រាជធានីភ្នំពេញ ៖ ទីតាំងបុកប៊ីយ៉ែមួយកន្លែង លួចលាក់បើកល្បែ.ងស៊ីសងខុសច្បាប់ (លេងបៀរម៉ាជាំង) ត្រូវបានកម្លាំងគណៈបញ្ជាការឯកភាពខណ្ឌសែនសុខ ចុះបង្ក្រាបដោយឃាត់ខ្លួន ក្រុមអ្នកញៀ.នល្បែងជនជាតិបរទេសចំនួន១៤នាក់ ក្នុងនោះមានស្រីចំនួន០៥នាក់ បញ្ជូនទៅកាន់អធិការដ្ឋាននគរបាលខណ្ឌ ដើម្បីចាត់ការតាមច្បាប់។ ការបង្ក្រាបល្បែ.ងស៊ីសងនេះ ធ្វើឡើងកាលពីវេលាម៉ោងប្រមាណ៩និង៥០នាទីយប់ ថ្ងៃទី១៧ ខែកញ្ញា ឆ្នាំ២០២២ នៅចំណុចអគារចូស៊ីប៊ីយ៉ាក្ល តាមផ្លូវណតប្រីដ ស្ថិតក្នុងភូមិស្លែងរលើង សង្កាត់អូរបែកក្អម ខណ្ឌសែនសុខ។
ជនបរទេសដែលញៀ.នល្បែងខាងលើនេះរួមមាន ៖ ១- ឈ្មោះ WENG QICAI ភេទប្រុស អាយុ៣០ឆ្នាំ ជនជាតិចិន មុខរបរទេសចរណ៍, ២- ឈ្មោះ WANG JIANJUN ភេទប្រុស អាយុ៤៥ឆ្នាំ ជនជាតិចិន, ៣- ឈ្មោះ ZHAO YAN ភេទស្រី អាយុ៤០ឆ្នាំ ជនជាតិចិន, ៤- ឈ្មោះ XA XUE JIAO ភេទស្រី អាយុ៤០ឆ្នាំ ជនជាតិចិន, ៥- ឈ្មោះ មឿន លីហេង ភេទប្រុស អាយុ៤២ឆ្នាំ ជនជាតិខ្មែរ មុខរបរអ្នកបកប្រែ, ៦- ឈ្មោះ តាំង ចិន ភេទប្រុស អាយុ៤៥ឆ្នាំ ជនជាតិចិន, ៧- ឈ្មោះ WANG FEI ភេទប្រុស អាយុ៤៣ឆ្នាំ ជនជាតិចិន, ៨- ឈ្មោះ LIU SHENGQIU ភេទប្រុស អាយុ៤០ឆ្នាំ ជនជាតិចិន, ៩- ឈ្មោះ WANG FANG ភេទស្រី អាយុ៣៣ឆ្នាំ ជនជាតិចិន, ១០- ឈ្មោះ ZHANG SHUO ភេទប្រុស អាយុ៣៣ឆ្នាំ ជនជាតិចិន, ១១- ឈ្មោះ LIN DING ភេទប្រុស អាយុ៣៨ឆ្នាំ ជនជាតិចិន, ១២- ឈ្មោះ PAN LIJUAN ភេទស្រី អាយុ៤៤ឆ្នាំ ជនជាតិចិន, ១៤- ឈ្មោះ HGUYEM THIDUHG ភេទស្រី អាយុ៣៤ឆ្នាំ ជនជាតិវៀតណាម។
នៅក្នុងប្រតិបត្តិការខាងលើនេះ សមត្ថកិច្ចដកហូតបានសម្ភារៈរួមមាន ៖ បៀរចិន ចំនួន០៣ហ៊ូ, បៀរនីឡុងចំនួន០២ហ៊ូ, ប្រាក់ចំនួន៦៤៨០ដុល្លារ និងទូរស័ព្ទដៃ០៣គ្រឿងផងដែរ។ ចំណែកជនសង្ស័យញៀ.នល្បែ.ងទាំងអស់ខាងលើនោះ ត្រូវបានបញ្ជូនទៅកាន់អធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធីច្បាប់ច្បាប់៕
ចែករំលែកព័តមាននេះ