«Laver Cup» នឹងក្លាយជាព្រឹត្តិការណ៍ចុងក្រោយបង្អស់នៃអាជីពកំពូលកីឡាករ Roger Federer
ស្វីស ៖ កំពូលកីឡាករវាយកូនបាល់សញ្ជាតិស្វីស Roger Federer នឹងចូលនិវត្តន៍ពីអាជីពដ៏អស្ចារ្យរបស់
ស្វីស ៖ កំពូលកីឡាករវាយកូនបាល់សញ្ជាតិស្វីស Roger Federer នឹងចូលនិវត្តន៍ពីអាជីពដ៏អស្ចារ្យរបស់
ស្វីស ៖ កំពូលកីឡាករវាយកូនបាល់សញ្ជាតិស្វីស Roger Federer នឹងចូលនិវត្តន៍ពីអាជីពដ៏អស្ចារ្យរបស់ខ្លួននៅសប្តាហ៍ក្រោយត្រឹមអាយុ៤១ឆ្នាំ បន្ទាប់ពីបញ្ចប់ការប្រកួតព្រឹត្តិការណ៍ Laver Cup ឆ្នាំ ២០២២ នៅទីក្រុងឡុងដ៍ ចក្រភពអង់គ្លេស។
ម្ចាស់ជើងឯកពានរង្វាន់ Grand Slam ២០សម័យកាល Roger Federer បានប្រកាសអំពីដំណឹងនេះ នៅក្នុងការបង្ហោះលើបណ្តាញទំនាក់ទំនងសង្គមកាលពីថ្ងៃទី១៥ ខែកញ្ញា ឆ្នាំ២០២២ កន្លងទៅថា សប្តាហ៍ក្រោយ និងក្លាយជាសប្តាហ៍ចុងក្រោយរបស់ខ្លួនក្នុងនាមជាកីឡាករវាយកូនបាល់អាជីព បន្ទាប់ពីបញ្ចប់ការប្រកួតព្រឹត្តិការណ៍ Laver Cup 2022។
ក្រុមហ៊ុន Team8 ដែលជាក្រុមហ៊ុនគ្រប់គ្រងរបស់ Federer គឺជាស្ថាបនិកនៃព្រឹត្តិការណ៍ Laver Cup ផ្ទាល់តែម្តង ដែលបង្កើតឡើងលើកដំបូងនៅឆ្នាំ ២០១៧។ Laver Cup ត្រូវបានដាក់ឈ្មោះតាមវីរបុរសកីឡាវាយកូនបាល់អូស្ត្រាលី Rod Laver ដែលត្រូវបានចាត់ទុកជាកីឡាករដ៏អស្ចារ្យបំផុតក្នុងប្រវត្តិសាស្ត្រកីឡាមួយនេះ។ Laver Cup គឺជាការប្រកួតកីឡាវាយកូនបាល់ក្រុមបុរសលក្ខណៈអន្តរជាតិរវាង Team Europe ដែលក្រុមកីឡាករមកពីទ្វីបអឺរ៉ុបតទល់នឹង Team World ដែលជាកីឡាករមកពីទ្វីបផ្សេងទៀតរបស់ពិភពលោកលើកលែងតែទ្វីបអឺរ៉ុប។ ហើយនៅឆ្នាំ ២០២២ ព្រឹត្តិការណ៍ចាប់ផ្តើមពីថ្ងៃទី២៣ រហូតថ្ងៃទី២៥ ខែកញ្ញា។
Federer មិនបានចូលរួមការប្រកួតកម្មវិធីណាទាំងអស់ ចាប់តាំងពីបញ្ចប់ការប្រកួតនៅព្រឹត្តិការណ៍ Wimbledon កាលពីឆ្នាំមុន។ នៅពេលដែលគាត់បានចាញ់កីឡាករសញ្ជាតិប៉ូឡូញ Hubert Hurkacz ត្រឹមវគ្គ៨អ្នកចុងក្រោយក្នុងលទ្ធផល ៦-៣, ៧-៦ (៤) និង ៦-០។ ហើយក្រោយមក Federer បានបញ្ជាក់ថា ខ្លួនបានរងរបួសជង្គង់ ដែលធ្វើឱ្យគាត់បង្ខំចិត្តនៅក្រៅទីលានប្រកួតច្រើនជាង១ឆ្នាំ។
ដោយបានឆ្លងកាត់ការវះកាត់ជង្គង់រហូតដល់៣ដងក្នុងរយៈពេលនោះ។ ហើយអតីតកីឡាករលំដាប់លេខ១ពិភពលោកកម្ពស់ ១,៨៥ម៉ែត្រ ដែលអាចនិយាយban៩ភាសារូបនេះ ក៏បានលើកឡើងអំពីបញ្ហារបួសថា ជាហេតុផលសម្រាប់ការចូលនិវត្តន៍ពីអាជីពដ៏ជោគជ័យរបស់គាត់។
គួរបញ្ជាក់ថា Roger Federer បានក្លាយជាកីឡាករវាយកូនបាល់អាជីពនៅក្នុងឆ្នាំ ១៩៩៦ គ្រាដែលលោកមានអាយុត្រឹម១៤ឆ្នាំ ហើយគិតរហូតមកទល់ពេលនេះគឺមានរយៈពេល២៦ឆ្នាំហើយ ដោយបានឆ្លងកាត់ការប្រកួតយ៉ាងច្រើន។
ការប្រកួតឯកត្តជន ៖ សរុប១៥២៦ប្រកួត ឈ្នះ១២៥១លើក និងចាញ់២៧៥លើក ដោយក្នុងនោះឈ្នះពានរង្វាន់សរុប១០៣លើក ក្នុងនោះរួមទាំង Grand Slam ២០លើកផងដែរ (Australian Open ៦លើក, French Open ១លើក, Wimbledon ៨លើក និង US Open ៥លើក)។
ការប្រកួតដៃគូ ៖ សរុប២២៣ ឈ្នះ១៣១លើក និងចាញ់៩១លើក ដោយឈ្នះពានរង្វាន់សរុប៨លើក ក្នុងនោះរួមទាំងមេដាយមាសព្រឹត្តិការណ៍អូឡាំពិកទីក្រុងប៉េកាំង ឆ្នាំ២០០៨ ផងដែរ។
ដោយសរុបចំនួនទឹកប្រាក់ដែលទទួលបានពីការឈ្នះពានរង្វាន់ទាំង១១១លើករបស់កំពូលកីឡាករស្វីសរូបនេះ មានចំនួន ១៣០,៥៩៤,៣៣៩លានដុល្លារអាមេរិក។ ជាមួយអាជីពរយៈពេល២៦ឆ្នាំ Federer ធ្លាប់កាន់កាប់តំណែងលេខ១ពិភពលោក រហូតដល់៣១០សប្តាហ៍តែម្នាក់ឯង ឬ៥ឆ្នាំ (២០០៤,២០០៥,២០០៦,២០០៧ និង ២០០៩)៕ (ដកស្រង់ចេញពី ATP Tour និង Tennis Abstract)
ចែករំលែកព័តមាននេះ