លោក សុខ ឥសាន គេចោទថាគណប្រជាជនកម្ពុជា ធ្វើឲ្យបែកបាក់ជាតិ !
រាជធានីភ្នំពេញ ៖ អ្នកនាំពាក្យគណបក្សប្រជាជន កម្ពុជា លោក សុខ ឥសាន អះអាងថា បានក្រោយពីរដ្ឋសភាជាតិបានអនុម័តច្បាប់ស្តីពីវិសោធនកម្មច្បាប់ស្តីពីគណបក្សនយោបាយមក
រាជធានីភ្នំពេញ ៖ អ្នកនាំពាក្យគណបក្សប្រជាជន កម្ពុជា លោក សុខ ឥសាន អះអាងថា បានក្រោយពីរដ្ឋសភាជាតិបានអនុម័តច្បាប់ស្តីពីវិសោធនកម្មច្បាប់ស្តីពីគណបក្សនយោបាយមក
រាជធានីភ្នំពេញ ៖ អ្នកនាំពាក្យគណបក្សប្រជាជន កម្ពុជា លោក សុខ ឥសាន អះអាងថា បានក្រោយពីរដ្ឋសភាជាតិបានអនុម័តច្បាប់ស្តីពីវិសោធនកម្មច្បាប់ស្តីពីគណបក្សនយោបាយមក មានគេចោទថា គណបក្សប្រជាជន កម្ពុជា ធ្វើឲ្យបែកបាក់ជាតិ។ លោកបានឲ្យដឹងនៅថ្ងៃទី២១ ខែកុម្ភៈនេះថា គណបក្ស ប្រជាជនកម្ពុជា ជាអ្នកដឹកនាំផ្តួលរំលំរបបប្រល័យពូជសាសន៍ ប៉ុលពត រំដោះប្រជាជនកម្ពុជាឲ្យរួចរស់ ជីវិត ស្វែងរកសន្តិភាពជូនជាតិ នាំមកនូវរបបប្រជាធិបតេយ្យ សេរីពហុបក្ស មកអនុវត្តរៀងមក ធ្វើឲ្យ សង្គមជាតិ មានស្ថិរភាពនយោបាយ សន្តិសុខសាធារណៈ សង្គមល្អ ធ្វើឲ្យសេដ្ឋកិច្ចរីចម្រើន ប្រជាជន មានជីវភាពសមរម្យ កាត់បន្ថយភាពក្រីក្ររបស់ប្រជាជនបានជាបណ្តើរៗ ធ្វើខ្លួនជាមជ្ឈមណ្ឌលនៃសុខដុមនីយកម្មក្នុងសង្គមកម្ពុជា គណបក្សណា ជនជាតិណា ក៏អាចរស់នៅជាមួយបានដោយសុខស្រួលរហូតប្រទេសមួយចំនួនយកជាគំរូទៀតផង។
តើសមទិ្ធផលទាំងនេះជាការធ្វើឲ្យមានការបែកបាក់ជាតិឬ ? លោកថា ប៉ុន្តែផ្ទុយទៅវិញ មានជនមួយចំនួនតូច បានធ្វើសកម្មភាព ដែលគួរឲ្យចាប់អារម្មណ៍ដែរ ដូចជា មួលបង្កាច់កេរ្តិ៍ លាបពណ៌ បំផុសរឿងមិនពិត ញុះញង់ឲ្យមានការរើសអើងជាតិសាសន៍ ញុះញង់ឲ្យមាន ការខឹងសម្បារមកលើគណបក្សប្រជាជនកម្ពុជាថា ចុះហត្ថលេខាលុបខ្សែបន្ទាត់ព្រំដែន កម្ពុជា វៀតណាម ប្រើប្រាស់ផែនទីក្លែងក្លាយ ធ្វើឲ្យបាត់បង់ទឹកដីរាប់ម៉ឺនគីឡូម៉ែត្រ មួលកាច់ថា គណបក្សប្រជាជនកម្ពុជា ធ្វើឲ្យបាត់បដីកម្ពុជាក្រោម កោះត្រល់ រាជរដ្ឋាភិបាលផ្តាច់ការ រដ្ឋាភិបាលអាយ៉ងបរទេស អ្នកខ្លះនិយាយ ថា ពេលណាគេឈ្នះឆ្នោត គេនឹងរឹបអូសទ្រព្យសម្បត្តិអ្នកមាន ឧកញ៉ា មកចែកអ្នកក្រ គេនឹងលុបកិច្ច សន្យាវិនិយោគ ឈប់ឲ្យមានពលករចំណាកស្រុក កុំឲ្យកូនចៅប្រជាជនទៅធ្វើខ្ញុំគេនៅក្រៅប្រទេស ។ល។
លោកបញ្ជាក់ថា តើសកម្មភាពខាងលើនេះ ជាការផ្សះផ្សាជាតិ ឬយ៉ាងណា? តើមហាជនយល់យ៉ាងណា អាស្រ័យលើការគិតពិចារណាចុះ?
ទោះបីជាភាគីគណបក្សកាន់អំណាច លើកឡើងបែបណាក្តី លោក សម រង្ស៊ី អតីតប្រធានគណបក្សសង្គ្រោះជាតិ កាលពីថ្ងៃទី២០ កុម្ភៈ បានលើកឡើង «ទោះជាខ្ញុំបានចាកចេញពីគណបក្សសង្គ្រោះជាតិហើយក៏ដោយ ក៏ខ្ញុំអនុញ្ញាតឲ្យគណបក្សនេះ បន្តប្រើប្រាស់រូបថត ឬរូបគំរូទាំងអស់ ដែលបង្ហាញ លោក កឹម សុខា និងខ្ញុំកាន់ដៃគ្នា ហើយលើកដៃទាំងពីរទៅលើដូចបង្ហាញដោយ រូបថតភ្ជាប់មកជាមួយនេះ»។
ជាមួយគ្នានោះដែរ លោកសម រង្ស៊ី ក៏បានសង្កត់ធ្ងន់ថា «ខ្ញុំបានបញ្ជាក់រួច ហើយថា គ្រប់កាលៈទេសៈ ខ្ញុំនៅតែរក្សាឧត្តមគតិសង្គ្រោះជាតិ ជានិច្ច ក្នុងបេះដូងរបស់ខ្ញុំ។ ដូច្នេះ ខ្ញុំសូមអំពាវនាវឲ្យបងប្អូនជនរួមជាតិទាំងអស់ បន្តគាំទ្រគណបក្សសង្គ្រោះជាតិ យ៉ាងពេញទំហឹង ដើម្បីនាំមកនូវការផ្លាស់ប្តូរជាវិជ្ជមាន សម្រាប់ប្រទេសកម្ពុជា»៕
ចែករំលែកព័តមាននេះ