ខណៈនេះ នៅលើស្ពានព្រំដែនប៉ោយប៉ែតកំពុងកកស្ទះខ្លាំងនៅឡើយ
ខេត្តបន្ទាយមានជ័យ ៖ សេចក្តីរាយការណ៍បានឲ្យដឹងថា គិតមកដល់ម៉ោង១០ និង៥៥នាទីព្រឹក ថ្ងៃទី២៣ ខែកុម្ភៈ ឆ្នាំ២០១៧នេះ នៅស្ពានព្រំដែនប៉ោយប៉ែតកំពុងមានការ …
ខេត្តបន្ទាយមានជ័យ ៖ សេចក្តីរាយការណ៍បានឲ្យដឹងថា គិតមកដល់ម៉ោង១០ និង៥៥នាទីព្រឹក ថ្ងៃទី២៣ ខែកុម្ភៈ ឆ្នាំ២០១៧នេះ នៅស្ពានព្រំដែនប៉ោយប៉ែតកំពុងមានការ …
ខេត្តបន្ទាយមានជ័យ ៖ សេចក្តីរាយការណ៍បានឲ្យដឹងថា គិតមកដល់ម៉ោង១០ និង៥៥នាទីព្រឹក ថ្ងៃទី២៣ ខែកុម្ភៈ ឆ្នាំ២០១៧នេះ នៅស្ពានព្រំដែនប៉ោយប៉ែតកំពុងមានការកកស្ទះខ្លាំងនៅឡើយ ។
សូមរម្លឹកថា កាលពីវេលាម៉ោង៩ និង១៥នាទីព្រឹក ថ្ងៃទី២៣ ខែកុម្ភៈ ឆ្នាំ២០១៧ ក្រុមរទេះត្រីបានលើកគ្នាបិទស្ពានព្រំដែនប៉ោយប៉ែត ដើម្បីឲ្យភាគីថៃបញ្ចុះតម្លៃភាស៊ីលើខេងត្រីរបស់ពួកគាត់ ។
ប្រភពព័ត៌មានបានឲ្យដឹងថា ក្រុមកម្មករបាននាំគ្នាអូសរទេះត្រីត្រឡប់មកវិញដោយខឹងសម្បារយ៉ាងខ្លាំងក៏នាំគ្នាបិទស្ពានព្រំដែនតែម្តង ដោយនាំគ្នានិយាយថា ខាងថៃនៅតែបន្តទារថ្លៃ១ខេង១៥០០បាត(ប្រាក់ថៃ)ដូចដើម ។ ទោះជាយ៉ាងក៏ដោយខាងផ្លូវថ្មើរជើងទាំងសងខាងស្ពានព្រំដែន អ្នកដំណើរជាតិ និងអន្តរជាតិ ធ្វើដំណើរទៅមកជាលក្ខណៈធម្មតា ។
សូមបញ្ជាក់ថា ក្រុមអាជីវករនាំត្រីទៅថៃបាននាំគ្នាខឹងសម្បារយ៉ាងខ្លាំងដែលគយថៃទារភាស៊ីឡើងថ្លៃជាបន្តបន្ទាប់តាមអំពើចិត្ត ។ ក្រុមអាជីវករនិយាយថា តម្លៃដំបូងក្នុង១ខេងសណ្ដោងដែលមានត្រីរ៉ស់ជាង១០០គីឡូក្រាម គយថៃទារភាស៊ីត្រឹមតែ៣០០បាតទេ លុះមួយរយៈចុងក្រោយនេះ គេទារ១ខេងរហូត១៥០០បាត ធ្វើឲ្យពួកគាត់ពិបាកក្នុងការរកស៊ី ទើបលើកគ្នាតវ៉ាសុំឲ្យភាគីថៃបញ្ចុះតម្លៃភាស៊ីមកត្រឹម៥០០បាតវិញ ។
សមត្ថកិច្ចច្រកទ្វារប្រាប់ថា មុនកើតហេតុ ភាគីថៃ មានមន្ត្រីគយ ទាហានឈុតខ្មៅ និងតម្រួត បានមកលើស្ពានដោយហាមឃាត់មិនឲ្យនាំត្រីចូលប្រទេសគេ ព្រោះខឹងទារតម្លើងថ្លៃជាច្រើនថ្ងៃហើយក្រុមអាជីវករមិនព្រមធ្វើតាមការទាររបស់ពួកគេ(គយថៃ) ។
ពេលនេះ លោកឧត្តមសេនីយ៍ត្រី ស៊ឹម សំអាត នាយប៉ុស្តិ៍ច្រកទ្វារព្រំដែនអន្តរជាតិប៉ោយប៉ែត កំពុងជួបជាមួយភាគីពាក់ព័ន្ធថៃ ដើម្បីរកដំណោះស្រាយជូនអាជីវករខ្មែរ ហើយភាគីថៃបានសុំឲ្យក្រុមកម្មកររើសតំណាង២នាក់ទៅជួបចរចាគ្នានៅច្រកទ្វារអន្តរជាតិខ្លងលឹក ទឹកដីគេ ។
ជំនួបចរចាមិនដឹងថាបានលទ្ធផលយ៉ាងណានោះទេ ព្រោះមិនទាន់បញ្ចប់នៅឡើយ ខណៈខាងគយថៃបញ្ចុះតម្លៃត្រឹម១ខេង៩០០បាតវិញ តែខាងអាជីវករខ្មែរមិនព្រម ៕
ចែករំលែកព័តមាននេះ