ភ្ញាក់ព្រើត ! កំពុងតែដកក្រឳឈូក ប្រទះឃើញសពស្ត្រីម្នាក់អណ្ដែតក្នុងទឹកបឹង
រាជធានីភ្នំពេញ ៖ សាកសពស្ត្រីម្នាក់ត្រូវបានបុរសអ្នកដកក្រឳឈូកម្នាក់បានប្រទះឃើញ ក៏បង្កឲ្យមានការភ្ញាក់ផ្អើលទាំងព្រឹក ក្នុងខណៈដែលបុរសម្នាក់នោះ
រាជធានីភ្នំពេញ ៖ សាកសពស្ត្រីម្នាក់ត្រូវបានបុរសអ្នកដកក្រឳឈូកម្នាក់បានប្រទះឃើញ ក៏បង្កឲ្យមានការភ្ញាក់ផ្អើលទាំងព្រឹក ក្នុងខណៈដែលបុរសម្នាក់នោះ
រាជធានីភ្នំពេញ ៖ សាកសពស្ត្រីម្នាក់ត្រូវបានបុរសអ្នកដកក្រឳឈូកម្នាក់បានប្រទះឃើញ ក៏បង្កឲ្យមានការភ្ញាក់ផ្អើលទាំងព្រឹក ក្នុងខណៈដែលបុរសម្នាក់នោះ ចុះទៅដកក្រឳឈូកនៅក្នុងបឹងមួយកន្លែង ដែលមានឈូក និងស្មៅកក់ដុះយ៉ាងទ្រុបទ្រុល ហើយសពនោះទើបស្លាប់ប្រហែល២ថ្ងៃប៉ុណ្ណោះ។ តាមការធ្វើ កោសល្យវិច្ច័យរបស់នគរបាលបច្ចេកទេស នៃស្នងការដ្ឋានគរបាលរាជធានីភ្នំពេញ នាងត្រូវបានឃាតក ធ្វើសកម្មភាពច្របាច់កសម្លាប់។
ដោយឡែកមន្ត្រីនគរបាលមួយរូប បានលួចខ្សឹបប្រាប់ថា នាងត្រូវបានគេ ស្គាល់អត្តសញ្ញាណ ដែលកាលមុននាងគឺជាកម្មការិនីរោងចក្រកាត់ដេរ ស្នាក់នៅជិតកន្លែងកើតហេតុខាង លើ ហើយកន្លងមកនាងធ្លាប់ត្រូវបានម្ចាស់ផ្ទះជួលដែលនាងស្នាក់នៅ បង្ខាំងទុកក្នុងផ្ទះ និងប្ដឹងឲ្យនគរ បាល អន្តរាគមន៍ម្ដងរួចមកហើយ ដោយសាតែនាងមិនឲ្យលុយថ្លៃជួលផ្ទះស្នាក់នៅ ក្រោយមកក៏បានដោះស្រាយគ្នាចប់ហើយដែរ។ ប៉ុន្តែក្រោយមកមិនបានដឹងថា នាងទៅស្នាក់នៅកន្លែងណាមួយនោះឡើយ តែគ្រាន់តែបានដឹង ថានាងដើរតែជាមួយក្រុមជនស្ទាវចូលក្លឹបនានា ហើយពេលនេះនៅមិនទាន់ដឹងថា នាងត្រូវគេច្របាច់កសម្លាប់ ព្រោះតែរឿងអ្វីនោះឡើយ។
ការភ្ញាក់ផ្អើលនោះបានកើតឡើង កាលពីវេលាម៉ោង៨ព្រឹកថ្ងៃទី១៩ ខែកុម្ភៈ ឆ្នាំ២០១៧ នៅក្នុងបឹងមួយកន្លែងដែលមានទីតាំងស្ថិតនៅជិតស្ពានទួលពង្រ ក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ តាមប្រភពព័ត៌មានបានបន្តទៀតថា នៅមុនពេលកើតហេតុ មានបុរសម្នាក់ឈ្មោះ អ៊ី ផល្លា អាយុ៥៦ឆ្នាំ មុខរបរលក់ក្រឳឈូក និងត្រកួន ស្នាក់នៅក្បែរនោះ បានចុះទៅដកក្រឳឈូកនៅក្នុងបឹងខាងលើ ហើយខណៈដែលទើបតែដកបានបន្តិច ស្រាប់តែបានប្រទះឃើញសាកសព នៅក្នុងទឹកនោះធ្វើឲ្យគាត់មានការភ្ញាក់ផ្អើល និងបានរត់ឡើងគោកប្រាប់ក្រុមអ្នករត់ម៉ូតូរ៉ឺម៉កកង់បី ឲ្យនាំគ្នាទៅមើល។
