ស្ត្រីមេខ្លោងដែលបានដឹកនាំប្ល្ន់អ្នកលក់មាស
ខេត្តកំពង់ចាម ៖ រសៀលថ្ងៃទី១៥ កុម្ភៈ ស្ត្រីមេខ្លោងដែលជាអ្នករៀបចំផែនការប្លន់អាជីវករលក់មាសក្បែរផ្សារធំ ក្រុងកំពង់ចាម ត្រូវបានបញ្ជូនទៅកាន់សាលាដំបូងខេត្
ខេត្តកំពង់ចាម ៖ រសៀលថ្ងៃទី១៥ កុម្ភៈ ស្ត្រីមេខ្លោងដែលជាអ្នករៀបចំផែនការប្លន់អាជីវករលក់មាសក្បែរផ្សារធំ ក្រុងកំពង់ចាម ត្រូវបានបញ្ជូនទៅកាន់សាលាដំបូងខេត្
ខេត្តកំពង់ចាម ៖ រសៀលថ្ងៃទី១៥ កុម្ភៈ ស្ត្រីមេខ្លោងដែលជាអ្នករៀបចំផែនការប្លន់អាជីវករលក់មាសក្បែរផ្សារធំ ក្រុងកំពង់ចាម ត្រូវបានបញ្ជូនទៅកាន់សាលាដំបូងខេត្ត បន្ទាប់ពីទទួលបានលទ្ធផលនៃកិច្ចសហការល្អពីកម្លាំងសមត្ថកិច្ចគ្រប់ស្ថាប័ន ពិសេសក្រោមបញ្ជាផ្ទាល់ពីនាយឧត្តមសេនីយ៍ នេត សាវឿន អគ្គស្នងការនគរបាលជាតិ ។
ប្រតិបត្តិកការដ៏ក្តៅគគុកនេះបានតាមចាប់ក្រុមចោរប្លន់កើនដល់៤នាក់ហើយ និងបន្តតាមប្រមាញ់៤នាក់ទៀតដែលកំពុងរត់គេចខ្លួន ។
លោកឧត្តមសេនីយ៍ត្រី ហេង វុទ្ធី ស្នងការរងនគរបាលខេត្តទទួលផែនកណ្តាលព្រហ្មទណ្ឌ បានឲ្យដឹងថា ដោយសារតែមានការយកចិត្តទុកដាក់ពីសំណាក់លោកឧត្តមសេនីយ៍ត្រី ឯម កុសល ស្នងការនគរបាលខេត្តនោះក៏បានជំរុញឲ្យរូបលោកបានដឹកនាំកម្លាំងចុះសហការជាមួយនឹងស្ថាប័នពាក់ព័ន្ធបានបើកយុទ្ធការដ៏ក្តៅគគុក មិនបន្ធូរដៃនោះទេ គឺតាមប្រមាញ់ចោរប្លន់ប្រដាប់អាវុធចំនួន៨នាក់ដែលបានធ្វើសកម្មភាពប្លន់អាជីវករលក់មាស កាលពីព្រឹកថ្ងៃទី៥ កុម្ភៈ កន្លងទៅ ហើយនាំគ្នារត់គេចខ្លួនតាមមធ្យោបាយម៉ូតូ និងរថយន្តឡិចស៊ីសចំនួន២គ្រឿង ។
លោកឧត្តមសេនីយ៍ត្រី ហេង វុទ្ធី ស្នងការរងនគរបាលខេត្តប្រាប់បន្តថា រហូតមកដល់ថ្ងៃទី១០ កុម្ភៈ នោះ កម្លាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃ ចាប់បានចោរប្លន់ចំនួន៣នាក់ក្នុងក្រុងសៀមរាបក្នុងនោះមាន ៖ ១-ឈ្មោះ សុខ ស៊ីនួន ភេទប្រុស អាយុ៥៧ឆ្នាំ នៅភូមិនាងគង្ហីង សង្កាត់សំបួរមាស ក្រុងកំពង់ចាម ២-ឈ្មោះ ស្រី សំអឿន ភេទប្រុស អាយុ៤៧ឆ្នាំ នៅខណ្ឌទួលគក រាជធានីភ្នំពេញ ៣-ឈ្មោះ ពៅ សំអឿន ភេទប្រុស អាយុ៣៥ឆ្នាំ នៅខណ្ឌព្រែកព្នៅ រាជធានីភ្នំពេញ ដោយបានដកហូតរថយន្តឡិចស៊ីស RX 300 ចំនួន២គ្រឿង ក្នុងនោះមានពណ៌ស១គ្រឿង និងពណ៌ខ្មៅ១គ្រឿង ហើយត្រូវបានបញ្ជូនមកសាលាដំបូងខេត្តនារសៀលថ្ងៃទី១៤ កុម្ភៈ ២០១៧ ។
ដោយសារតែមានការបញ្ជាផ្ទាល់ពីអគ្គស្នងការនគរបាលជាតិ នៅល្ងាចថ្ងៃទី១៤ កុម្ភៈ កម្លាំងនគរបាលនាយកដ្ឋានព្រហ្មទណ្ឌ បានចាប់មេខ្លោងស្រីម្នាក់ទៀតឈ្មោះ សុខ វណ្ណនី ហៅភិន អាយុ៤៧ឆ្នាំ ខណៈពេលស្នាក់នៅផ្ទះមួយនៅសង្កាត់ព្រែកព្នៅ រាជធានីភ្នំពេញ លុះមកដល់ព្រឹកថ្ងៃទី១៥ កុម្ភៈ ទើបត្រូវបានបញ្ជូនមកកាន់ស្នងការដ្ឋានគរបាលខេត្តកំពង់ចាម។
លោកស្នងការរងនគរបាលខេត្តបញ្ជាក់ថា មុនពេលធ្វើសកម្មភាពប្លន់អាជីវករលក់មាសឈ្មោះ សុខ លក្ខិណា ភេទស្រី អាយុ៤៨ឆ្នាំ នៅខាងលិចផ្សារធំក្រុងកំពង់ចាមនោះ គឺស្រី្តឈ្មោះ ភិន នេះហើយបានរៀបចំផែនការដោយបាននាំបក្សពួកចោរប្លន់មួយក្រុមមកដេកនៅខេត្តកំពង់ចាមមុន១យប់ ។ លុះមកដល់ព្រឹកថ្ងៃទី៥ កុម្ភៈ ក៏បានដឹកនាំបក្សពួកមកធ្វើសកម្មភាពប្លន់តែម្តង ហើយក៏បានគេចខ្លួនទៅកាន់រាជធានីភ្នំពេញ ក្នុងនោះបានយករបស់ទ្រព្យរបស់អ្នករងគ្រោះទៅបែងចែកគ្នា ខ្លះបាន៤.០០០ដុល្លារ និងខ្លះទៀតបាន៧០០០ដុល្លារ ។
ស្ត្រីមេចោរប្លន់ដ៏ក្លាហានឈ្មោះ ភិន នេះបានឆ្លើយសារភាពថា ចំពោះសកម្មភាពប្លន់ដែលបានដឹកនាំធ្វើនៅក្នុងក្រុងកំពង់ចាម គឺមានតែ១លើកនេះទេ ។ ចំណែកប្តីរបស់ស្ត្រីរូបនេះឈ្មោះ ពៅ សំអឿន ត្រូវបានសមត្ថកិច្ចចាប់នៅក្រុងសៀមរាបកន្លងមក ជាម្ចាស់រថយន្តឡិចស៊ីស ពណ៌ស ដែលជាមធ្យោបាយក្នុងអំពើប្លន់ប្រដាប់អាវុធខាងលើ ៕
ចែករំលែកព័តមាននេះ