ប្រមុខរាជរដ្ឋាភិបាលឱ្យធនាគារអេស៊ីលីដាប្តូររូបហង្ស
រាជធានីភ្នំពេញ ៖ តាមសេចក្តីប្រកាសព័ត៌មានស្តីពីលទ្ធផលនៃសម័យប្រជុំពេញអង្គគណៈរដ្ឋមន្ត្រី ថ្ងៃទី១៧ ខែកុម្ភៈ មានខ្លឹមសារថា នៅវិមានសន្តិភាពមានបើកកិច្ចប្រជុំ
រាជធានីភ្នំពេញ ៖ តាមសេចក្តីប្រកាសព័ត៌មានស្តីពីលទ្ធផលនៃសម័យប្រជុំពេញអង្គគណៈរដ្ឋមន្ត្រី ថ្ងៃទី១៧ ខែកុម្ភៈ មានខ្លឹមសារថា នៅវិមានសន្តិភាពមានបើកកិច្ចប្រជុំ
រាជធានីភ្នំពេញ ៖ តាមសេចក្តីប្រកាសព័ត៌មានស្តីពីលទ្ធផលនៃសម័យប្រជុំពេញអង្គគណៈរដ្ឋមន្ត្រី ថ្ងៃទី១៧ ខែកុម្ភៈ មានខ្លឹមសារថា នៅវិមានសន្តិភាពមានបើកកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់បំផុតសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងអាណត្តិទី៥ដើម្បីឆ្លង ៖
១-គម្រោងវិនិយោគខ្សែបញ្ជូនអគ្គិសនី២៣០គីឡូវ៉ុល ពីស្ថានីយវារីអគ្គិសនីស្ទឹងតាតៃមកភ្នំពេញ និងគម្រោងវិនិយោគបន្ថែមម៉ាស៊ីនផលិតអគ្គិសនីដុតធ្យូងថ្មអានុភាព១៣៥មេហ្គាវ៉ាត់ ខេត្តព្រះសីហនុ ។
២-បញ្ហាផ្សេងៗ ៖ សំណើរសុំការយល់ព្រមពីគណៈរដ្ឋមន្ត្រី ដើម្បីសុំសច្ចាប័នពីស្ថាប័ននីតិប្បញ្ញត្តិលើ ៖ «ពិធីសារទី៣ដើម្បីធ្វើវិសោធនកម្មកិច្ចព្រមព្រៀងពាណិជ្ជកម្មទំនិញនៅក្រោមកិច្ចព្រមព្រៀងក្របខ័ណ្ឌស្តីពីកិច្ចសហប្រតិបត្តិការសេដ្ឋកិច្ចទូលំទូលាយ ក្នុងចំណោមរដ្ឋាភិបាលនៃប្រទេសសមាជិកសមាគមប្រជាជាតិអាស៊ីអាគ្នេយ៍ និងសាធារណរដ្ឋកូរ៉េ» ។
ក្រោយពីបានស្តាប់របាយការណ៍ និងមតិពិភាក្សាផ្លាស់ប្តូរយោបល់រួចមក អង្គប្រជុំពេញអង្គគណៈរដ្ឋមន្ត្រីបានសម្រេចអនុម័ត ៖
១-គម្រោងវិនិយោគខ្សែបញ្ជូនអគ្គិសនី២៣០គីឡូវ៉ុល ពីស្ថានីយវារីអគ្គិសនីស្ទឹងតាតៃមកភ្នំពេញ និងគម្រោងវិនិយោគបន្ថែមម៉ាស៊ីនផលិតអគ្គិសនីដុតធ្យូងថ្មអានុភាព១៣៥មេហ្គាវ៉ាត់ ខេត្តព្រះសីហនុ ។
