មេដាយមាស ប្រាក់ និងសំរឹទ្ធិនឹងត្រូវចម្រាញ់ចេញពីការបរិច្ឆាគទូរស័ព្ទ ចាស់ៗ ដើម្បីជួយបង្កើតមេដាយអូឡាំពិកទីក្រុងតូក្យូឆ្នាំ២០២០ ។ ពេលនេះរដ្ឋាភិបាលជប៉ុនមានគម្រោងការដ៏ធំសម្បើមក្នុងការកែច្នៃទូរស័ព្ទ ចាស់ៗនេះ ។
មេដាយមាស ប្រាក់ និងសំរឹទ្ធិនឹងត្រូវចម្រាញ់ចេញពីការបរិច្ឆាគទូរស័ព្ទ ចាស់ៗ ដើម្បីជួយបង្កើតមេដាយអូឡាំពិកទីក្រុងតូក្យូឆ្នាំ២០២០ ។ ពេលនេះរដ្ឋាភិបាលជប៉ុនមានគម្រោងការដ៏ធំសម្បើមក្នុងការកែច្នៃទូរស័ព្ទ ចាស់ៗនេះ ។
ពេលនេះមន្ត្រីសាធារណៈជប៉ុនទាំងអស់ត្រូវរដ្ឋាភិបាលស្នើឲ្យបរិច្ឆាគទូរស័ព្ទ ចាស់ៗ ឬទូរស័ព្ទដែលមិនប្រើប្រាស់ ព្រោះទូរស័ព្ទទាំងនោះនឹងត្រូវយកមកប្រើប្រាស់ជាប្រយោជន៍ក្នុងការបង្កើតមេដាយសម្រាប់កីឡាអូឡាំពិកឆ្នាំ២០២០ ។ និយាយបែបនេះមិនមែនមេដាយអូឡាំពិកមានរូបរាងដូចទូរស័ព្ទអ្វីនោះទេ តែមេដាយមាស ប្រាក់ និងសំរឹទ្ធិទាំងនោះ ត្រូវចម្រាញ់ចេញពីទូរស័ព្ទនូវសារធាតុសម្រាប់ប្រើប្រាស់ធ្វើមេដាយអូឡាំពិក ។
វាមិនមែនជាមេដាយអូឡាំពិកដំបូងដែលត្រូវគេបង្កើតឡើងពីគ្រឿង បច្ចេកវិទ្យាហួស សម័យនោះទេ ។ តួយ៉ាងដូចជាមេដាយអូឡាំពិកទីក្រុងVancouver ឆ្នាំ២០១០ និងប៉ារ៉ាឡាំពិក វីនធ័រ(Paralympic Winter) ប្រទេសកាណាដា ក៏ត្រូវបានគេធ្វើឡើងចេញពីគ្រឿងអេឡិចត្រូនិក ដែលគេលែងត្រូវការដូចគ្នា ។
នាខែមេសាខាងមុខប្រអប់បរិច្ឆាគទូរស័ព្ទចាស់ៗ នឹងត្រូវគេដាក់នៅតាមបណ្តាអគាររដ្ឋាភិបាល ឬក្នុងហាងរបស់ក្រុមហ៊ុនផ្តល់ សេវាទូរស័ព្ទ ជប៉ុនNTT DoCoMoដែលសហការជាមួយក្រុមហ៊ុនបរិស្ថាន Japan Environmental Sanitation Center សម្រាប់គម្រោងមួយនេះ ។ គម្រោងការមួយនេះក៏ដើម្បីសំអាតបរិស្ថានផង និងជួយសម្រួលដល់ការចំណាយក្នុងនាមជាម្ចាស់ផ្ទះសម្រាប់កីឡាអូឡាំពិកផង ។ កីឡាអូឡាំពិកនេះត្រូវបានគេព្យាករថាត្រូវចំណាយប្រាក់ប្រមាណ១៦,៨ពាន់លានដុល្លារអាមេរិក។
គណៈកម្មាធិការរៀបចំកីឡាអូឡាំពិកតូក្យូឆ្នាំ២០២០ បាននិយាយថា ខ្លួនសង្ឃឹមថានឹងអាច ប្រមូលបានសារធាតុលោហៈប្រមាណ៨តោនចេញពីទូរស័ព្ទចាស់ៗ ដើម្បីធ្វើមេដាយចំនួន៥០០០គ្រឿង ។ លោកHiroki Yamashita ប្រជាជនជប៉ុនបានបរិច្ឆាគទូរស័ព្ទចាស់ៗប្រមាណ១៧គ្រឿងពីគ្រួសារគាត់ ។ គាត់មានភាពរីករាយក្នុងការយុទ្ធនាការនេះ ៕
ចែករំលែកព័តមាននេះ