FFCសម្រេចទិញសិទ្ធិផ្សាយបន្តផ្ទាល់ការប្រកួត U20កម្ពុជា ពីម្ចាស់ផ្ទះតាហ្ស៊ីគីស្ថាន
- ភ្នំពេញ
រាជធានីភ្នំពេញ ៖ ដើម្បីនាំយកការផ្សាយបន្តផ្ទាល់ការប្រកួតរបស់ក្រុមបាល់ទាត់ជម្រើសជាតិយុវជន
រាជធានីភ្នំពេញ ៖ ដើម្បីនាំយកការផ្សាយបន្តផ្ទាល់ការប្រកួតរបស់ក្រុមបាល់ទាត់ជម្រើសជាតិយុវជន
រាជធានីភ្នំពេញ ៖ ដើម្បីនាំយកការផ្សាយបន្តផ្ទាល់ការប្រកួតរបស់ក្រុមបាល់ទាត់ជម្រើសជាតិយុវជនអាយុក្រោម២០ឆ្នាំកម្ពុជា(U20កម្ពុជា) ជូនអ្នកគាំទ្របានទស្សនា សហព័ន្ធកីឡាបាល់ទាត់កម្ពុជា(FFC)បានសម្រេចឲ្យទិញសិទ្ធិផ្សាយបន្តផ្ទាល់លើអនឡាញពីម្ចាស់ផ្ទះតាហ្ស៊ីគីស្ថាន នៃពាន
រង្វាន់ AFC U20 Championship 2023 ដើម្បីផ្សាយលើទំព័រហ្វេសបុករបស់ខ្លួនជូនបងប្អូនកម្ពុជាទស្សនា ទោះមិនមានអ្នកឧបត្ថម្ភការផ្សាយក្ដី។
ក្រុម U20កម្ពុជា ដឹកនាំដោយលោកគ្រូបង្វឹកជនជាតិជប៉ុន Koji Gyotoku ដែលមានកីឡាករ២៣នាក់ធ្វើដំណើរទៅកាន់ប្រទេសតាហ្សុីគីស្ថាន ជាទឹកដីសម្រាប់ប្រកួតក្នុងពូល I នៃវគ្គជម្រុះប្រចាំទ្វីបអាស៊ី 2023 AFC U-20 Asian Cup qualification នៅកីឡដ្ឋាន Republic Central Stadium ជាមួយក្រុម U20 លីបង់ នៅវេលាម៉ោង ៧យប់ (ម៉ោងនៅកម្ពុជា) ថ្ងៃទី១៤ ខែកញ្ញា ឆ្នាំ២០២២។
ជាលទ្ធផល ក្រុម U20កម្ពុជា បានចាញ់ក្រុមU20លីបង់១-០ ។ គ្រាប់បាល់ជ័យជម្នះរបស់ក្រុមU20លីបង់ រកបានដោយកីឡាករ Mohammad Sadek នៅនាទីទី៨ដើមតង់ទី១ ហើយលទ្ធផល ១-០ នេះរក្សារហូតដល់ចប់ការប្រកួត។
ខណ:ការប្រកួតពូល I ១គូទៀតនៅកីឡដ្ឋានដដែលរវាងម្ចាស់ផ្ទះតាហ្ស៊ីគីស្ថាន និងសិង្ហបុរី បញ្ចប់ដោយលទ្ធផល ០-០ ដោយចែកគ្នាម្នាក់១ពិន្ទុ ។ ខាងក្រោមនេះគឺជាតារាងចំណាត់ថ្នាក់ពូល I បណ្តោះអាសន្ន៖
១-លីបង់ ឆ្លងកាត់១ប្រកួត ឈ្នះ១ប្រកួត មាន៣ពិន្ទុ
២-តាហ្ស៊ីគីស្ថាន ឆ្លងកាត់១ប្រកួត ស្មើ១ប្រកួត មាន១ពិន្ទុ
៣-សិង្ហបុរី ឆ្លងកាត់១ប្រកួត ស្មើ១ប្រកួត មាន១ពិន្ទុ
៤-កម្ពុជា ឆ្លងកាត់១ប្រកួត ចាញ់១ប្រកួត មាន០ពិន្ទុ
កម្មវិធីប្រកួតសរុបក្នុងពូល I របស់ក្រុម U20កម្ពុជា៖
ថ្ងៃទី១៤ ខែកញ្ញា កម្ពុជា ប៉ះ លីបង់ នៅកីឡដ្ឋាន Republic Central Stadium
ថ្ងៃទី១៦ ខែកញ្ញា សិង្ហបុរី ប៉ះ កម្ពុជា នៅកីឡដ្ឋាន Republic Central Stadium
ថ្ងៃទី១៨ ខែកញ្ញា តាហ្សុីគីស្ថាន ប៉ះ កម្ពុជា នៅកីឡដ្ឋាន Republic Central Stadium៕
ចែករំលែកព័តមាននេះ