូស៊ីម៉ា ។
៧-ឧទ្យានប្រាសាទ«Matsumae Castle Park» ខេត្ដហុកកៃដូ ៕
ចែករំលែកព័តមាននេះ