ខាត់ សុឃីម ប្រកាសរកជំនួយ ឈាម០៧ប្លោក សម្រាប់ប្អូនប្រុស ខាត់ ចំរើន
រាជធានីភ្នំពេញ ៖ តារាស្រីពហុជំនាញ អ្នកនាង ខាត់ សុឃីម បានប្រកាសពីសហរដ្ឋអាមេរិកថា ត្រូវការឈាម ចំនួន៧ប្លោក សម្រាប់ប្អូនប្រុសបង្កើតគឺលោក…
រាជធានីភ្នំពេញ ៖ តារាស្រីពហុជំនាញ អ្នកនាង ខាត់ សុឃីម បានប្រកាសពីសហរដ្ឋអាមេរិកថា ត្រូវការឈាម ចំនួន៧ប្លោក សម្រាប់ប្អូនប្រុសបង្កើតគឺលោក ខាត់ ចំរើន កំពុងតែស្ថិតក្នុងការសង្គ្រោះបន្ទាន់ នៅមន្ទីរពេទ្យកាល់ម៉ែត ។
នោះលើបណ្តាញសង្គមអ្នកនាង ខាត់ សុឃីម បង្ហោះសារម៉ោង១០យប់ថ្ងៃទី១៦ ខែកញ្ញា ឆ្នាំ២០២២ យ៉ាងដូច្នេះថា«ប្អូនខ្ញុំ ខាត់ ចំរើន ត្រូវការ ឈាម ៧ប្លោក មានបងប្អូនណា ចិត្តបុណ្យសូមជួយផ្ដល់ឈាមជូនប្អូន ខាត់ ចំរើន ផងបានទេ ? សូមបងប្អូនមេត្តាជួយប្អូនខ្ញុំផង ដោយក្ដីគោរពនឹងអំពាវនាវ នេះជាលេខគាត់ 012534444 ឫ 069342223» ។
តារាកំប្លែងបែបប្រពៃណីបុរាណ និងជាតារាចម្រៀង លោក ខាត់ ចំរើន កាលពីខែមុននេះ ត្រូវបានគេដឹកបញ្ជូនទៅសង្គ្រោះបន្ទាន់ នៅមន្ទីរពេទ្យកាល់ម៉ែត បន្ទាប់ពីរូបលោកមានជំងឺខួចក្រលៀន និងក្រិនថ្លើមកម្រិតធ្ងន់ ហើយក៏កំពុងត្រូវការឈាម ដើម្បីជួយសង្គ្រោះជីវិតផងដែរ ៕
ចែករំលែកព័តមាននេះ