ក្នុងគោលដៅនៃការអភិវឌ្ឍប្រព័ន្ធផ្គត់ផ្គង់អគ្គិសនីរបស់រាជរដ្ឋាភិបាលនៃព្រះរាជាណាចក្រកម្ពុជា គឺជាការសាងសង់បណ្តាញជាតិមួយដែលមានខ្សែបណ្តាញបញ្ជូនអគ្គិសនីធំៗ និងអនុស្ថានីយតភ្ជាប់គ្នាជាមួយនឹងការសាងសង់ប្រភពអគ្គិសនីតភ្ជាប់គ្នាជាមួយនឹងការសាងសង់ប្រភពអគ្គិសនីបន្ថែមជាបន្តបន្ទាប់ ដើម្បីផ្តល់ប្រភពអគ្គិសនីឱ្យបានគ្រប់គ្រាន់ និងទាន់តាមកំណើននៃសេចក្តីត្រូវការប្រើប្រាស់និងការសាងសង់បណ្តាញរង និងចែកចាយអគ្គិសនីនៅតាមតំបន់នានាទូទាំងប្រទេសដើម្បីបញ្ជូន និងចែកចាយប្រភពអគ្គិសនីដែលបានសាងសង់ទៅផ្គត់ផ្គង់ឱ្យអ្នកប្រើប្រាស់អគ្គិសនីនៅទូទាំងប្រទេសកម្ពុជា ។
ក្រោមការដឹកនាំដ៏ឈ្លាសវៃរបស់រាជរដ្ឋាភិបាលដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី វិស័យអគ្គិសនីរបស់ព្រះរាជាណាចក្រកម្ពុជាត្រូវបានអភិវឌ្ឍរីកចម្រើនទៅមុខយ៉ាងលឿន ទាំងប្រភពអគ្គិសនី អនុស្ថានីយ ទាំងបណ្តាញបញ្ជូនរង បណ្តាញចែកចាយ និងទាំងការភ្ជាប់ចរន្តជូនដល់លំនៅឋានរស់នៅរបស់ប្រជាពលរដ្ឋទាំងនៅទីក្រុង ទីប្រជុំជន និងទីជនបទ ។
គម្រោងសាងសង់ខ្សែបណ្តាញបញ្ជូនអគ្គិសនី២៣០គីឡូវ៉ុល ភ្ជាប់ពីស្ថានីយស្ទឹងតាតៃមកអនុស្ថានីយបែកចានភ្នំពេញនេះ មិនត្រឹមតែជាការតភ្ជាប់បណ្តាញពីវារីអគ្គិសនីស្ទឹងតាតៃមកកាន់អនុស្ថានីយនៅភ្នំពេញប៉ុណ្ណោះទេ តែគឺជាអភិវឌ្ឍមួយដែលភ្ជាប់ប្រព័ន្ធបណ្តាញបញ្ជូនអគ្គិសនីភាគខាងនិរតីកម្ពុជា ឲ្យក្លាយជាប្រព័ន្ធបណ្តាញកងជាមួយភ្នំពេញ ដើម្បីបង្កើននូវស្ថិរភាព ភាពរឹងមាំ និងសមត្ថភាពក្នុងការបញ្ជូនប្រភពអគ្គិសនីពីស្ថានីយវារីអគ្គិសនីដែលមានទីតាំងនៅក្នុងតំបន់ត្រីកោណកំពង់ស្ពឺ កោះកុង និងពោធិ៍សាត់ និងបង្កើននូវស្ថិរភាព និងលំនឹងនៃការផ្គត់ផ្គង់អគ្គិសនីនៅរាជធានីភ្នំពេញផងដែរ ។
ការវិនិយោគគម្រោងនេះ ធ្វើឡើងតាមរូបភាពគម្រោងវិនិយោគគឺ សាងសង់ ដំណើរការ ផ្ទេរ (BOT) ដែលមានទំហំទុនវិនិយោគសរុប១៣៦,៦៩លានដុល្លារអាមេរិក និងមានរយៈពេលសម្បទាន២៨ឆ្នាំ ក្នុងនោះ៣ឆ្នាំសម្រាប់ធ្វើការសាងសង់ និង២៥ឆ្នាំសម្រាប់ធ្វើអាជីវកម្ម ។
ម្យ៉ាងវិញទៀត សម្រាប់គម្រោងវិនិយោគបន្ថែមម៉ាស៊ីនផលិតអគ្គិសនីដុតធ្យូងថ្មនេះ គឺធ្វើឡើងតាមរូបភាពវិនិយោគគឺ សាងសង់ ធ្វើម្ចាស់អាជីវកម្ម(BOO) ដែលមានទំហំទុនវិនិយោគសរុប២៥៩,៩លានដុល្លារអាមេរិក ។
