ខេត្តបាត់ដំបង ៖ ក្រុមក្មេងទំនើងជិត២០នាក់ ត្រូវកម្លាំងនគរបាលផ្នែកបង្កាបង្ក្រាបនៃស្នងការដ្ឋានខេត្ត ធ្វើការឃាត់ខ្លួនស្ថិតតាមដងផ្លូវ និងតាមសួនច្បារនានាក្នុងក្រុងបាត់ដំបង កាលពីវេលារំអធ្រាត្រ ឈានចូលថ្ងៃទី២៣ កុម្ភ: ខណ:ពួកគេស្រវឹងជិះម៉ូតូស្រែកឡូឡា និងដេញកាប់ចាក់គ្នាយ៉ាងអនាធិបតេយ្យនោះ ។
កម្លាំងសមត្ថកិច្ចបានចំណាយពេលជិត៣ម៉ោង នៅវេលាកើតហេតុ ដើម្បីតាមស្ទាក់បង្ក្រាបក្រុមក្មេងទំនើងទាំងនេះ ដែលពួកគេស្រវឹងជិះម៉ូតូស្រែកឡូឡាតាមថ្នល់ ដេញកាប់ចាក់គ្នាតាម និងប្តមូលផ្ដុំគ្នានៅតាមសួនច្បារនានាក្នុងចេតនាមិនល្អ ។ លោកឈឿង គឹមសុង បញ្ជាក់ថា ក្រោយពីប្រមូលនិងឃាត់ខ្លួន លោកស្នងការខេត្ តក៏បានបញ្ជាឲ្យនាំពួកគេទៅកាន់ស្នងការទាំងយប់ផងដែរ ដើម្បីប្រគល់ឲ្យមន្ត្រីជំនាញសួរនាំបន្ត ។
បើតាមការឆ្លើយបំភ្លឺពីក្រុមក្មេងង្វេងផ្ទះទាំងនោះ ក្រោយឃាត់ខ្លួន គឺភាគច្រើនពួកគេអះអាងថា ទើបចេញពីក្លឹបកម្សាន្ត ប៉ុន្តែពួកគេហាក់មិនចង់និយាយប្រាប់សមត្ថកិច្ច នៅពេលសួរនាំអំពីមូលហេតុ ដែលនាំគ្នាជិះម៉ូតូស្រែកឡូឡាតាមថ្នល់ និងមួយចំនួនប្រើកាំបិតដេញកាប់គ្នាផង ។
បើទោះជាសមត្ថកិច្ចបានជិះដេញយ៉ាងប្រកិតពីក្រោយ និងថែមទាំងដកហូតបាននូវវត្ថុតាងមួយចំនួនក្ដី ។ សូមបញ្ជាក់ថា កាលពីខែមុន កម្លាំងនគរបាលនៃស្នងការខេត្ត បានបើកកិច្ចប្រតិបត្តិការទ្រង់ទ្រាយធំម្ដងហើយ ក្នុងការបង្ក្រាបក្រុមក្មេងទំនើង ដែលវង្វេងផ្ទះ កណ្ដាលអាធ្រាត្រដូចករណីខាងលើនេះ ដែលកាលនោះ សមត្ថកិច្ច ឃាត់ខ្លួនបានជាង៥០នាក់បញ្ជូនទៅស្នងការខេត្ត ដើម្បីធ្វើការអប់រំ ។ ក្នុងចំណោមជាង៥០នាក់នោះ មន្ត្រីជំនាញបានរកឃើញចំនួន២២នាក់ តាមរយ:ការធ្វើតេស្តទឹកនោម គឺមានផ្ទុកសារធាតុញៀន(ប្រើប្រាស់ថ្នាំញៀន)។
ចែករំលែកព័តមាននេះ