ពេជ្រ សម្បត្តិ នៅតែចិញ្ចឹមចិត្តថ្ងៃណាមួយបានទៅអង្រួនសង្វៀនលំដាប់ពិភពលោក ONE
- ភ្នំពេញ
រាជធានីភ្នំពេញ ៖ អ្នកប្រដាល់ជើងខ្លាំងដែលកំពុងឡើងកូដ ពេជ្រ សម្បត្តិ នៅតែចិញ្ចឹមចិត្តថា ថ្ងៃ
រាជធានីភ្នំពេញ ៖ អ្នកប្រដាល់ជើងខ្លាំងដែលកំពុងឡើងកូដ ពេជ្រ សម្បត្តិ នៅតែចិញ្ចឹមចិត្តថា ថ្ងៃណាមួយ រូបគេនឹងបានឡើងសង្វៀនលំដាប់ថ្នាក់ពិភពលោក ONE ឲ្យបានម្ដងទៀត ដែលនេះជាក្ដីស្រមៃរបស់គេតាំងពីយូរមកហើយ។
ជួបអ្នកយកព័ត៌មានឱ្យគេហទំព័រព័ត៌មានក្នុងស្រុកមួយពេជ្រ សម្បត្តិដែលមានរហស្សនាមថាក្របីព្រៃបាននិយាយថា «ក្ដីសង្ឃឹមនៅតែមានបង សង្វៀន ONE ហ្នឹង តែមិនដឹងថា ពេលណាមានឱកាសបានទៅទេ។ ទោះពេលនេះខ្ញុំមិនទាន់មានឱកាស តែខ្ញុំមិនបោះបង់ការខិតខំប្រឹងប្រែងរបស់ខ្ញុំឡើយ ព្រោះវាជាក្ដីស្រមៃមួយដែលខ្ញុំប៉ងមកយូរហើយ»។
អ្នកលេងកណ្ដាប់ដៃមហាទម្ងន់ ពេជ្រ សម្បត្តិ បានបន្ថែមថា ខ្លួននៅតែបង្កើនការហ្វឹកហាត់ ដើម្បីត្រៀមការប្រកួតក្នុងស្រុកនានា បើទោះជាក្ដីស្រមៃហាក់នៅឆ្ងាយ ឬគ្មានអ្នកណាគេចាប់អារម្មណ៍ចង់នាំខ្លួនទៅវ៉ៃនៅ ONE ក៏ដោយ។ មួយរយៈពេលក្រោយនេះ ពេជ្រ សម្បតិ្ត ហាក់មានអារម្មណ៍ថា ខ្លួនដូចជាមានសមត្ថភាពរីកចម្រើនច្រើន បន្ទាប់ពីគេបានបង្កើនការហ្វឹកហាត់កាន់តែខ្លាំង។
គួររំលឹកផងដែរថា អ្នកប្រដាល់ចិត្តស៊ូ ពេជ្រ សម្បត្តិ ដែលជាកូនអ្នកកំពង់ស្ពឺរូបនេះ កំពុងត្រៀមខ្លួនប្រកួតក្នុងព្រឹត្តិការណ៍ដ៏សំខាន់មួយផងដែរ ជាមួយកីឡាករជើងខ្លាំង ធន់ ផានិត ក្នុងវគ្គពាក់
កណ្ដាលផ្ដាច់ព្រ័ត្រនៃកម្មវិធីដណ្ដើមខ្សែក្រវាត់ ខារ៉ាបាវ ដែលនឹងធ្វើការប្រកួតក្រោយថ្ងៃបុណ្យភ្ជុំបិណ្ឌ៕
ចែករំលែកព័តមាននេះ