នៅខាងក្រៅសន្និសីទក្រុងមុយនិកស្តីពីសន្តិសុខមហាសេដ្ឋី លោកប៊ីលហ្គេត ស្ថាបនិករបស់ MICROSOFT ធ្វើការព្យាករណ៍កាលពីថ្ងៃទី១៨ កុម្ភៈ ថា មនុស្សដល់ទៅជាង៣០លាននាក់លើពិភពលោកអាចរងគ្រោះដោយ
នៅខាងក្រៅសន្និសីទក្រុងមុយនិកស្តីពីសន្តិសុខមហាសេដ្ឋី លោកប៊ីលហ្គេត ស្ថាបនិករបស់ MICROSOFT ធ្វើការព្យាករណ៍កាលពីថ្ងៃទី១៨ កុម្ភៈ ថា មនុស្សដល់ទៅជាង៣០លាននាក់លើពិភពលោកអាចរងគ្រោះដោយសារការចម្លងមេរោគធ្ងន់ធ្ងរមួយតាមរយៈការវាយប្រហារភេរវកម្មប្រើអាវុធមេរោគ ឬតាមរយៈការមើលស្រាលដល់បណ្តាវិធានការត្រួតពិនិត្យជំងឺ ។
លោកប៊ីលហ្គេត ព្រមានប្រាប់ពិភពលោកថា សង្គ្រាម និងភាពចលាចលដើរទន្ទឹមគ្នាជាមួយភេរវកម្មអន្តរជាតិ ព្រមទាំងជាមួយជំងឺនានា និងថា ការមើលស្រាលដល់ការគំរាមកំហែងវាយប្រហារដោយអាវុធជីវសាស្ត្រអាចនាំឱ្យមានការចម្លងមេរោគលើពិភពលោកសម្លាប់មនុស្សជាច្រើនលាននាក់ ។
លោកប៊ីលហ្គេត ថ្លែងថា ការចម្លងមេរោគនាពេលខាងមុខអាចចេញពីឆន្ទៈរបស់ពួកភេរវករប្រើប្រាស់បច្ចេកទេសបង្កើតវីរុសកញ្ជ្រិលសំយោគ ឬមេរោគគ្រុនផ្តាសាយមហាចម្លង និងសម្លាប់មនុស្សយ៉ាងងាយ ។ លោកគូសបញ្ជាក់ថា ការខុសឆ្គងសំខាន់របស់សហគមន៍អន្តរជាតិគឺការមើលស្រាលចំពោះទំនាក់ទំនងរវាងសន្តិសុខសុខភាព និងសន្តិសុខអន្តរជាតិ ។ ពិសេសបំផុតលោកប៊ីលហ្គេត គូសបញ្ជាក់ថា បណ្តាតំបន់ហែកហួដោយសង្គ្រាម និងបណ្តារដ្ឋក្រីក្រជាប្រភពដែលអាចងាយចម្លងមេរោគ ហើយទន្ទឹមនឹងនេះក៏ជាកន្លែងដែលពិបាកបំផុតក្នុងការប្រឆាំងគ្រោះចង្រៃនេះ ។ លោកលើកជាឧទាហរណ៍ថា យើងបានឃើញវីរុសអេបូឡានៅប្រទេសសេរ៉ាឡេអូន និងលីបេរីយ៉ា ព្រមទាំងជំងឺកញ្ជ្រិលនៅកុងហ្គោ និងនៅតំបន់ស្នែងក្របីនៃទ្វីបអាហ្វ្រិក ។ វាមានលទ្ធភាពខ្ពស់ដែលពិភពលោកត្រូវប្រឈមមុខនឹងការចម្លងមេរោគបែបនេះរយៈពេលពី១០ទៅ១៥ឆ្នាំខាងមុខទៀត ៕
ចែករំលែកព័តមាននេះ