ការស្នើសុំប្រើប្រាស់ឥណទាននៅកម្ពុជាតាម CBC ឆ្នាំ២០១៦ កើនប្រមាណ៣១%
រាជធានីភ្នំពេញ ៖ ការដាក់ពាក្យស្នើសុំប្រើប្រាស់ឥណទានផ្ទាល់ខ្លួនពីសំណាក់ប្រជាពលរដ្ឋកម្ពុជា ក្នុងឆ្នាំ២០១៦កន្លងទៅ មានកំណើនប្រមាណ៣១%បើធៀបនឹងឆ្នាំ២០១៥ …
រាជធានីភ្នំពេញ ៖ ការដាក់ពាក្យស្នើសុំប្រើប្រាស់ឥណទានផ្ទាល់ខ្លួនពីសំណាក់ប្រជាពលរដ្ឋកម្ពុជា ក្នុងឆ្នាំ២០១៦កន្លងទៅ មានកំណើនប្រមាណ៣១%បើធៀបនឹងឆ្នាំ២០១៥ …
រាជធានីភ្នំពេញ ៖ ការដាក់ពាក្យស្នើសុំប្រើប្រាស់ឥណទានផ្ទាល់ខ្លួនពីសំណាក់ប្រជាពលរដ្ឋកម្ពុជា ក្នុងឆ្នាំ២០១៦កន្លងទៅ មានកំណើនប្រមាណ៣១%បើធៀបនឹងឆ្នាំ២០១៥ ។ នេះមិនរាប់បញ្ចូលឥណទានដែលអតិថិជនស្នើសុំខ្ចីសម្រាប់ធ្វើអាជីវកម្មនោះទេ ។ នេះយោងតាមរបាយការណ៍របស់ការិយាល័យឥណទានកម្ពុជា ( CBC ) ។
តាមទិន្នន័យពីការិយាល័យឥណទានកម្ពុជា ក៏បានបង្ហាញផងដែរ នៅត្រីមាសទី១ និងទី៣ ការស្នើសុំប្រើប្រាស់ឥណទាន មានកំណើនគួរសម តែនៅត្រីមាសទី២និងទី៤ ឆ្នាំ២០១៦ការដាក់ពាក្យស្នើសុំបានធ្លាក់ចុះ បើធៀបនឹងត្រីមាសទី៣ ក្នុងឆ្នាំ២០១៦ តែយ៉ាងណាក៏នៅតែមានកំណើនឡើងជាបន្តបន្ទាប់ ។
លោក អឿ សុធារ័ត្ន ប្រធាននាយកប្រតិបត្តិស្តីទីនៃការិយាល័យឥណទានកម្ពុជា( CBC )បានឱ្យដឹងថា បើធៀបនឹងឆ្នាំ ២០១៥កន្លងទៅ ការស្នើសុំឥណទានពីសំណាក់ប្រជាពលរដ្ឋ ដែលការិយាល័យឥណទានទទួលបានមានកំណើនតិចតួច ដែលមានអត្រាប្រមាណ៣១% ។ លោកមានប្រសាសន៍ថា ៖ « ការិយាល័យឥណទានកម្ពុជា មានតួនាទីត្រួតពិនិត្យមើលប្រវត្តិរូបអ្នកស្នើសុំប្រើប្រាស់កម្ចីឥណទានពីមីក្រូហិរញ្ញវត្ថុ និងធនាគារ តែការផ្ដល់កម្ចីឱ្យឬក៏អត់នោះ វាអាស្រ័យលើស្ថាប័នធនាគារ ឬមីក្រូហិរញ្ញវត្ថុជាអ្នកសម្រេច » ។
តាមរបាយការណ៍របស់ការិយាល័យឥណទានកម្ពុជា បានបង្ហាញថា ក្នុងឆ្នាំ២០១៦ អ្នកស្នើសុំប្រើប្រាស់ឥណទាន មានចំនួន៦៧៩ពាន់ករណី ហើយគិតជាទឹកប្រាក់ដែលបានស្នើសុំមានប្រមាណ៣,១៦ប៊ីលានដុល្លារអាមេរិក ។
ចំនួនគណនីកើនឡើងជារៀងរាល់ត្រីមាសចាប់តាំងពីដើមឆ្នាំ ប៉ុន្ដែកើនឡើងក្នុងសន្ទុះយឺតពីការប្រែប្រួលក្នុងកម្រិត១១,៤៤% ក្នុងត្រីមាសទី១ និង៧,៨៦% ក្នុងត្រីមាសទី២ ។ បច្ចុប្បន្ននេះ វាកើនឡើងត្រឹមតែ១,៨%ប៉ុណ្ណោះ បើប្រៀបធៀបទៅនឹងត្រីមាសមុន ។ សមតុល្យប្រាក់កម្ចីសរុបដែលមានកំណើនយ៉ាងលឿននៅក្នុងត្រីមាសទី៣ នៅតែមិនប្រែប្រួលជាមួយនឹងការកើនឡើង៤% ។
គួរបញ្ជាក់ថា ការិយាល័យឥណទានកម្ពុជាជាក្រុមហ៊ុនឈានមុខគេក្នុងការផ្ដល់ព័ត៌មានឥណទាន ឧបករណ៍វិភាគ និងសេវាកម្មរាយការណ៍ដល់ធនាគារ ស្ថាប័នហិរញ្ញវត្ថុ ក្រុមហ៊ុនផ្ដល់ប្រាក់កម្ចី ប្រតិបត្តិករឥណទាន និងអ្នកប្រើប្រាស់នានានៅកម្ពុជា ។ CBC ត្រូវបានបង្កើតឡើងក្នុងខែមីនា ឆ្នាំ២០១២ ដោយមានការគាំទ្រពីធនាគារជាតិនៃកម្ពុជា សមាគមធនាគារនៃកម្ពុជា សមាគមមីក្រូហិរញ្ញវត្ថុកម្ពុជា និងក្រុមប្រឹក្សាហិរញ្ញវត្ថុអន្តរជាតិ ។
CBC ជំរុញឱ្យលំនឹងសេដ្ឋកិច្ចកាន់តែប្រសើរឡើងដោយផ្ដល់ទិន្នន័យទាន់ហេតុការណ៍ និងត្រឹមត្រូវដល់អ្នកប្រើប្រាស់ និងឧស្សាហកម្មដែលជួយក្នុងការគ្រប់គ្រងផ្នែកហិរញ្ញវត្ថុនៃធុរកិច្ចរបស់ពួកគេ ។ យើងជួយធុរកិច្ចក្នុងការគ្រប់គ្រងហានិភ័យនៃឥណទាន ការពារការក្លែងបន្លំ និងការធ្វើសេចក្ដីសម្រេចចិត្តដោយស្វ័យប្រវត្តិ ។ CBC ក៏ជួយបុគ្គលប្រើប្រាស់ក្នុងការត្រួតពនិត្យរបាយការណ៍ឥណទានរបស់ពួកគាត់ដើម្បីធានាថា ពួកគាត់អាចទទួលបានប្រាក់កម្ចី និងហិរញ្ញវត្ថុ និងការពារខ្លួនពីការក្លែងបន្លំអត្តសញ្ញាណ ៕
ចែករំលែកព័តមាននេះ