បើកឡានដឹកកុងតឺន័របានប្រាក់ខែតិចពេកបែកគំនិត ត្រូវជាប់ខ្នោះ
ខេត្តព្រះសីហនុ ៖ អ្នកបើករថយន្តដឹកទូកុងតឺន័រម្នាក់ និងបក្សពួក២នាក់ទៀត ត្រូវបានសមត្ថកិច្ចចាប់ខ្លួនកាលពីរសៀលថ្ងៃទី២១ ខែកុម្ភៈ ឆ្នាំ២០១៧ នៅចំណុចរង្វង់មូល …
ខេត្តព្រះសីហនុ ៖ អ្នកបើករថយន្តដឹកទូកុងតឺន័រម្នាក់ និងបក្សពួក២នាក់ទៀត ត្រូវបានសមត្ថកិច្ចចាប់ខ្លួនកាលពីរសៀលថ្ងៃទី២១ ខែកុម្ភៈ ឆ្នាំ២០១៧ នៅចំណុចរង្វង់មូល …
ខេត្តព្រះសីហនុ ៖ អ្នកបើករថយន្តដឹកទូកុងតឺន័រម្នាក់ និងបក្សពួក២នាក់ទៀត ត្រូវបានសមត្ថកិច្ចចាប់ខ្លួនកាលពីរសៀលថ្ងៃទី២១ ខែកុម្ភៈ ឆ្នាំ២០១៧ នៅចំណុចរង្វង់មូល ផ្លូវចូលទៅភូមិថ្មី ស្ថិតក្នុងភូមិ៣ សង្កាត់លេខ៣ ក្រុងព្រះសីហនុ ។
លោកវរៈសេនីយ៍ត្រី ភុល ភស្តារ អធិការនគរបាលក្រុងព្រះសីហនុ បានឲ្យដឹងថា ជនសង្ស័យទាំងបីនាក់ដែលត្រូវសមត្ថកិច្ចឃាត់ខ្លួនមាន ១-ឈ្មោះ ចិត្ត សំរ៉ុង ភេទប្រុស អាយុ២៣ឆ្នាំ មុខរបរកម្មករលើកដំឡូង បច្ចុប្បន្នរស់នៅក្រុមទី១៣ ភូមិ៣ សង្កាត់លេខ៣ ក្រុងព្រះសីហនុ (ចាប់យកបានមេតំហ្វេតាមីន៣កញ្ចប់តូច), ២-ឈ្មោះ ឈៀង វ៉ាន់ថា ភេទប្រុស អាយុ១៨ឆ្នាំ មុខរបរកម្មករផ្សារដែក បច្ចុប្បន្នរស់នៅក្រុម៧ ភូមិ៣ សង្កាត់លេខ៣ ក្រុងព្រះសីហនុ (ចាប់យកបានមេតំហ្វេតាមីន១កញ្ចប់ធំ) និង ៣-ឈ្មោះ ហ៊ួង តុលា ភេទប្រុស អាយុ២៣ឆ្នាំ មុខរបរបើករថយន្តកុងទីន័រដឹកទំនិញ មានលំនៅនៅភូមិបឹងស្នាយ សង្កាត់សំបូរ ក្រុងកំពង់ចាម (ចាប់យកបានមេតំហ្វេតាមីន១កញ្ចប់ធំ) ។
លោកអធិការឱ្យដឹងបន្ថែមទៀតថា ដំបូងយើងចាប់បានឈ្មោះ ចិត្ត សំរ៉ុង ក្រោយពីសួរនាំរួចទើបបន្តទៅចាប់បាន២នាក់ទៀត ម្នាក់ដែលចាប់ចុងក្រោយគេជាអ្នកឡានដឹកទូកុងតឺន័រដឹកទំនិញ និងជាអ្នកលក់ថ្នាំញៀនឲ្យអ្នកទាំង២នាក់ ។
ក្រោយពេលចាប់ខ្លួន ជនសង្ស័យទាំង៣នាក់ និងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅស្នងការដ្ឋាននគរបាលខេត្តព្រះសីហនុ ដើម្បីចាត់ការបន្តទៅតាមនិតិវិធីច្បាប់ ៕
ចែករំលែកព័តមាននេះ