ត្រឹម១ថ្ងៃ! អគ្គីភ័យឆេះផ្ទះ២ល្វែងនៅទីតាំងផ្សេងគ្នា ក្នុងមូលដ្ឋានខណ្ឌឬស្សីកែវ
- ភ្នំពេញ
រាជធានីភ្នំពេញ ៖ ផ្ទះ២ល្វែងនៅទីតាំងផ្សេងគ្នានៅក្នុងមូលដ្ឋានខណ្ឌឬស្សីកែវ ត្រូវបានអគ្គីភ័យ
រាជធានីភ្នំពេញ ៖ ផ្ទះ២ល្វែងនៅទីតាំងផ្សេងគ្នានៅក្នុងមូលដ្ឋានខណ្ឌឬស្សីកែវ ត្រូវបានអគ្គីភ័យឆាបឆេះជាបន្តបន្ទាប់កាលពីរសៀល ថ្ងៃទី១៧ខែកញ្ញា ឆ្នាំ ២០២២ បណ្តាលឱ្យសម្ភារៈមួយចំនួនបានរងការខូចខាត។
តាមប្រភពព័ត៌មានអោយដឹងថា នៅម៉ោងប្រមាណ១និង៣០នាទីរសៀល ផ្ទះល្វែងមួយកន្លែង លេខ២៨ ផ្លូវបេ១៤បុរី ប៉េង ហួត ក្នុងក្រុម៤ ភូមិ៤ សង្កាត់ច្រាំងចំរេះទី១ ខណ្ឌឫស្សីកែវ ត្រូវបានអគ្គីភ័យឆាបឆេះយ៉ាងសន្ធោសន្ធៅ បណ្តាលអោយសម្ភារះ ដែលនៅក្នុងផ្ទះរងការខូចខាតទាំងស្រុង ។
តាមនគរបាលអោយដឹងថា នៅក្នុងហេតុការណ៍នេះរថយន្តពន្លត់ពន្លត់អគ្គីភ័យចំនួន ៧គ្រឿង បានទៅអន្តរាគន៍ ហើយ ភ្លើងបានរលត់ទៅវិញ នៅវេលាម៉ោងប្រមាណ២រសៀលថ្ងៃដដែល។ ការកើតមានអគ្គីភ័យ នេះគេពុំដឹងពីមូលហេតុអ្វីឡើយ តែគេមានការសង្ស័យ បណ្តាលមកពី ឆ្លងចរន្តអគ្គីសនី ។
ដោយឡែក ផ្ទះលក់អីវ៉ាន់ចាបហួយមួយកន្លែងទៀត ស្ថិតនៅពីក្រោយសិប្បកម្មកែច្នៃគ្រឿងសង្ហារិម ស្ថិតនៅផ្ទះលេខ២៨៩ ក្រុមទី១៣ ភូមិក្រោលគោ សង្កាត់គីឡូម៉ែតលេខ៦ ខណ្ឌឬស្សីកែវ រាជធានីភ្នំពេញ ត្រូវបានអគ្គីភ័យ ឆាបឆេះយ៉ាងសន្ធោសន្ធៅកាលពីវេលាម៉ោង៤និ២០នាទីថ្ងៃទី១៧ ខែកញ្ញា ឆ្នាំ២០២២បណ្តាលអោយសម្ភារះ លក់ដូរប្រមាណ២០ភាគរយ ត្រូវបានអគ្គីភ័យឆាបរងការខូចខាត។
ម្ចាស់ផ្ទះដែលត្រូវភ្លើងឆេះនោះឈ្មោះអ៊ុន សារ៉េត ភេទប្រុស អាយុ ៧២ឆ្នាំមុខរបរលក់ដូរ។
តាមនគរបាលអោយដឹងថា នៅក្នុងហេតុការណ៍នេះ រថយន្ត ពន្លត់អគ្គីភ័យ ចំនួន ១៥គ្រឿងទៅ អន្តរាគមន៍បានពន្លត់អស់ទឹក៨រថយន្ត ហើយភ្លើងបានរលត់ទៅវិញនៅវេលាម៉ោងប្រមាណ៥ល្ងាច ។មូលហេតុ ដែលកើតមានអគ្គីភ័យ នេះបណ្តាលមកពីឆ្លងចរន្តអគ្គិសនី ។
គួបញ្ជាក់ថា នៅថ្ងៃទី១៧ខែ កញ្ញាឆ្នាំ ២០២២នេះ មានអគ្គីភ័យ ឆាបឆេះជាបន្តបន្ទាប់ ចំនួន ៥ទីតាំងផ្សេងគ្នា នៅក្នុងរាជធានីភ្នំពេញ៕
ចែករំលែកព័តមាននេះ