បង់ប្រាក់ជំងឺចិត្ត3លានរៀល បញ្ចប់រឿង«ម៉ាខ្នោះបែកក្បាល»
ខេត្តស្ទឹងត្រែង ៖ សំណុំរឿងលោក សំរិទ្ធ សុកសេដ្ឋា ប្រធានការិយាល័យការពារនិងអន្តរាគមន៍នៃស្នងការដ្ឋាននគរបាលខេត្តនិងលោក គង់ ផាន់ណា ក្រុមប្រឹក្សាស្រុក
ខេត្តស្ទឹងត្រែង ៖ សំណុំរឿងលោក សំរិទ្ធ សុកសេដ្ឋា ប្រធានការិយាល័យការពារនិងអន្តរាគមន៍នៃស្នងការដ្ឋាននគរបាលខេត្តនិងលោក គង់ ផាន់ណា ក្រុមប្រឹក្សាស្រុក
ខេត្តស្ទឹងត្រែង ៖ សំណុំរឿងលោក សំរិទ្ធ សុកសេដ្ឋា ប្រធានការិយាល័យការពារនិងអន្តរាគមន៍នៃស្នងការដ្ឋាននគរបាលខេត្តនិងលោក គង់ ផាន់ណា ក្រុមប្រឹក្សាស្រុក
ថាឡាបរិវ៉ាត់ដែលជាប់ចោទយកខ្នោះវាយក្បាលពលរដ្ឋដឹកឈើតាមម៉ូតូបណ្តាលឱ្យបែកហូរឈាមត្រូវបានបញ្ចប់ហើយក្រោមការសម្របសម្រួលបង់លុយឱ្យជនរងគ្រោះ៣លានរៀល កាលពីថ្ងៃ១៩ កុម្ភៈ នៅបញ្ជាការដ្ឋានកងរាជអាវុធហត្ថខេត្តស្ទឹងត្រែង ។
ប្រភពព័ត៌មានឱ្យដឹងថា ក្រោមការសម្របសម្រួលប៉ះប៉ូវជំងឺចិត្តទៅលើជនរងគ្រោះ លោកសោម សាផន នាយរងសេនាធិការកងរាជអាវុធហត្ថជាអ្នកធានាជួសមុខឱ្យលោក សំរិទ្ធ សុកសេដ្ឋា រីឯលោក ញ៉ុញ រឿង តំណាងឱ្យជនរងគ្រោះ ។
គួររំលឹកថា លោក ញ៉ែម វ៉ា ជនរងគ្រោះរស់នៅភូមិអន្លង់ស្អំ ឃុំអន្លង់ជ្រៃ ស្រុកថាឡាបរិវ៉ាត់ បានរងការវាយដំដោយខ្នោះដៃព្រមទាំងគំរាមដោយដកកាំភ្លើងខ្លីភ្ជង់ កាលពីរសៀលថ្ងៃទី១៥ កុម្ភៈ ក្នុងពេលដែលគាត់ដឹកឈើមូលក្រាក់តាមម៉ូតូចេញពីភូមិមកលក់ឱ្យគេនៅទីរួមខេត្តហើយជួបលោក សំរិទ្ធ សុកសេដ្ឋា ប្រធានការិយាល័យអន្តរាគមន៍នៅលើផ្លូវជាតិលេខ៩ បានបើករថយន្តដេញតាមកាក់ម៉ូតូឱ្យឈប់។ ពេលនោះលោក ញ៉ែម វ៉ា បានសុំសម្រុះសម្រួលដោយជូនកាកទូរស័ព្ទ៥ដុល្លារ តែលោកប៉ូលិសនោះមិនព្រមទើបកើតជាអំពើហិង្សាតែម្តង ។ ក្រោយកើតហេតុ ជនរងគ្រោះបានដាក់ពាក្យប្តឹងនៅប៉ុស្តិ៍នគរបាលរដ្ឋបាលឃុំស្រែឬស្សី តែដោយសារជនដៃដល់ជាសមត្ថកិច្ចទើបនគរបាលប៉ុស្តិ៍មិនហ៊ានចាត់ការ ។ ជនរងគ្រោះក៏បានសម្រេចចិត្តទៅកាន់អង្គការអាដហុកដើម្បីសុំជួយអន្តរាគមន៍លើសំណុំរឿងនេះ រហូតមានការដាក់ពាក្យប្តឹងនៅបញ្ជាការដ្ឋានកងរាជអាវុធហត្ថខេត្តឱ្យជួយរកយុត្តិធម៌ ។
ក្រោយទទួលពាក្យបណ្ដឹងពីជនរងគ្រោះកងរាជអាវុធហត្ថបានអនុវត្តតាមនីតិវិធី ដោយជួយសម្របសម្រួលឱ្យគូភាគីខាងលើត្រូវរ៉ូវគ្នាផងដែរ ។ ការសម្របសម្រួលធ្វើឡើងបន្ទាប់ពីលោក សំរិទ្ធ សុកសេដ្ឋា និងលោក គង់ ផាន់ណា ដែលជាប់ចោទជាជនដៃដល់បានទទួលស្គាល់កំហុសតាមការចោទប្រកាន់របស់ជនរងគ្រោះ ព្រមទាំងចូលខ្លួនមកសម្រុះសម្រួលជាមួយជនរងគ្រោះដោយសុំបង់លុយសងសំណងជំងឺចិត្តចំនួន៣លានរៀលជាថ្នូរសុំឱ្យជនរងគ្រោះដកពាក្យបណ្តឹងដើម្បីបញ្ចប់រឿង ៕
ចែករំលែកព័តមាននេះ