ការឆ្លងមេរោគនៅត្រចៀកអាចកើតមានឡើងនៅតំបន់ទាំងបីនៃត្រចៀក គឺត្រចៀកខាងក្រៅ កណ្តាល និងខាងក្នុង ។ វាជាការចាំបាច់ក្នុងការព្យាបាលការឆ្លងមេរោគនៅត្រចៀកដើម្បីការពារផលវិបាកធ្ងន់ចំពោះក្រដាសត្រចៀក ។
សូមអានអត្ថបទនេះដើម្បីដឹងពីឱសថធម្មជាតិល្អបំផុតក្នុងការព្យាបាលការឈឺត្រចៀក ។
១-ប្រេងអូលីវ៖ ប្រេងអូលីវមានតួនាទីជួយរំអិល និងបញ្ឈប់ការហ៊ឹងក្នុងត្រចៀក ។ ប្រេងអូលីវក៏ជួយព្យាបាលការឆ្លងមេរោគនៅត្រចៀកផងដែរ ។ បន្តក់ប្រេងអូលីវ២ទៅ៣ តំណក់ចូលទៅក្នុងត្រចៀករហូតដល់លែងមានការឈឺចាប់។
២-ខ្ទឹមស៖ ខ្ទឹមសគឺជាថ្នាំផ្សះ និងថ្នាំបំបាត់ការឈឺចាប់ដែលអាចជួយកាត់បន្ថយទាំងការឈឺចាប់ និងការឆ្លងមេរោគ ។ កិនខ្ទឹមសពីរបីកំពឹស និងបន្ថែមប្រេងល្ងពីរស្លាបព្រាចូល។ កម្តៅវា និងត្រងយកទឹក ហើយអ្នកអាចបន្តក់ប្រេងនេះ ២ទៅ៣តំណក់ចូលទៅក្នុងត្រចៀក ។
៣-ខ្ញី៖ ខ្ញីមិនត្រឹមតែជាថ្នាំបំបាត់ការឈឺចាប់ប៉ុណ្ណោះទេ ប៉ុន្តែវាថែមទាំងជួយបំបាត់ការរលាក។ អ្នកអាចបន្តក់ទឹកខ្ញីពីរបីតំណក់ចូលទៅក្នុងត្រចៀកដើម្បីព្យាបាលការឆ្លងមេរោគនេះ។
៤-ជីរ៖ ជីរជួយសម្លាប់បាក់តេរី និងបំបាត់ការរលាក។ បុកស្លឹកជីរពីរបីសន្លឹក និងពូតយកទឹករបស់វា។ បន្តក់ទឹកជីរនេះពីរតំណក់ចូលទៅក្នុងត្រចៀករបស់អ្នក ។ វាគឺជាឱសថបុរាណមួយប្រភេទដែលគេប្រើច្រើនបំផុតសម្រាប់ការឆ្លងមេរោគនៅត្រចៀក ។
៥-ទឹកខ្មេះផ្លែប៉ោម៖ បន្តក់ទឹកខ្មេះនេះពីរបីតំណក់ចូលទៅក្នុងត្រចៀក និងទុកវាចោលពីរបីនាទី ។ ធ្វើដូចនេះពីរដងក្នុងមួយថ្ងៃ ។ វាគឺជាឱសថធម្មជាតិដែលល្អបំផុតសម្រាប់ការឆ្លងមេរោគនៅត្រចៀក ៕
ចែករំលែកព័តមាននេះ