រាជធានីភ្នំពេញ ៖ ព្រះតេជគុណព្រះគ្រូ នី សុវណ្ណមុនីរ៉េត ដែលកន្លងមកបានបង្ហាញព្រះវត្តមានជាញឹកញាប់ ទាំងក្នុងកិច្ចការងារពុទ្ធចក្រ និងអាណាចក្រ ក៏ត្រូវបានព្រះមហាក្សត្រនៃព្រះរាជណាចក្រកម្ពុជា ចេញព្រះរាជក្រិត្យព្រះរាជទានតែងតាំងជាព្រះរាជាគណៈថ្នាក់កិត្តិយសគណៈមហានិកាយនៃព្រះរាជាណាចក្រកម្ពុជា ។
នៅក្នុងព្រះរាជក្រិត្យ ព្រះករុណាព្រះបាទសម្តេចព្រះបរមនាថ នរោត្តម សីហមុនី ដែលទ្រង់បានចុះព្រះហស្ថលេខា និងព្រះរាជ
លញ្ជករ កាលពីថ្ងៃទី០៨ កុម្ភៈ ទ្រង់ត្រាស់បង្គាប់តែងតាំងព្រះរាជាគណៈថ្នាក់កិត្តិយស គណៈមហានិកាយនៃព្រះរាជាណាចក្រកម្ពុជាប្រគេនថ្វាយព្រះគ្រូនាគមុនីសត្ថា នី សុវណ្ណមុនីរ៉េត ឡើងទីជាព្រះព្រហ្មវិជ្ជា ។
កម្មវិធីប្រកាសត្រូវបានធ្វើឡើង កាលពីទី២០ កុម្ភៈ នៅក្នុងបរិវេណវត្តបុទុមវតី ក្នុងពិធីប្រកាសព្រះរាជាក្រឹត្យតែតាំងគោរមងារមន្ដ្រីសង្ឃឡើងទីជាព្រះរាជាគណៈ និងឡើងទីជាព្រះគ្រូ គណៈមហានិកាយ នៃព្រះរាជាណាចក្រកម្ពុជា ក្រោមព្រះវត្តមានព្រះអគ្គមហាសង្ឃរាជាធិបតី ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា ។
កាលពីថ្ងៃទី២១ កុម្ភៈ ព្រះគ្រូ នី សុវណ្ណមុនីរ៉េត ក៏ទើបតែទទួលបានមេដាយ មនុស្សធម៌ ពីកាកបាទក្រហម កម្ពុជា ក្នុងពិធីមហាសន្និបាតមន្ត្រីសង្ឃទូទាំងរាជធានី ។ ការទទួលបានមេដាយនេះដែលគឺបន្ទាប់ពីព្រះអង្គតែងយកព្រះទ័យទុកដាក់ និងចុះជួយសល់ប្រជាពលរដ្ឋក្រីក្រកន្លងមកជាហូរហ ។
ចែករំលែកព័តមាននេះ