វេទនាខ្លាំងណាស់ ! ត្រូវភ្លើងឆេះខ្លោចរហូតដល់ស្លា.ប់
ខេត្តក្រចេះ ៖ លោកយាយជរាម្នាក់ត្រូវបានភ្លើងឆេះរហូតស្លា.ប់ក្នុងអណ្ដាតភ្លើងយ៉ាងអាណោចអាធ័មកាលពីយប់ពាក់កណ្ដាលអាធ្រាត្រ ថ្ងៃទី១៦ ខែកុម្ភៈ ឆ្នាំ២០១៧ …
ខេត្តក្រចេះ ៖ លោកយាយជរាម្នាក់ត្រូវបានភ្លើងឆេះរហូតស្លា.ប់ក្នុងអណ្ដាតភ្លើងយ៉ាងអាណោចអាធ័មកាលពីយប់ពាក់កណ្ដាលអាធ្រាត្រ ថ្ងៃទី១៦ ខែកុម្ភៈ ឆ្នាំ២០១៧ …
ខេត្តក្រចេះ ៖ លោកយាយជរាម្នាក់ត្រូវបានភ្លើងឆេះរហូតស្លាប់ក្នុងអណ្ដាតភ្លើងយ៉ាងអាណោចអាធ័មកាលពីយប់ពាក់កណ្ដាលអាធ្រាត្រ ថ្ងៃទី១៦ ខែកុម្ភៈ ឆ្នាំ២០១៧ នៅឃុំអូរគ្រៀង ស្រុកសំបូរ ខេត្តក្រចេះ ។
លោកយាយរងគ្រោះឈ្មោះ យិន ចាន់ អាយុ៩៦ឆ្នាំ បានស្លាប់ក្នុងអណ្តាតភ្លើងយ៉ាងអនោចអធម ព្រោះតែរត់ចេញមិនរួច ។
បើតាមការឲ្យដឹងពីបុរសជាម្ចាស់ផ្ទះឈ្មោះ ឈា ណោម អាយុ៥៥ឆ្នាំ បានប្រាប់សមត្ថកិច្ចឲ្យដឹងថា កាលពីយប់ថ្ងៃកើតហេតុ ខណៈគាត់ និងប្រពន្ធ ព្រមទាំងកូនម្នាក់ កំពុងដេកលង់លក់នៅលើផ្ទះ ស្រាប់តែភ្លើងបានឆេះសន្ធោសន្ធៅឡើង ធ្វើឲ្យពួកគាតរត់ចេញសឹងមិនទាន់ ។ គ្រោះអគ្គិភ័យនេះក៏ត្រូវបានជនរងគ្រោះជាម្ចាស់ផ្ទះសន្និដ្ឋានថា បណ្តាលមកពីទុស្សេក្បាលអាគុយទើបបង្កឲ្យមានការឆាបឆេះបែបនេះ ។
បុរសរងគ្រោះជាម្ចាស់ផ្ទះបានឲ្យដឹងទៀតថា នៅពេលអណ្តាតភ្លើងកំពុងឆាបឆេះ ដោយមានខ្យល់បក់បោកយ៉ាងខ្លាំងផងនោះ គាត់ និងប្រពន្ធ បានស្រវេស្រវាយកកូនតូចម្នាក់ងើបរត់ចេញពីផ្ទះ តែទោះជាយ៉ាងណាដោយសារអណ្តាតភ្លើងឆាបឆេះខ្លាំងពេក ពួកគាត់មិនអាចចូលទៅជីដូនចាស់ជរាបានឡើយ ទើបគាត់ត្រូវស្លាប់ក្នុងអណ្តាតភ្លើងយ៉ាងអាណោចអាធ័មបែបនេះ ។ ជាមួយគ្នានោះដែរទាំង២នាក់ប្តីប្រពន្ឋក៏ត្រូវភ្លើងឆេះសក់ក្បាលដែរ តែមិនរងគ្រោះធ្ងន់ធ្ងរ ។
លោកអនុសេនីយ៍ទោ តូច ស៊ីថា នាយប៉ុស្តិ៍នគរបាលរដ្ឋបាលអូរគ្រៀង បានឲ្យដឹងថា លំនៅឋានដែលរងការឆាបឆេះរហូតបង្កឲ្យមានមនុស្សស្លាប់នេះមានទំហំ៥ម៉ែត្រគុណ៦ម៉ែត្រ ធ្វើអំពីឈើ ប្រក់ស្បូវ និងសង់នៅដាច់ស្រយាលពីឃុំ ។ ក្នុងហេតុការណ៍នោះ ក្រៅពីលំនៅមួយខ្នងត្រូវភ្លើងឆេះអស់ហើយនោះ និងមានមនុស្សស្លាប់ក្នុងអណ្តាតភ្លើងទៀតផង ហើយក៏ឆេះអស់សម្ភារៈប្រើប្រាស់មួយចំនួន ដូចជាម៉ាស៊ីនត្រង់ស៊ីន័រជាដើម ។
នេះជាករណីគ្រោះអគ្គិភ័យលើកទីមួយហើយដែលបានឆក់យកជីវិតមនុស្ស ខណៈករណីគ្រោះអគ្គិភ័យក្នុងអំឡុងរយៈពេលប៉ុន្មានថ្ងៃជាប់ៗគ្នានេះត្រូវបានកើតឡើងជាញឹកញាប់ និងបង្កមហន្តរាយខាតបង់ ដូចជាសម្ភារប្រើប្រាស់ ព្រមទាំងលំនៅឋានអស់រាប់សិបខ្នង ៕
ចែករំលែកព័តមាននេះ