ការវិនិយោគអចលនទ្រព្យជាមួយគំនិតដ៏ឈ្លាសវៃ
សម្បត្តិធនធាននៅលើលោក គឺចំនួនមានកំណត់ ។ សព្វថ្ងៃនេះ មានតែការប្រជែងគ្នាយកទ្រព្យដែលនៅជិតខ្លួនដូចជា ទឹក ស្អាត ព្រៃឈើ និងប្រេងជាដើម ។ ធនធានទាំងនេះ មនុស្សភាគច្រើនចូលទៅដល់
សម្បត្តិធនធាននៅលើលោក គឺចំនួនមានកំណត់ ។ សព្វថ្ងៃនេះ មានតែការប្រជែងគ្នាយកទ្រព្យដែលនៅជិតខ្លួនដូចជា ទឹក ស្អាត ព្រៃឈើ និងប្រេងជាដើម ។ ធនធានទាំងនេះ មនុស្សភាគច្រើនចូលទៅដល់
សម្បត្តិធនធាននៅលើលោក គឺចំនួនមានកំណត់ ។ សព្វថ្ងៃនេះ មានតែការប្រជែងគ្នាយកទ្រព្យដែលនៅជិតខ្លួនដូចជា ទឹក ស្អាត ព្រៃឈើ និងប្រេងជាដើម ។ ធនធានទាំងនេះ មនុស្សភាគច្រើនចូលទៅដល់ដោយងាយ ប៉ុន្តែយុគសម័យនេះជាសម័យមូលធននិយមសេរី អ្នកមានដើមទុនច្រើនអាចចូលទៅដល់ និងគ្រប់គ្រងបានច្រើនជាង ។ ទ្រព្យដែលលើកឡើងនេះ គឺដីធ្លីជាកន្លែងដាំដុះ និងតំបន់សម្រាប់រស់នៅ ហើយនៅពេលមានការអភិវឌ្ឍនោះ ទីកន្លែងទាំងនេះចាត់ទុកជាទ្រព្យមានតម្លៃខ្ពស់ ឬហៅថា អចលនទ្រព្យ ។
ដោយបរិមាណដីនៅលើលោកនេះមានកំណត់ និងមិនអាចដុះមកទៀតនោះ ធ្វើឲ្យដីដែលមានមិនគ្រប់គ្រាន់ជាមួយនឹងតម្រូវការពីមនុស្សលើលោក គឺជាទ្រព្យដែលពិបាកស្វែងរក និងមានតម្លៃខ្ពស់ ។ ហេតុនេះ ទើបធ្វើឲ្យអ្នកឈ្លាសវៃគិតរកវិធីបង្កើតប្រាក់ពីវា ឬនិយាយឲ្យងាយ គឺវិនិយោគលើដីដើម្បីបង្កើតប្រាក់ចំណូលដល់ខ្លួនឯង ។
ទោះបីជាអចលនទ្រព្យ ដីធ្លី ឬលំនៅឋាននោះអាចលក់ដូរបង្កើតប្រាក់ចំណេញបាន ប៉ុន្តែក៏មិនប្រាកដរហូតដែរ បើចូលទៅវិនិយោគទិញ-លក់ មិនត្រូវវិធីទេនោះ ។
១-មុននឹងទិញអចលនទ្រព្យត្រូវមានមូលដ្ឋានគ្រឹះនៃគំនិត និងវិនិយោគដ៏ឈ្លាសវៃ ៖
អ្នកដែលកំពុងនឹងទិញផ្ទះ ត្រូវគិតឲ្យដូចជាវិនិយោគិន ដែលមិនមែនទិញមកសម្រាប់រស់នៅតែម្យ៉ាងទេ គឺត្រូវគិតដល់ថា ផ្ទះនេះអាចបង្កើតតម្លៃ ឬប្រាក់ចំណូលនាពេលអនាគតបានឬទេ ឬគិតរកវិធីធ្វើឲ្យផ្ទះនោះក្លាយជាប្រយោជន៍ដល់យើងច្រើនបំផុត ។
២-ចង្វាក់ពេលវេលា ៖
