ខេត្តកណ្ដាល ៖ កម្លាំងនគរបាលស្រុកអង្គស្នួល បានធ្វើការចុះបង្ក្រាបក្រុមជួញដូរ និងប្រើប្រាស់គ្រឿងញៀន ដោយនៅក្នុងរយៈពេល៥ថ្ងៃ ចាប់ខ្លួនជនសង្ស័យជាមុខសញ្ញាបានចំនួន៥នាក់ និងដកហូតថ្នាំគ្រឿងញៀនចំនួន២៧កញ្ចប់ ព្រមទាំងវត្ថុតាងពាក់ព័ន្ធមួយចំនួនផង ដែលប្រតិបត្តិការនេះធ្វើឡើងជាបន្តបន្ទាប់គ្នា គិតត្រឹមថ្ងៃទី២០ កុម្ភៈ នេះ ។
គួរបញ្ជាក់ថា លទ្ធផលដែលអធិការដ្ឋាននគរបាលស្រុកអង្គស្នួលធ្វើការបង្ក្រាប ចាប់តាំងពីថ្ងៃទី០១មករា ដល់ថ្ងៃទី១១ កុម្ភៈ មាន
ចំនួន១១លើក ចាប់បានមុខសញ្ញាអ្នកជួញដូរ និងប្រើប្រាស់ចំនួន២០នាក់ ក្នុងនោះសុទ្ធតែប្រុសទាំងអស់ ។
មិនតែប៉ុណ្ណោះ ដកហូតបានវត្ថុតាងរួមមានថ្នាំញៀនប្រភេទម៉ាទឹកកចំនួន៤០កញ្ចប់ ដែលមានកញ្ចប់ធំ ចំនួន៤កញ្ចប់,កញ្ចប់មធ្យមចំនួន១៨កញ្ចប់,និងកញ្ចប់តូចចំនួន១៨កញ្ចប់,ជញ្ជីងថ្លឹងថ្នាំញៀន១គ្រឿង ,ទូរសព្ទដៃ ០៨ គ្រឿងលុយចំនួន១៥.០០០០រៀល, ពិលឆក់១ដើម, អាវុធច្នៃចំនួន៣ដើម ក្នុងនោះអាវុធ បាញ់គ្រាប់កង់២ដើម និងបាញ់គ្រាប់កាំភ្លើងAKមួយដើម, ដាវ២ដើម រួមងឧបករណ៍ប្រើប្រាស់ និងសម្រាប់វេចខ្ចប់ថ្នាំញៀនមួយចំនួនទៀត ។
ចែករំលែកព័តមាននេះ