ឆេះផ្ទះកណ្តាលអធ្រាត្រ លោកយាយអាយុ96ឆ្នាំ ស្លា.ប់ក្នុងអណ្តាតភ្លើង
ខេត្តក្រចេះ ៖ ដូនចាស់ជរាម្នាក់បានស្លា.ប់យ៉ាងអាណោចអាធ័មក្នុងអណ្តាតភ្លើង ខណៈមានគ្រោះអគ្គិភ័យលំនៅឋានមួយខ្នងធ្វើអំពីឈើប្រក់ស្បូវ កាលពីវេលាជិត
ខេត្តក្រចេះ ៖ ដូនចាស់ជរាម្នាក់បានស្លា.ប់យ៉ាងអាណោចអាធ័មក្នុងអណ្តាតភ្លើង ខណៈមានគ្រោះអគ្គិភ័យលំនៅឋានមួយខ្នងធ្វើអំពីឈើប្រក់ស្បូវ កាលពីវេលាជិត
ខេត្តក្រចេះ ៖ ដូនចាស់ជរាម្នាក់បានស្លាប់យ៉ាងអាណោចអាធ័មក្នុងអណ្តាតភ្លើង ខណៈមានគ្រោះអគ្គិភ័យលំនៅឋានមួយខ្នងធ្វើអំពីឈើប្រក់ស្បូវ កាលពីវេលាជិតពាក់កណ្តាលអធ្រាត្រថ្ងៃទី១៦ ខែកុម្ភៈ នៅឃុំអូរគ្រៀង ស្រុកសំបូរ ។
គ្រោះអគ្គិភ័យដ៏សាហាវនេះ ត្រូវបានម្ចាស់ផ្ទះកំណត់ថាបណ្តាលមកពីទុស្សេចរន្តក្បាលអាគុយ ហើយលោកយាយដែលស្លាប់ឈ្មោះ យិន ចាន់ អាយុ៩៦ឆ្នាំ ព្រោះគាត់រត់ចេញមិនរួច ។
បើតាមពីបុរសជាម្ចាស់ផ្ទះនិងជាចៅឈ្មោះឈា ណោម អាយុ៥៥ឆ្នាំ ប្រាប់នគរបាលថា នៅយប់ថ្ងៃកើតហេតុនោះ ខណៈរូបគាត់និងប្រពន្ធព្រមទាំងកូនម្នាក់ កំពុងដេកលង់លក់នៅលើផ្ទះ ស្រាប់តែមានភ្លើងឆេះសន្ធោសន្ធៅឡើងធ្វើឲ្យពួកគាត់រត់ចេញសឹងមិនទាន់ ។ ភ្លាមៗ នៅពេលអណ្តាតភ្លើងកំពុងឆាប ឆេះជាមួយនឹងសន្ធឹកខ្យល់់យ៉ាងខ្លាំងផង ពួកគាត់ប្តីប្រពន្ធបានស្រវាយកកូនតូចម្នាក់ងើបរត់ចេញពីផ្ទះ ។ ជាមួយនេះ ក៏បានចូលទៅចាប់អូសលោកយាយចុះពីលើផ្ទះដែរតែអូសចុះមិនទាន់ ព្រោះភ្លើងឆេះខ្លាំងពេកទៅហើយទើបបណ្តាលលោកយាយត្រូវស្លាប់ក្នុងអណ្តាភ្លើងតែម្តង ។ រីឯពួកគាត់ទាំងពីរនាក់ប្តីប្រពន្ធ ត្រូវភ្លើងឆេះសក់ក្បាលតែមិនធ្ងន់ធ្ងរទេ ។
នាយប៉ុស្តិ៍នគរបាលរដ្ឋបាលអូរគ្រៀងលោក អនុសេនីយ៍ទោ តូច ស៊ីថា បានឲ្យដឹងថា លំនៅឋានដែលរងការឆេះរហូតបណ្តាលឲ្យមានមនុស្សស្លាប់នេះ មានទំហំ៥ម៉ែត្រគុណនឹង៦ម៉ែត្រ សង់នៅដាច់ស្រយាលពីគេ ។
នេះជាករណីគ្រោះអគ្គិភ័យលើកទីមួយហើយដែលបានឆក់យកជីវិតមនុស្ស ខណៈករណីគ្រោះអគ្គិភ័យក្នុងអំឡុងរយៈពេលប៉ុន្មានថ្ងៃជាប់ៗគ្នានេះបានកើតឡើងជាញឹកញាប់ និងបង្កមហន្តរាយដូចជាសម្ភារប្រើប្រាស់ព្រមទាំងលំនៅឋានអស់ច្រើនខ្នង តែមិនបានបង្កឲ្យមានមនុស្សស្លាប់ក្នុងអណ្តាតភ្លើងយ៉ាងអាណោចអាធ័មដូចលើកនេះទេ ៕
ចែករំលែកព័តមាននេះ