លោកមេធាវី គី តិច ចូលបំភ្លឺលើពាក្យបណ្តឹងទី2ប្រឆាំងលោក គឹម សុខ
រាជធានីភ្នំពេញ ៖ លោក គី តិច មេធាវីតំណាងដោយអាណត្តិសម្តេចតជោនាយករដ្ឋមន្ត្រី ហ៊ុន សែន នៅរសៀលថ្ងៃទី២០ ខែកុម្ភៈ បានចូលទៅកាន់អយ្យការអម
រាជធានីភ្នំពេញ ៖ លោក គី តិច មេធាវីតំណាងដោយអាណត្តិសម្តេចតជោនាយករដ្ឋមន្ត្រី ហ៊ុន សែន នៅរសៀលថ្ងៃទី២០ ខែកុម្ភៈ បានចូលទៅកាន់អយ្យការអម
រាជធានីភ្នំពេញ ៖ លោក គី តិច មេធាវីតំណាងដោយអាណត្តិសម្តេចតជោនាយករដ្ឋមន្ត្រី ហ៊ុន សែន នៅរសៀលថ្ងៃទី២០ ខែកុម្ភៈ បានចូលទៅកាន់អយ្យការអមសាលាដំបូងរាជធានីភ្នំពេញ ដើម្បីបំភ្លឺបណ្តឹងទី២បន្ថែមជូនអយ្យការលើពាក្យបណ្តឹងចុងក្រោយដែលសម្តេចតេជោហ៊ុន សែន បានប្តឹងលោក គឹម សុខ អ្នកឃ្លាំមើលសង្គមនិងនយោបាយ ដោយទាមទារ១០លានរៀល និងសូមឲ្យតុលាការផ្តន្ទាទោសជនជាប់ចោទតាមច្បាប់ ។
លោក គី តិច បានដាក់ពាក្យចូលអយ្យការអមសាលាដំបូងរាជធានីភ្នំពេញចំនួន២ ដែលប្តឹងចោទប្រកាន់លោក គឹម សុខ ថាបាននិយាយមិនពិតនិងបំផ្លើស ធ្វើឲ្យប៉ះពាល់ដល់គណបក្សប្រជាជនកម្ពុជាដែលកំពុងកាន់អំណាចនិងដឹកនាំប្រទេសជាតិបច្ចុប្បន្នមិនអាចទទួលយកបានឡើយ ។ លោកមេធាវី បានចូលទៅបំភ្លឺដល់លោក លី សុផាន់ណា ព្រះរាជអាជ្ញារងដែលកាន់សំណុំរឿងនេះ ។
មេធាវីប្រមុខរាជរដ្ឋាភិបាល បានដាក់បណ្តឹង២ដាច់ពីគ្នាប្តឹងលោក គឹម សុខ គឺពាក្យបណ្តឹងទី១ ចុះថ្ងៃទី១៣ ខែកុម្ភៈ ឆ្នាំ២០១៧ ចោទប្រកាន់លោក គឹម សុខ ពីបទញុះញង់បង្កចលាចល ប៉ះពាល់ធ្ងន់ធ្ងរដល់សន្តិសុខសង្គម និងបរិហារកេរ្តិ៍ជាសាធារណៈ បន្ទាប់ពីលោ គឹម សុខ និយាយម្តងហើយម្តងទៀតដដែលៗថា គណបក្សប្រជាជនកម្ពុជានៃសម្តេច ហ៊ុន សែន រៀបចំផែនការប្លន់អំណាច និងបង្កើតប្រព័ន្ធសម្លាប់មនុស្ស និងមិនបានចាប់ឃាតករសម្លាប់ជនរងគ្រោះកន្លងមកទេ ។
ពាក្យបណ្តឹងទី២ លោកមេធាវីបានដាក់កាលពីថ្ងៃទី១៦ ខែកុម្ភៈ ឆ្នាំ២០១៧ គឺមួយថ្ងៃមុនពេលដែលលោក គឹម សុខ ត្រូវបានចោទនិងចាប់ខ្លួនឃុំបណ្តោះអាសន្ននៅពន្ធនាគារព្រៃស ។ ចំពោះពាក្យបណ្តឹងទី២នេះ លោកមេធាវីទើបចូលបំភ្លឺនៅរសៀលថ្ងៃទី២០ ខែកុម្ភៈ ឆ្នាំ២០១៧ ។ តុលាការនៅមិនចាត់ការឬចោទប្រកាន់យ៉ាងណាលើលោក គឹម សុខ បន្ថែម លើករណីបណ្តឹងទី២នេះនៅឡើយទេ ។
រហូតមកដល់ពេលនេះ លោក គឹម សុខ ទើបតែមានមេធាវីការពារក្តីគឺលោក ជួង ជូងី ដែលទើបដាក់ពាក្យការពារលោក គឹម សុខ នៅថ្ងៃទី២០ ខែកុម្ភៈ បញ្ជាក់ប្រាប់អ្នកសារព័ត៌មាន ថា លោកបានដាក់ពាក្យការពារកូនក្ដីរួចរាល់ហើយ ។ នៅថ្ងៃទី២០ ខែកុម្ភៈ លោកទៅជួបលោក គឹម សុខ នៅពន្ធនាគារ មុនឈានដល់ការដាក់ពាក្យសុំឲ្យលោក គឹម សុខ នៅក្រៅឃុំជាបណ្តោះអាសន្ន ។
លោក គឹម សុខ ត្រូវបានបញ្ជូនទៅឃុំខ្លួនក្នុងពន្ធនាគារព្រៃស កាលពីរសៀលថ្ងៃទី១៧ ខែកុម្ភៈ តាមបណ្តឹងមេធាវីតំណាងដោយអាណត្តិរបស់សម្តេចតេជោនាយករដ្ឋមន្ត្រី និងជាប្រធានគណបក្សប្រជាជនកម្ពុជា ក្នុងករណីដែលលោក គឹម សុខ ចោទគណបក្សប្រជាជនកម្ពុជាថា ជាអ្នកសម្លាប់លោកបណ្ឌិត កែម ឡី ។
លោក រស់ ពិសិដ្ឋ ចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួនលោក គឹម សុខ បន្ទាប់ពីលោកព្រះរាជអាជ្ញារង សៀង សុខ សម្រេចចោទប្រកាន់ចំនួន២បទល្មើស គឺ ញុះញង់ឲ្យប្រព្រឹត្តបទឧក្រិដ្ឋជាអាទិ៍ និងបទបរិហារកេរ្តិ៍ជាសាធារណៈ តាមមាត្រា៤៩៤ មាត្រា៤៩៥ និងមាត្រា៣០៥ នៃក្រមព្រហ្មទណ្ឌ ។ បណ្តឹងទី១-តាមបទចោទប្រកាន់នេះក្រៅពីដើមបណ្តឹងទាមទារ២០០លានរៀលក្នុងសំណុំរឿងទី១ លោក គឹម សុខ អាចប្រឈមនឹងទោសជាប់ពន្ធនាគារហូតដល់៥ឆ្នាំ ប្រសិនតុលាការរកឃើញកំហុស ៕
ចែករំលែកព័តមាននេះ