ល្ងាចថ្ងៃចូលរោង ! ឈ្លោះគ្នាខ្លាំង រហូតបញ្ឈប់ពិធីមង្គលការ
ចាត់ទុកថាជារឿងនឹកស្មានមិនដល់មួយ ដែលអាពាហ៍ពិពាហ៍ចំណាយប្រាក់ជាង៣២៥.០០០ដុល្លារត្រូវលុបចោលមុនពេលកំណត់រយៈពេល១ថ្ងៃ ដោយសារតែទាស់ …
ចាត់ទុកថាជារឿងនឹកស្មានមិនដល់មួយ ដែលអាពាហ៍ពិពាហ៍ចំណាយប្រាក់ជាង៣២៥.០០០ដុល្លារត្រូវលុបចោលមុនពេលកំណត់រយៈពេល១ថ្ងៃ ដោយសារតែទាស់សំដីរវាងភាគីខាងកូនកំលោះ និងកូនក្រមុំ ។
វេបសាយ «Metro» កាលពីពេលថ្មីៗកន្លងមកបញ្ជាក់ថា ក្រុមគ្រួសាររបស់លោក Bradley Moss អាយុ៣២ឆ្នាំ និងនាង Amy Bzura អាយុ២៧ឆ្នាំ ជនជាតិអាមេរិកដែលជិតរៀបការបានរៀបចំពិធីជប់លៀងអាហារពេលល្ងាច ។ លោក Adam បងប្រុសរបស់កូនក្រមុំបានជូនពរដល់អ្នកទាំង២ តែបងប្អូនញាតិមិត្តរបស់កូនកំលោះបែរជាធ្វើឱ្យបរិយាកាសដ៏អធិកអធមនេះប្រែប្រួលទៅវិញ ។
លោក Robert ឪពុករបស់កូនកំលោះបានក្រោកឡើងប្រកាសមិនពេញចិត្ត Adam ដោយនិយាយថា មិនបានទទួលការអនុញាតឱ្យឡើងបង្ហាញទស្សនៈអ្វីទេ ។ ឃើញដូច្នេះMichael Moss ត្រូវជាបងប្រុសរបស់កូនក្រមុំបានស្ទុះវាយមុខលោក Adam ។ មិនតែប៉ុណ្ណោះ លោក Robert គំរាមបណ្តេញ Adam មិនឱ្យរៀបអាពាហ៍ពិពាហ៍ ។ ស្ថានការណ៍ចាប់ផ្តើមច្របូកច្របល់ រហូតដល់ថ្នាក់នាង Amy បានដាក់កំហិតដល់អនាគតប្តីថា «ជ្រើសរើសអ្នកណារវាងខ្ញុំ និងឪពុកម្តាយរបស់អ្នក» ។
ចំណែកលោក Robert ឪពុកកូនកំលោះ ដែលមានជំនួញចែកចាយទឹកពន្លត់អគ្គិភ័យប្រកាសប្រាប់កូនប្រុសថា បើចង់រៀបការជាមួយ Amy នឹងត្រូវកាត់កាល់ចោល និងបណ្តេញចេញពីការងាររបស់ខ្លួន ។
ទីបំផុតអាពាហ៍ពិពាហ៍ត្រូវលុបចោលខណៈពេលលោក Bradley ជាកូនកំលោះ គ្រោងប្តឹងឱ្យ Amy ប្រគល់ចិញ្ចៀនភ្ជាប់ពាក្យតម្លៃ១២៥.០០០ដុល្លារវិញ ។
បច្ចុប្បន្នក្រុមគ្រួសាររបស់អ្នកទាំង២កំពុងឡើងតុលាការ ទាមទារការចំណាយដ៏សន្ធឹកសន្ធាប់លើការត្រៀមរៀបការនេះ ៕
ចែករំលែកព័តមាននេះ