ខេត្តរតនគិរី ៖ កម្លាំងប៉េអឹមខេត្តកាលពីថ្ងៃទី18 ខែកុម្ភៈ ឆ្នាំ2017 នេះ កម្លាំងកងរាជអាវុធហត្ថខេត្ត (PM) 5នាក់ សហការជាមួយកម្លាំងរដ្ឋបាលព្រៃឈើ បរិស្ថាន ប៉ូលិស និងយោធា បានចុះរឹបអូសឈើមូលប្រភេទលេខ2 ចំនួន308កំណាត់ ដែលក្រុមឈ្មួញលាក់ទុកក្នុងព្រៃសហគមន៍ ស្ថិតក្នុងភូមិប៉ាតត់ ឃុំសេដា ស្រុកលំផាត់ ។
លោកវរសេនីយ៍ត្រី ឃី សុខា ប្រធានមន្ទីរបច្ចេកទេស និងសន្តិសុខនៃទីបញ្ជាការប៉េអឹមខេត្តប្រាប់ឲ្យដឹងថា ដោយមានបទបញ្ជាពីលោក ថង សាវុន អភិបាលខេត្ត និងលោកឧត្តមសេនីយ៍គឹម រស្មី មេបញ្ជាការប៉េអឹមខេត្ត ឲ្យធ្វើការបង្ក្រាបបទល្មើសព្រៃឈើ។
ជាក់ស្តែងឈើមូលប្រភេទលេខ2 ដែលក្រុមឈ្មួញលាក់ទុកត្រូវបានកម្លាំងដែលចុះប្រតិបត្តិការរុករកឃើញនៅ6កន្លែងផ្សេងគ្នា 1-ត្រង់ចំណុច UTM (728186, 1483073) ឈើ34កំណាត់ 2-(728240,1483073) ឈើ19កំណាត់ 3-(728717,1482972) ឈើ83កំណាត់ 4-(728828,1483176)ឈើ71កំណាត់ 5-(729944,1482843) ឈើ20កំណាត់ និង6-(730492, 14825 90) មានឈើ81កំណាត់។
លោកវរសេនីយ៍ត្រី ឃី សុខា បញ្ជាក់ឲ្យដឹងទៀតថា បច្ចុប្បន្នវត្ថុតាងឈើមូលប្រភេទលេខ2ចំនួន308កំណាត់ខាងលើនេះ ត្រូវបានកម្លាំងកំពុងការពារនៅកន្លែងនៅឡើយ ហើយមិនទាន់ធ្វើការវាស់វែងនោះទេ រង់ចាំបទបញ្ជាថ្នាក់លើ៕
ចែករំលែកព័តមាននេះ