មុខសញ្ញាចែកចាយ និងប្រើប្រាស់គ្រឿងញៀ.នចំនួន៨នាក់ ត្រូវបានឃាត់ខ្លួន
ខេត្តកំពង់ធំ ៖ ឃាត់ខ្លួនជនសង្ស័យចំនួន៨នាក់ពីរករណីនៅស្រុកបារាយណ៍ និងក្រុងស្ទឹងសែន ពីបទចែកចាយ និងប្រើប្រាស់គ្រឿងញៀ.ន
ខេត្តកំពង់ធំ ៖ ឃាត់ខ្លួនជនសង្ស័យចំនួន៨នាក់ពីរករណីនៅស្រុកបារាយណ៍ និងក្រុងស្ទឹងសែន ពីបទចែកចាយ និងប្រើប្រាស់គ្រឿងញៀ.ន
ខេត្តកំពង់ធំ ៖ ឃាត់ខ្លួនជនសង្ស័យចំនួន៨នាក់ពីរករណីនៅស្រុកបារាយណ៍ និងក្រុងស្ទឹងសែន ពីបទចែកចាយ និងប្រើប្រាស់គ្រឿងញៀន យកមកកសាងសំណុំរឿងបញ្ជូនទៅកាន់តុលាកាខេត្ត។ លោកវរៈសេនីយ៍ ត្រី កែ កញ្ចនា អធិការរងនគរបាលស្រុកបារាយណ៍ បានប្រាប់ឲ្យដឹងនៅរសៀលថ្ងៃទី១៩ ខែកុម្ភៈ ឆ្នាំ២០១៧នេះថា កម្លាំងរបស់លោកបានឃាត់ខ្លួនជនសង្ស័យចំនួន៧នាក់នេះ កាលពីយប់ ថ្ងៃទី១៧ ខែកុម្ភៈ ឆ្នាំ២០១៧ ហើយការឃាត់ខ្លួនបានជនសង្ស័យនេះ នៅចំណុចផ្ទះស្ត្រីម្នាក់ឈ្មោះ ហេង កេន អាយុ៥៧ឆ្នាំនៅភូមិសិរីចំប៉ា ឃុំជ្រលង ស្រុកបារាយណ៍ រួមមាន៖
ទី១.ឈ្មោះ ម៉ោង សុខម៉ាច ភេទប្រុស អាយុ២៧ឆ្នាំ ទី២.ឈ្មោះ ម៉ុល ស៊ីណា ភេទស្រី អាយុ២២ឆ្នាំ ត្រូវជាប្រពន្ធឈ្មោះ ម៉ោង សុខម៉ាច ពីបទចែកចាយ ទី៣.ឈ្មោះ ណុប ណយ ភេទប្រុស អាយុ១៨ឆ្នាំ ទី៤.ឈ្មោះ ម៉ោង សុខមុំ ភេទប្រុស អាយុ២៣ឆ្នាំ ទី៥.ឈ្មោះ ជួប យ៉ា ភេទស្រី អាយុ២៣ឆ្នាំ អ្នកទាំង៥នាក់នេះរស់នៅភូមិឃុំកើតហេតុខាងលើ ទី៦.ឈ្មោះ ហេន ចាន់ធឿន ភេទស្រី អាយុ២០ឆ្នាំ រស់នៅភូមិតាំងក្រសាំង ឃុំតាំងក្រសាំង ស្រុកសន្ទុក និងទី៧.ឈ្មោះ ឃិន ស៊ីណាន ភេទស្រី អាយុ៣០ឆ្នាំ រស់នៅភូមិស្វាយទាប ឃុំស្វាយទាប ស្រុកចម្ការលើ ខេត្តកំពង់ចាម រួមនឹងវត្ថុតាងមានថ្នាំញៀនប្រភេទមេតំហ្វេតាមីន ហៅម៉ាទឹកកកចំនួន១៥កញ្ចប់តូច ទូរស័ព្ទដៃ៣គ្រឿង និងសម្ភារសម្រាប់ប្រើប្រាស់គ្រឿងញៀនមួយចំនួនយកមកកសាងសំណុំរឿងបញ្ជូនទៅតុលាកាខេត្ត។
ចំណែកជនសង្ស័យទី៨.ឈ្មោះ សុខ ធី ហៅយក្ស ភេទប្រុស អាយុ៣៧ឆ្នាំ រស់នៅភូមិស្ទឹងសែន សង្កាត់កំពង់ក្របៅ ស្រុងស្ទឹងសែន ត្រូវបានកម្លាំងអធិការនគរបាលក្រុងធ្វើការឃាត់ខ្លួនបាននៅក្នុងផ្ទះសំណាក់ ថែ លី ចំណុចវាលស្រែ១០០ ក្នុងភូមិកំពង់ធំ សង្កាត់កំពង់រទេះ ក្រុងស្ទឹងសែន កាលពីវេលាម៉ោង១១និង៤៥នាទី យប់ថ្ងៃទី១៨ ខែកុម្ភៈ ឆ្នាំ២០១៧ រួមជាមួយវត្ថុតាងមានថ្នាំញៀនប្រភេទមេតំហ្វេតាមីន ហៅម៉ាទឹកកកចំនួន២កញ្ចប់តូច សរុប២ករណីខាងលើនេះមានមនុស្សចំនួន៨នាក់ និងថ្នាំញៀនចំនួន១៧កញ្ចប់តូច យកមកកសាងសំណុំរឿងបញ្ជូនទៅតុលាកា៕
ចែករំលែកព័តមាននេះ