ខេត្តកំពង់ស្ពឺ ៖ លោក សែម វុឌី នាយប៉ុស្តិ៍នគរបាលរដ្ឋបាលឃុំត្រែងត្រយឹង នៃស្រុកភ្នំស្រួច ខេត្តកំពង់ស្ពឺ បានរងបណ្តឹងថា បានវា.យធ្វើទារុ.ណកម្មសួរចម្លើយលើជនសង្ស័យេពិការភាព ក្រោយចាប់វា.យខ្នោះនាំខ្លួនទាំងកណ្តាលយប់ទៅកាន់ប៉ុស្តិ៍នគរបាលរដ្ឋបាលឃុំត្រែងត្រយឹង គ្រាដែលបុរសជាជនសង្ស័យបានយកដុំថ្មគប់ដំបូលផ្ទះអ្នកបើកល្បែ.ងជល់មាន់អនឡាញមួយកន្លែង។
លោកស្រី យូ ស៊ីណាត អាយុ៧០ឆ្នាំ រស់នៅភូមិទី៥ ឃុំត្រែងត្រយឹង ស្រុកភ្នំស្រួច បាននិយាយថា នៅយប់ថ្ងៃទី១៣ ខែកញ្ញា ឆ្នាំ២០២២ វេលាម៉ោងប្រមាណជា១០និង០០នាទី កូនប្រុសរបស់គាត់ឈ្មោះ គ្រុយ ធីយ៉ា អាយុ៤០ឆ្នាំ បានយកដុំថ្មគប់ទៅលើដំបូលផ្ទះគេដែលកំពុងមានការជួបជុំលេងល្បែ.ងជល់មាន់។ ហើយការគប់នោះ ដោយសារតែកន្លែងដែលជួបជុំលេងជល់មាន់ មានការហ៊ោរកញ្ជៀវបង្កសំឡេងរំខានដល់ដំណេករបស់គ្រួសារគាត់រាល់យប់។
ក្រោយពេលកូនប្រុសរបស់គាត់គប់ដុំថ្មរួច ស្រាប់តែនៅម៉ោង១០និង៣០នាទីយប់ ក៏មានប៉ូលិស៤នាក់ ជិះរថយន្តហាយឡិនឌ័រ ពណ៌ក្រហម មួយគ្រឿង មកដល់ផ្ទះ ហើយក៏បានចាប់វា.យខ្នោះកូនប្រុសរបស់គាត់រុញចូលឡាននាំយកទៅប៉ុស្តិ៍នគរបាលត្រែងត្រយឹងបាត់។ លុះនាំខ្លួនទៅដល់ប៉ុស្តិ៍ នាយប៉ុស្តិ៍ខាងលើ ព្រមទាំងកូនចៅក៏បានដាល់ទៅលើផ្ទៃមុខកូនប្រុសគាត់ទាំងដៃជាប់ខ្នោះជាច្រើនដៃ បណ្តាលឱ្យដួលទៅលើដី និងចាប់លើកឡើងមកវិញ បង្ខំឱ្យផ្តិតមេដៃបញ្ចប់រឿង ហើយក៏បានដោះលែងមកផ្ទះវិញ នៅម៉ោង១២និង៣០នាទីយប់ថ្ងៃដដែល។
លោកស្រី យូ ស៊ីណាត ជាម្តាយបុរសពិការភាពក៏បានបញ្ជាក់បន្ថែមថា ពេលដើរមកដល់ផ្ទះ គាត់បានឃើញផ្ទៃមុខកូនរបស់គាត់មានសភាពហើមជាំ និងបែកបបូរមាត់។ គ្រានោះ កូនប្រុសគាត់បានប្រាប់ពីសកម្មភាពដែលមេប៉ុស្តិ៍ និងគូកនបានវា.យធ្វើបាប និងធ្វើទារុ.ណកម្មទាំងដៃកំពុងជាប់ខ្នោះពេលចាប់យកទៅ។ គាត់ថា កូនប្រុសគាត់ត្រឹមតែទោសគប់ដុំថ្មលើដំបូលផ្ទះ មិនដល់ថ្នាក់ចាប់កៀកវា.យខ្នោះនោះទេ ហើយក៏មិនដល់ថ្នាក់វា.យធ្វើទារុ.ណនោះដែរ ម្យ៉ាងកូនគាត់ក៏មានពិការភាពផងដែរ។
គាត់ក៏បានស្នើសុំឱ្យផ្តល់ភាពយុត្តិធម៌ដល់កូនប្រុសពិការភាពរបស់គាត់ ដោយឱ្យមេប៉ុស្តិ៍នៃឃុំត្រែងត្រយឹង ចេញមុខទទួលខុសត្រូវលើរឿងនេះ ហើយក៏សុំឱ្យអាជ្ញាធរមានសមត្ថកិច្ចបង្ក្រាបល្បែ.ងស៊ីសងគ្រប់ប្រភេទ ដែលកំពុងបើកលេងគគ្រឹកគគ្រេង ស្រែកហ៊ោបង្កការរំខានដល់ដំណេកពលរដ្ឋក្នុងពេលយប់ផងដែរ។
ពាក់ព័ន្ធនឹងការប្តឹងចោទប្រកាននេះ លោក សែម វុឌី នាយប៉ុស្តិ៍ត្រែងត្រយឹង បានប្រាប់តាមទូរស័ព្ទនៅថ្ងៃទី១៥ ខែកញ្ញា ឆ្នាំ២០២២នេះថា លោកអត់បានវា.យធ្វើបាប និងធ្វើទារុ.ណកម្មទេ ព្រោះលោកក៏ដឹងដែរថា បុរសដែលបានឃាត់មកនោះ មានកាយសម្បទារមិនគ្រប់គ្រាន់(ពិការភាព) តែអ្វីដែលលោកចាប់យកមក គឺដើម្បីធ្វើកិច្ចសន្យាបញ្ឈប់មិនឱ្យប្រព្រឹត្តដូច្នេះទៀត ខណៈសកម្មភាពបែបនេះ កើតឡើងច្រើនដងមកហើយ។
សូមបញ្ជាក់ផងដែរថា ល្បែ.ងជល់មាន់តាមអនឡាញ និងឡូតូ កំពុងកើតមានពេញបន្ទុកតែម្តង នៅឃុំត្រែងត្រយឹង ស្រុកភ្នំស្រួចនេះ ហើយគេមិនដែលឃើញអស់លោកសមត្ថកិច្ចចុះបង្ក្រាបបានម្តងណាឡើយ។ ស្របពេលថ្មីៗ កាលពីថ្ងៃទី១៤ ខែកញ្ញា ឆ្នាំ២០២២ សម្តេចក្រឡាហោម ស ខេង ទើបតែចេញលិខិតបង្គាប់ការចាត់ឯកឧត្តមសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ ដឹកនាំកម្លាំងចុះបង្ក្រាបល្បែ.ងស៊ីសងខុសច្បាប់គ្រប់ប្រភេទនៅទូទាំងប្រទេស រួមមានល្បែ.ងឆ្នោតឡូតូជល់មាន់តាមអនឡាញ ដែលជ្រកតាមហាងកាហ្វេ។ ជាប្រភពនៃបទល្មើស ចោរលួចចោរប្លន់អំពើហិ.ង្សាក្នុងគ្រួសារ និងភាពអសន្តិសុខក្នុងមូលដ្ឋានយ៉ាងធ្ងន់ធ្ងរណាស់។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព៕
ចែករំលែកព័តមាននេះ