២-បញ្ហាផ្សេងៗ ៖ អង្គប្រជុំពេញអង្គគណៈរដ្ឋមន្ត្រីបានអនុម័តបញ្ជូន «ពិធីសារទី៣ដើម្បីធ្វើវិសោធនកម្មកិច្ចព្រមព្រៀងពាណិជ្ជកម្មទំនិញនៅក្រោមកិច្ចព្រមព្រៀងក្របខ័ណ្ឌស្តីពីកិច្ចសហប្រតិបត្តិការសេដ្ឋកិច្ចទូលំទូលាយ ក្នុងចំណោមរដ្ឋាភិបាលនៃប្រទេសសមាជិកសមាគមប្រជាជាតិអាស៊ីអាគ្នេយ៍ និងសាធារណរដ្ឋកូរ៉េ» ទៅសុំសច្ចាប័នពីស្ថាប័ននីតិប្បញ្ញត្តិ ។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានណែនាំ ៖
១-ក្រសួងសេដ្ឋកិច្ចនិងហិរញ្ញវត្ថុ ធនាគារជាតិ និងស្ថាប័នពាក់ព័ន្ធ ត្រូវចេញវិធានការណែនាំដ៏ម៉ឺងម៉ាត់ និងជាបន្ទាន់ ឱ្យធនាគារឯកជន និងគ្រឹះស្ថានមីក្រូហិរញ្ញវត្ថុ ជាពិសេសប្រព័ន្ធផ្សព្វផ្សាយ និងបណ្តាញទូរគមនាគមន៍ទាំងអស់ ដើម្បីពន្យល់ប្រជាពលរដ្ឋឱ្យបានដឹងច្បាស់ថា«ធនាគារឯកជន មីក្រូហិរញ្ញវត្ថុ គឺជាគ្រឹះស្ថានហិរញ្ញវត្ថុរបស់ឯកជនមួយរយភាគរយ ហើយមិនមែនជារបស់រដ្ឋ» ឡើយ ។
២-សម្តេចតេជោនាយករដ្ឋមន្ត្រី ក៏បានដាក់បទបញ្ជាយ៉ាងម៉ឺងម៉ាត់ជាទីបំផុតដល់អាជ្ញាធរថ្នាក់ក្រោមជាតិរួមមាន៖ អាជ្ញាធររាជធានី ខេត្ត ក្រុង ខណ្ឌ ស្រុក ឃុំ សង្កាត់ និងភូមិ ទាំងស៊ីវិល នគរបាល និងកងរាជអាវុធហត្ថ ត្រូវបញ្ឈប់និងដកខ្លួនជាបន្ទាន់ ពីការចូលរួមធ្វើសកម្មភាពណាមួយជាមួយគ្រឹះស្ថានមីក្រូហិរញ្ញវត្ថុឯកជន ដែលនាំឱ្យប្រជាពលរដ្ឋមានការយល់ច្រឡំថាជារបស់រដ្ឋដែលការពិតគឺជារបស់ឯកជនសុទ្ធសាធ ។
៣-ក្រសួងពាណិជ្ជកម្ម ត្រូវធ្វើការជាបន្ទាន់ជាមួយធនាគារអេស៊ីលីដា ដែលបាននិងកំពុងប្រើរូបសញ្ញា «ហង្ស» ជានិមិត្តសញ្ញាពាណិជ្ជកម្មរបស់ខ្លួនឱ្យធ្វើការផ្លាស់ប្តូររូបសញ្ញាហង្សនេះជាបន្ទាន់ ក្នុងរយៈពេល៣សប្តាហ៍យ៉ាងយូរ ពីព្រោះ«រូបហង្ស» គឺជារូបសញ្ញារបស់ជាតិ ដែលក្រសួងសេដ្ឋកិច្ច និងហិរញ្ញវត្ថុ បាននិងកំពុងប្រើប្រាស់ ចៀសវាងការយល់ច្រឡំរបស់ប្រជាពលរដ្ឋ ។
ទន្ទឹមនឹងការផ្តាំផ្ញើសួរសុខទុក្ខកងកម្លាំងប្រដាប់អាវុធគ្រប់ប្រភេទ ដែលកំពុងឈរជើងតាមបណ្តោយព្រំដែន សម្តេចតេជោនាយករដ្ឋមន្ត្រី ក៏បានក្រើនរំឭកផងដែរឱ្យយកចិត្តទុកដាក់ថែទាំសុខភាពក្នុងពេលដែលអាកាសធាតុកំពុងចុះត្រជាក់នេះ ៕
ចែករំលែកព័តមាននេះ