ក្រោយលោក ហុងដា រឹតបន្តឹងតេស្តកម្លាំង កីឡាករសំខាន់ៗច្រើននាក់បាត់មុខពីក្រុមជម្រើសជាតិ
- ភ្នំពេញ
រាជធានីភ្នំពេញ ៖ បន្ទាប់ពីចម្រាញ់បានក្រុមកីឡាករអាយុក្រោម២៣ឆ្នាំ ២២នាក់ចុងក្រោយ ពេល
រាជធានីភ្នំពេញ ៖ បន្ទាប់ពីចម្រាញ់បានក្រុមកីឡាករអាយុក្រោម២៣ឆ្នាំ ២២នាក់ចុងក្រោយ ពេល
រាជធានីភ្នំពេញ ៖ បន្ទាប់ពីចម្រាញ់បានក្រុមកីឡាករអាយុក្រោម២៣ឆ្នាំ ២២នាក់ចុងក្រោយ ពេលនេះ សហព័ន្ធកីឡាបាល់ទាត់កម្ពុជា បានបញ្ចេញបញ្ជីឈ្មោះចុងក្រោយក្រុមកីឡាករជម្រើសជាតិកម្ពុជាឈុតធំវិញម្តង ដើម្បីប្រកួតមិត្តភាពអន្តរជាតិ MinebeaMitsumi ទល់នឹងក្រុមជម្រើសជាតិបង់ក្លាដែស ដែលធ្វើឡើងនៅថ្ងៃទី២២ ខែកញ្ញា ឆ្នាំ២០២២ នៅពហុកីឡដ្ឋានមរតកតេជោ។
ក្រោយតេស្តកម្លាំងអំណត់ (30-15IFT) តម្រូវឱ្យកីឡាកររត់ចាប់ពី២០,៥គីឡូម៉ែត្រ/១ម៉ោង គេសង្កេតឃើញថា បានបាត់មុខកីឡាករជើងចាស់ជាច្រើនរូបរបស់ក្រុមគោព្រៃកម្ពុជា ដូចជា ទេស សម្បត្តិ, កែវ សុខផេង, ធារី ចន្ថាប៊ីន, កែន ច័ន្ទសុភក្តិ , ច្រឹង ពលរដ្ឋ, ទៀត គីមហេង សុះ ស៊ូហាណា និង គួច សុកុម្ភះ ជាដើម។ ប៉ុន្តែជំនួសមកវិញដោយកីឡាករដូចជា៖ ស៊ូ យ៉ាទី, រ៉ឹង ប៊ុនហៀង, ឈង់ ប៊ុនណាត, ដាវ នីម, ជឿន ណាចា, កាន់ ពិសាល, គួច ដានី, វ៉ាន់ តៃឡាមុី និង ត្រាយ វិចិត្រ បន្ទាប់ពីរត់ជាប់តេស្តកម្លាំងអំណត់ 30-15 IFT។
អ្វីដែលគួរឲ្យកត់សម្គាល់នោះគឺ កីឡាករ ស៊ូ យ៉ាទី ដែលបាត់មុខជាងមួយឆ្នាំ ក៏បានជាប់ឈ្មោះក្នុងក្រុមជម្រើសជាតិកម្ពុជាវិញដែរ បន្ទាប់ពីបង្ហាញទម្រង់លេងយ៉ាងល្អនៅលីគកំពូលកម្ពុជា
ជាមួយក្រុមបាល់ទាត់ណាហ្គាវើលដ៍៕
ចែករំលែកព័តមាននេះ