រាប់ជាកត្តាសំខាន់ណាស់ក្នុងការទិញផ្ទះ ដើម្បីបង្កើតតម្លៃបានល្អបំផុត ត្រូវមើលពីតម្រូវការរស់នៅថា ពេលនេះជាពេលវេលាមិនអំណោយផល ហើយបើយើងទិញផ្ទះក្នុងពេលនេះ ជាមួយនឹងតម្លៃខ្ពស់បំផុត គឺវាអាចនឹងធ្វើឲ្យផលតបស្នងក្នុងការវិនិយោគតាមមកដោយលំបាកដែរ ។
៣-ការជ្រើសរើសទីតាំង ៖
ជាចំណុចសំខាន់មួយទៀត បើជ្រើសរើសទីតាំងមិនល្អ ឬទិញទាំងងងិតងងុល ការវិនិយោគនោះនឹងរង់ចាំតែថ្ងៃខាតបង់ប៉ុណ្ណោះ ។
៤-ការពិនិត្យមើលទ្រព្យដែលត្រូវទិញដោយផ្ចិតផ្ចង់ ៖
កុំចិត្តក្តៅ ឬឃើញថាតម្លៃថោក ក៏ប្រញាប់ទិញភ្លាម ដោយសារតែឃើញផ្ទះត្រឹមសម្បកក្រៅ ហើយមិនឃើញផ្នែកខាងក្នុង ។ អ្នកគួររកចំណេះដឹង ឬអ្នកមានជំនាញមកជួយពិនិត្យ ទើបមិនសោកស្តាយនៅពេលក្រោយ ។
៥-ស្មានហេតុការណ៍ផលតបស្នង ៖
ការទិញអចលនទ្រព្យសម័យនេះ គឺទិញបែបបង្កើតចំណូល ឬយ៉ាងហោចណាស់ ក៏តម្លៃមិនធ្លាក់ចុះដែរ ។ យើងត្រូវមានផែនការ និងស្មានពីហេតុការណ៍ផលតបស្នងថា អ្វីដែលវិនិយោគនោះនឹងអាចបង្កើតផលតបស្នងដល់យើងឬទេ ក្នុងអត្រា១ឆ្នាំប៉ុន្មាន និងមានហានិភ័យអ្វីខ្លះ ត្រូវគិតឲ្យគ្រប់ផ្នែក ។
៦-នៅពេលជ្រើសរើសល្អហើយត្រូវសម្រេចចិត្ត ៖
ជារឿងធម្មតា ដែលយើងមិនបានអ្វីដូចចិត្តគ្រប់យ៉ាងនោះ ប៉ុន្តែអាចធ្វើការសម្រេចចិត្តយកលក្ខខណ្ឌល្អបំផុតសម្រាប់ខ្លួនយើងក្នុងពេលនោះបាន ។ ដូច្នេះ នៅពេលជ្រើសរើសបានល្អហើយ ត្រូវក្លាហានសម្រេចចិត្ត បើខុសឆ្គងនៅពេលក្រោយ ក៏ចាំទុកជាមេរៀន ។
៧-ការគ្រប់គ្រងទ្រព្យជាមួយតម្លៃកើនឡើង ៖
នៅពេលបានផ្ទះ ឬអចលនទ្រព្យមកហើយ កុំបណ្តោយឲ្យទេវតា ឬមេឃភ្លៀងជាអ្នកមើលថែ គឺត្រូវគិត និងចាត់បង្កើតឱកាសផ្សេងៗដើម្បីឲ្យទ្រព្យនោះកើតជាប្រយោជន៍ និងមានតម្លៃខ្លាំងបំផុត ។
ការវិនិយោគលំនៅឋាន និងអចលនទ្រព្យ ដែលមើលទៅងាយស្រួល ប៉ុន្តែជាការពិត អ្នកវិនិយោគរឿងនេះបានល្អ ត្រូវឆ្លងកាត់បទពិសោធន៍មកច្រើនគួរសម ។ អ្នកដែលបរាជ័យភាគច្រើន ក៏ព្រោះតែមិនហ៊ានចាប់ផ្តើម ដោយសារខ្លាចការទិញលំបាក លក់លំបាក និងធ្វើឲ្យបាត់បង់ឱកាសវិនិយោគដែលអាចបង្កើតផលតបស្នងបានយ៉ាងល្អ ។ ហេតុនេះ កុំខ្លាចនឹងឈានជើងចាប់ផ្តើមជាមួយប្រាក់ចំនួនតិចមុនក៏បាន ហើយនៅពេលយើងមានជំនាញ និងឆ្លាតហើយ ចាំពង្រីកបន្តទៀត ៕
ចែករំលែកព័តមាននេះ