ស្លៀកពាក់សិស្សសាលាជិះដេញពីក្រោយ តាមពិតមានបំណង…
ខេត្តស្វាយរៀង ៖ ស្ត្រីម្នាក់ខណៈជិះម៉ូតូទៅផ្សារក្រោលគោ ស្រាប់តែត្រូវយុវជន២នាក់ស្លៀកពាក់សម្លៀកបំពាក់សិស្សសាលាជិះម៉ូតូដេញតាមពីក្រោយក្នុងគោលបំណង …
ខេត្តស្វាយរៀង ៖ ស្ត្រីម្នាក់ខណៈជិះម៉ូតូទៅផ្សារក្រោលគោ ស្រាប់តែត្រូវយុវជន២នាក់ស្លៀកពាក់សម្លៀកបំពាក់សិស្សសាលាជិះម៉ូតូដេញតាមពីក្រោយក្នុងគោលបំណងប្លន់យកម៉ូតូ តែសំណាងល្អមានអ្នកដំណើរមកទាន់ស្រែកផ្អើលឆោឡោធ្វើឲ្យក្រុមចោរនោះភ័យរត់គេចខ្លួនអស់ ។ ហេតុការណ៍នេះកើតឡើងកាលពីវេលាម៉ោង៧ព្រឹក ថ្ងៃទី១៩ ខែកុម្ភៈ ឆ្នាំ២០១៧ នៅចំណុចផ្លូវលំ មុខអគ្គិសនីក្រោលគោ ស្ឋិតនៅភូមិធ្លក ឃុំក្រោលគោ ស្រុកស្វាយជ្រំ ។
ស្ត្រីរងគ្រោះបានឲ្យដឹងថា មុនពេលកើតហេតុ គាត់បានជិះម៉ូតូម៉ាកហុងដាវ៉េវ ពណ៌ខ្មៅ អត់ស្លាកលេខ ចេញពីផ្ទះបំណងទៅផ្សារក្រោលគោ ដើម្បីទិញម្ហូប ។ ខណៈជិះផុតផ្ទះអ្នកស្រុក ដល់វាលស្ងាត់ ស្រាប់តែយុវជន២នាក់ស្លៀកពាក់ជាសិស្សសាលា ជិះម៉ូតូឌុបគ្នាដេញតាមពីក្រោយ ពេលមកដល់ជិតបានស្រែកឲ្យគាត់ឈប់ តែដោយឃើញសភាពការណ៍មិនល្អគាត់បានបន្ថែមល្បឿន ពេលនោះពួកចោរបានជិះម៉ូតូដេញមកទន្ទឹមគាត់ រួចវាយស្មាគាត់ ហើយស្រែកឲ្យគាត់ឈប់ម៉ូតូទៀត ។ ដោយសារគាត់មិនព្រមឈប់ម៉ូតូ ក្រុមចោរនោះបានធាក់ម៉ូតូបណ្ដាលឲ្យរេចង្កូតធ្លាក់ចូលក្នុងប្រឡាយទឹកតែម្តង ។ ខណៈពេលធ្លាក់ចូលប្រឡាយទឹកនោះក៏មានអ្នកធ្វើដំណើរមកឃើញស្រែកផ្អើលឆោឡោ ធ្វើឲ្យក្រុមចោរភ័យស្លន់ស្លោនាំគ្នាឡើងជិះម៉ូតូឌុបគ្នាបើកឡើងទៅលើថ្នល់ជាតិគេចខ្លួនបាត់ស្រមោលតែម្តង ។
ស្ត្រីរងគ្រោះបន្តទៀតថា ទំនងជាក្រុមចោរជិះតាមក្រោយគាត់តាំងពីពេលចេញពីផ្ទះម្ល៉េះ ហើយក៏ប្រហែលជាតាមមើលយូរថ្ងៃមកហើយ ព្រោះគាត់តែងតែជិះម៉ូតូមកទិញម្ហូបនៅផ្សារក្រោលគោស្ទើរតែរាល់ថ្ងៃ ក៏ប៉ុន្តែរាល់ថ្ងៃមានសិស្សជិះម៉ូតូមករៀនដែរ តែព្រឹកកើតហេតុគាត់យឺតបន្តិច សិស្សទៅផុតអស់ ក៏ជួបគ្រោះតែម្តង ៕
ចែករំលែកព័តមាននេះ