កម្ពុជា និងឡាវ គ្រោងជំនួបរកដំណោះស្រាយលើបញ្ហាព្រំដែន
ខេត្តស្ទឹងត្រែង ៖ តាមការឲ្យដឹងនាព្រឹកថ្ងៃទី១៩ កុម្ភៈ ២០១៧នេះថា ភាគីកម្ពុជា-ឡាវ នឹងផ្តើមជំនួបគ្នាក្នុងចន្លោះចាប់ទីថ្ងៃទី២០ រហូតដល់ ថ្ងៃទី២៧ កុម្ភៈ
ខេត្តស្ទឹងត្រែង ៖ តាមការឲ្យដឹងនាព្រឹកថ្ងៃទី១៩ កុម្ភៈ ២០១៧នេះថា ភាគីកម្ពុជា-ឡាវ នឹងផ្តើមជំនួបគ្នាក្នុងចន្លោះចាប់ទីថ្ងៃទី២០ រហូតដល់ ថ្ងៃទី២៧ កុម្ភៈ
ខេត្តស្ទឹងត្រែង ៖ តាមការឲ្យដឹងនាព្រឹកថ្ងៃទី១៩ កុម្ភៈ ២០១៧នេះថា ភាគីកម្ពុជា-ឡាវ នឹងផ្តើមជំនួបគ្នាក្នុងចន្លោះចាប់ទីថ្ងៃទី២០ រហូតដល់ ថ្ងៃទី២៧ កុម្ភៈ ដើម្បីស្វែងរកដំណោះស្រាយលើបញ្ហាការឈូសឆាយសាងសង់ផ្លូវយុទ្ធសាស្ត្រក្រវាត់ព្រំដែនកម្ពុជា។ វរៈការពារព្រំដែន១០១ បានឲ្យដឹងថា កម្លាំងទាហានឡាវ នៅបន្តបន្ថែមកម្លាំងមកបន្ទាត់ព្រំដែនប្រមាណជាជាង៤០០នាក់ ដោយពង្រាយចាប់ពីចំណុចប៉ុស្តិ៍វរៈ២១ត្រើយម្ខាងទន្លេសេសានអូរកុះ ដល់អូរតាក់ឡាវទឹកដីភាគីឡាវ ដោយឡែកកម្លាំងមួយចំនួនទៀតមកឈរជើងលើដីកម្ពុជាប្រដាប់ដោយអាវុធចូលមករារាំងមិនឲ្យទាហាន កងវិស្វកម្មកម្ពុជាធ្វើផ្លូវយុទ្ធសាស្ត្រក្រវាត់ព្រំដែន ចំណុចអូតាឡាវ ខេត្តស្ទឹងត្រែង។
គិតត្រឹមថ្ងៃទី១៩ កុម្ភៈនេះ រយៈពេលចំនួន១១ថ្ងៃ កន្លងមកហើយ ខាងកម្លាំងទាហានខេត្តអាតតះពឺ របស់ឡាវជាច្រើនអ្នកបាន និងបន្តរារាំងការស្ថាបនាផ្លូវយុទ្ធសាស្ត្រក្រវាត់តាមព្រំដែនកម្ពុជា ចំណុចអូតាឡាវ ក្នុងភូមិសាស្ត្រ ឃុំសន្តិភាព ស្រុកសៀមប៉ាងខេត្តស្ទឹងត្រែង តាំងពីថ្ងៃទី៨ ខែកុម្ភៈ ឆ្នាំ២០១៧មកម្លេះ។ បន្ទាប់ពីទាហានឡាវបន្ថែមកម្លាំង ភាគីកម្ពុជាក៏រៀបចំកម្លាំងការពារព្រំដែន រួមមាន កម្លាំងទាហានវរៈការពាព្រំដែន១០១ កម្លាំងនគរបាលវរៈការពារព្រំដែនលេខ៧០១ កម្លាំងតំបន់ប្រតិបត្តិការសឹករងខេត្ត កម្លាំងយោធភូមិភាគ១ រួមនឹងកម្លាំងកងវិស្វកម្ម ចុះធ្វើការណែនាំដល់ទាហានឡាវ មិនឲ្យនាំនូវអាវុធចូលមកក្នុងដែនដីកម្ពុជា។
យ៉ាងណាខាងទាហានឡាវគឺមិនឯកភាពតាមសំណូពររបស់ភាគីកម្ពុជាយើងនោះទេ គេឆ្លើយថា ធ្វើទៅតាមបទបញ្ជារបស់ថ្នាក់លើ ខាងកម្លាំងកងវិស្វកម្មស្នើសុំថ្នាក់លើកម្ពុជា ថែមកម្លាំងមកជាបន្ទាន់ដើម្បីបន្តស្ថាបនាផ្លូវតទៅទៀត បច្ចុប្បន្នភាគីកម្ពុជានៅបន្តការសម្របសម្រួលបណ្តើរធ្វើបណ្តើរ ហើយខាងកម្លាំងកងវិស្វកម្ម បានបន្តការស្ថាបនាផ្លូវយុទ្ធសាស្ត្រ ក្រវាត់ព្រំដែន ពីចំណុចដុងក្រឡ ក្រុងស្ទឹងត្រែង ដល់ចំណុច អូតាឡាវ ស្រុកសៀមប៉ាង បានប្រវែងដល់ទៅ១៥០ គីឡូម៉ែត្រ និង៤០០មែត្រ លើផែនការអនុវត្ត២៥៧គីឡូម៉ែត្រ៕
ចែករំលែកព័តមាននេះ