បង្ក្រាបជនសង្ស័យចែកចាយគ្រឿងញៀ.ន២នាក់ នៅខេត្តស្វាយរៀង
ខេត្តស្វាយរៀង ៖ នៅថ្ងៃទី១៧ កុម្ភៈ ២០១៧ វេលាម៉ោង១រសៀលកម្លាំងជំនាញការិយាល័យប្រឆាំងគ្រឿងញៀ.នខេត្តស្វាយរៀង បានសហការជាមួយកម្លាំងនគរបាល
ខេត្តស្វាយរៀង ៖ នៅថ្ងៃទី១៧ កុម្ភៈ ២០១៧ វេលាម៉ោង១រសៀលកម្លាំងជំនាញការិយាល័យប្រឆាំងគ្រឿងញៀ.នខេត្តស្វាយរៀង បានសហការជាមួយកម្លាំងនគរបាល
ខេត្តស្វាយរៀង ៖ នៅថ្ងៃទី១៧ កុម្ភៈ ២០១៧ វេលាម៉ោង១រសៀលកម្លាំងជំនាញការិយាល័យប្រឆាំងគ្រឿងញៀនខេត្តស្វាយរៀង បានសហការជាមួយកម្លាំងនគរបាលមូលដ្ឋាន ចុះបង្ក្រាបបទល្មើសចែកចាយនិងប្រើប្រាស់គ្រឿងញៀនបាន១ករណី ស្ថិតនៅចំណុចភូមិព្រៃតាញ៉យ ឃុំខ្សែត្រ ស្រុកកំពង់រោទ៏ ដោយឃាត់ខ្លួនជនសង្ស័យបានចំនួន២នាក់ និងដកហូតបានគ្រឿងញៀន០១កញ្ចប់ធំ រួមនិងសម្ភារប្រើប្រាស់គ្រឿងញៀនមួយចំនួនទៀត ។
បើតាមសមត្ថកិច្ចបានឲ្យដឹងថា ជនសង្ស័យទី១ មានឈ្មោះ ជុំ រិទ្ធី (ហៅកាម) ភេទប្រុស អាយុ២៤ឆ្នាំ រស់នៅភូមិព្រៃតាញ៉យ ឃុំខ្សែត្រ ស្រុកកំពង់រោទ៏ និងទី២ មានឈ្មោះ រស់ ម៉ាប់ ភេទប្រុស អាយុ២៤ឆ្នាំ រស់នៅភូមិជ្រៃធំ សង្កាត់និងក្រុងបាវិត ។ សម្ភារដែលដកហូតបាន រួមមានសារធាតុញៀនប្រភេទម្សៅពណ៌ស(ម៉ាទឹកកក) ០១កញ្ចប់ធំ ម៉ូតូជិះធ្វើសកម្មភាពចំនួន២គ្រឿង និងសម្ភារសម្រាប់ប្រើប្រាស់គ្រឿងញៀនមួយចំនួនទៀត ។
បច្ចុប្បន្នសមត្ថកិច្ចបានកសាងសំណុំរឿងបញ្ជូនជនសង្ស័យទាំង២ រួមនិងវត្ថុតាងមានគ្រឿងញៀន និងម៉ូតូ មកស្នងការដ្ឋាននគរបាលខេត្ត ដើម្បីចាត់ការបន្តទៅតាមនីតិវិធី៕
ចែករំលែកព័តមាននេះ