ល្បែ.ងអនឡាញចំនួន១៥ទីតាំង ក្នុងឃុំចំនួន៣ នៃស្រុកគងពិសី ត្រូវបានសមត្ថកិច្ច ព្រមទាំងគណៈបញ្ជាការឯកភាពមូលដ្ឋានធ្វើការចុះអប់រំណែនាំមិនឲ្យម្ចាស់ទីតាំងទាំងនោះ បន្ត
ខេត្តកំពង់ស្ពឺ ៖ នាថ្ងៃទី១៥ ខែកញ្ញា ឆ្នាំ២០២២ ល្បែ.ងអនឡាញចំនួន១៥ទីតាំង ក្នុងឃុំចំនួន៣ នៃស្រុកគងពិសី ត្រូវបានសមត្ថកិច្ច ព្រមទាំងគណៈបញ្ជាការឯកភាពមូលដ្ឋានធ្វើការចុះអប់រំណែនាំមិនឲ្យម្ចាស់ទីតាំងទាំងនោះ បន្តសកម្មភាពលេងល្បែ.ងអនឡាញទៀតឡើយ។ ការចុះអប់រំណែនាំដល់ម្ចាស់ទីតាំងល្បែ.ងអនឡាញរួមមាន ៖ កម្លាំងប៉ុស្តិ៍នគរបាលរដ្ឋបាលវាល, អង្គពពេល, ព្រៃវិហារ ដឹកនាំដោយគណៈបញ្ជាការឯកភាពឃុំ ក្រោមការណែនាំរបស់ប្រធានគណៈបញ្ជាការឯកភាពស្រុកគងពិសី និងលោកអធិការនគរបាលផងដែរ។
ប្រភពពីមន្ត្រីនគរបាលស្រុកគងពិសី បានឲ្យដឹងថា ដោយមានការយកចិត្តទុកដាក់ពីសំណាក់លោកស្នងការអំពីការអនុវត្តបិទទីតាំងល្បែ.ងអនឡាញនេះ ទើបលោកវរសេនីយ៍ឯក ឃឹម សុផាន់ណារ៉ា អធិការនគរបាលស្រុកគងពិសី ដាក់ផែនការឲ្យតាមមូលដ្ឋានក្នុងស្រុកគងពិសី ទាំងអស់ បន្តចុះអនុវត្តផែនការរបស់គណៈបញ្ជាការឯកភាពស្រុកគងពិសី អោយធ្វើកិច្ចសន្យាលើម្ចាស់ទីតាំងល្បែ.ង Online ទាំងអស់ អោយបញ្ឈប់សកម្មភាពមិនអនុញ្ញាតិអោយលេងទៀតឡើយ ព្រោះថាល្បែ.ងមួយ គឺវាមិនបានផលចំណេញនោះទេ។
ការចុះអប់រំណែនាំធ្វើឡើងចំនួន១៥ទីតាំង ក្នុងនោះភូមិត្បូងបឹង ចំនួន០២ទីតាំង, ភូមិព្រៃទទឹងកើត ចំនួន០២ទីតាំង, ភូមិព្រៃខ្ញែរ ភូមិក្រាំងទាវ ភូមិអង្ខខ្ជាយ ចំនួន០២ទីតាំង, ភូមិក្រសាំងផ្អែម ភូមិទួលសុទិន ភូមិអង្គ្រង ចំនួន០២ទីតាំង និងភូមិស្វាយទាប ចំនួន៣ទីតាំង។ និយាយជារួម ការចុះបិទល្បែ.ងអនឡាញនេះ គឺបិទគ្រប់ប្រភេទតែម្តង ហើយធ្វើតាមរបៀបភ្លៀងរលឹមទៀតផង គឺបន្តធ្វើរហូតបិទអស់ទាំងស្រុងក្នុងស្រុកគងពិសីតែម្តង។
សូមរំលឹកផងដែរថា កាលពីថ្ងៃកាលពីថ្ងៃទី១២ ខែកញ្ញា ឆ្នាំ២០២២ កម្លាំងប៉ុស្តិ៍នគរបាលព្រៃញាតិ បានចុះធ្វើកិច្ចសន្យាអប់រំណែនាំ ទីតាំងល្បែ.ង Online ចំនួន៥ទីតាំង ស្ថិតក្នុងភូមិចាស់ ភូមិខ្លែងពណ៌ជើង ភូមិខ្លែងពណ៌ត្បូង ភូមិព្រៃជរ និងភូមិបាក់ក ។
គួរបញ្ជាក់ថា កាលពីថ្ងៃទី១៤ ខែកញ្ញា ឆ្នាំ២០២២ សម្ដេចក្រឡា ស ខេង បានចេញលិខិតបង្គាប់ការចាត់ឯកឧត្តមសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ ដឹកនាំកម្លាំងចុះបង្ក្រាបល្បែ.ងស៊ីសងខុសច្បាប់គ្រប់ប្រភេទនៅទូទាំងប្រទេស។ ល្បែ.ងឆ្នោតឡូតូ មាន់ជល់តាមអនឡាញ ដែលជ្រកតាមហាងកាហ្វេ ជាប្រភពនៃបទល្មើសចោរលួច ចោរឆក់ ប្លន់ អំពើហិ.ង្សាក្នុងគ្រួសារ និងភាពអសន្តិសុខក្នុងមូលដ្ឋាន។ មហាជនរង់ចាំមើលថា តើនៅតាមបណ្តាស្រុកដែលមានល្បែ.ងអនឡាញ ជល់មាន់ ឡូតូ និងឆ្នោតយួន មានវិធានការណែនាំអោយបញ្ឈប់សកម្មភាពបានដែរឬយ៉ាងណា?
ចែករំលែកព័តមាននេះ