ទើបធ្វើឲ្យមានការភ្ញាក់ផ្អើលកាន់តែខ្លាំងឡើងថែមទៀត ហើយក៏មានប្រជាពលរដ្ឋនាំគ្នាទៅចោមរោមមើលយ៉ាងច្រើន។ ប៉ុន្តែភ្លាមៗនោះមិនមាននរណាម្នាក់បានស្គាល់ថា ស្ត្រីរងគ្រោះនោះគឺជានរណាឡើយ ព្រោះមើលឃើញមិនច្បាស់ ដោយសាកសពលិចបាត់ទៅក្នុងទឹក ហើយមើលឃើញតែម្រាមដៃតែប៉ុណ្ណោះ។ មន្ត្រីនគរបាលបានលួចបង្ហើបឲ្យដឹងថា ជនរងគ្រោះត្រូវបានគេស្គាល់អត្តសញ្ញាណហើយ នាងមានឈ្មោះ ប៊ុន សុខលៀង ហៅស្រីមុំ អាយុ២២ឆ្នាំ អតីតនាងជាកម្មការិនីរោងចក្រកាត់ដេរ និងស្នាក់នៅផ្ទះជួល ក្នុងភូមិកើតហេតុខាងលើ មានស្រុកកំណើតនៅក្នុងភូមិស្វាយ ឃុំស្រង់ ស្រុកគងពិសី ខេត្រកំពង់ស្ពឺ។
ប៉ុន្តែក្រោយពីមានរឿងជាមួយម្ចាស់ផ្ទះជួលរួចមក នាងបានចាកចេញហើយមិនទាន់ដឹងថា ទៅស្នាក់នៅម្ដុំណាពិត ប្រាកដនៅឡើយទេ ប៉ុន្តែមាន អ្នកស្គាល់បានប្រាប់ថា នាងបានលក់ទឹកត្នោតជូរនៅជិតៗនោះដែរ និងឧស្សាហ៍ឃើញនាងដើរតែជាមួយក្រុមជនស្ទាវ និងបានចូលក្លឹបជាញឹកញាប់ថែមទៀតផង។ ហើយការស្លាប់របស់នាងមិនដឹងថា មានជាប់ពាក់ព័ន្ធជាមួយនរណាម្នាក់នៅឡើយទេ។
ចំណែកស្ត្រីម្នាក់ទៀតឈ្មោះ អូន ចិន្តា អាយុ២៤ឆ្នាំ បាននិយាយថា នាង និងជនរងគ្រោះ គឺជាមិត្តភក្ដិស្និទ្ធស្នាលនឹងគ្នា ធ្លាប់ស្នាក់នៅផ្ទះជួលជាមួយគ្នា ប៉ុន្តែក្រោយមកបានស្នាក់នៅបែកគ្នាវិញមួយរយៈពេលមកហើយ នាងមិនបានដឹងអំពីសុខទុក្ខមិត្តភក្ដិម្នាក់នេះបែបណាឡើយ។ ប៉ុន្តនៅលើកចុងក្រោយមុនពេលដែល នាងរងគ្រោះស្លាប់ បានជួបគ្នាម្ដងក្នុងខណៈពេលនាងចូលទៅផឹកស៊ីនៅក្នុងក្លឹបឌីស្កូ មីតណាយ ដែលមាន ទីតាំងស្ថិតនៅតាមផ្លូវវេងស្រេង ក្នុងភូមិត្រពាំងថ្លឹង សង្កាត់ចោមចៅ កាលពីយប់ថ្ងៃទី១៧ ខែកុម្ភៈ ឆ្នាំ២០១៧ បន្ទាប់មកក៏បានបែកគ្នារហូតមកដល់ព្រឹកថ្ងៃកើតហេតុ ទើបមានគេប្រទះឃើញសាកសពរបស់ នាងបែបនេះតែម្ដង។
ប៉ុន្តែទោះជាបែបណា នគរបាលមូលដ្ឋាន និងនគរបាលការិយាល័យបច្ចេកទេសនៃស្នងការដ្ឋាននគរបាលរាជធានីភ្នំពេញ បានចុះទៅនាំយកសាកសពទៅ កាន់ឈាបនដ្ឋានវត្តអង្គតាមិញ ដើម្បីធ្វើការពិនិត្យកោសល្យវិច្ច័យ ដើម្បីកំណត់ថាជនរងគ្រោះ ត្រូវគេសម្លាប់ ឬក៏មានមូលហេតុផ្សេងទៀត ប៉ុន្តែជាលទ្ធផលពិនិត្យឃើញថា ជនរងគ្រោះត្រូវឃាតកច្របាច់កសម្លាប់ ហើយពេលនេះនគរបាលកំពង់ស្រាវជ្រាវរកសាច់ញាតិឲ្យទៅទទួលសាកសពធ្វើបុណ្យតាមប្រពៃណីហើយ៕
ចែករំលែកព័តមាននេះ