រាជធានីភ្នំពេញ ៖ កម្លាំងប្រជាការពារខណ្ឌដូនពេញ ដឹកនាំដោយលោកគឹម វុត្ថា ប្រធានផ្នែកប្រជាការពារខណ្ឌ និងមានការចង្អុលបង្ហាញពីលោកសុខ ពេញវុធ អភិបាលខណ្ឌដូនពេញ បានបើកយុទ្ធានាការចុះបង្ក្រាប និងប្រមូលជនអនាថា ប្រើប្រាស់គ្រឿងញៀន ស្ថិតនៅចំណុចភូមិ១-២-៤-២១ និង២២ (ប្លុកបឹងកក់) សង្កាត់ស្រះចក ខាងក្រោយរដ្ឋាករទឹកស្វយ័ត្នក្រុងភ្នំពេញ កាលពីព្រឹកថ្ងៃទី២០ កុម្ភៈ នេះ ។
ជាលទ្ធផល ត្រូវកម្លាំងឃាត់ខ្លួនមនុស្សបាន២១នាក់ ក្នុងនោះមានស្ត្រីម្នាក់ ព្រមទាំងដកហូតឧបករណ៍ប្រើប្រាស់ថ្នាំមួយចំនួន
ទៀត ។
គួរបញ្ជាក់ថា នេះមិនមែនជាលើកទីមួយទេ ដែលសាលាខណ្ឌដូនពេញបានបើកយុទ្ធនាការបង្ក្រាប និងប្រមូលជនអនាថា អ្នកសុំទាន និងជនប្រើប្រាស់ថ្នាំញៀន ក្នុងភូមិសាស្ត្ររបស់ខ្លួនដែលជាច្រើនលើកមកហើយដែលជនអនាថា អ្នកសុំទាន និងជនប្រើប្រាស់ថ្នាំរាប់រយនាក់ ត្រូវបានឃាត់ខ្លួនប្រគល់ទៅមន្ទីរសង្គមកិច្ចរាជធានីភ្នំពេញ ។
ចែករំលែកព័តមាននេះ