នៅអីុរ៉ាក់ការវាយប្រហារអត្តឃាតបំផ្ទុះរថយន្តមួយកើតមានកាលពីថ្ងៃទី១៥ កុម្ភៈ នៅក្រុងបាដាដបណ្តាលឱ្យមនុស្សស្លាប់យ៉ាងតិច១៨នាក់ ។
ប្រភពព័ត៌មានប៉ូលិសនិយាយថា ជនអត្តឃាតបានធ្វើឱ្យរថយន្តផ្ទុកគ្រឿងផ្ទុះរបស់គេផ្ទុះក្នុងសង្កាត់មួយមានពួកស៊ីអីុតភាគច្រើននាភាគខាងជើងរដ្ឋធានីក្នុងតំបន់ HABIBIYA ជិតសង្កាត់សាដ្រស៊ីធី ។ ការវាយប្រហារនោះប្រកាសទទួលខុសត្រូវភ្លាមៗដោយក្រុមរដ្ឋអ៊ិស្លាម ។
កាលពីខែកក្កដាកន្លងមកនេះ ក្រុមរដ្ឋអ៊ិស្លាមបានធ្វើការវាយប្រហារភេរវកម្មជាច្រើននៅអីុរ៉ាក់បណ្តាលឱ្យមនុស្សស្លាប់យ៉ាងតិច២១៣នាក់និងរបួសប្រមាណ២០០នាក់ ។ មនុស្សដល់ជាង៧០០០នាក់ស្លាប់ក្នុងការវាយប្រហារភេរវកម្មនានានៅអីុរ៉ាក់ក្នុងឆ្នាំ២០១៦ ។
ក្នុងការវាយប្រហារថ្មីនោះជនអត្តឃាតធ្វើឱ្យផ្ទុះរថយន្តបឺសធុនតូចរបស់គេក្នុងតំបន់ពាណិជ្ជកម្ម HABIBIYA តំបន់លក់រថយន្តក្នុងសង្កាត់មានមនុស្សច្រើនកុះករសាដ្រស៊ីធី ។ ការផ្ទុះនាំឱ្យមានភ្លើងឆាបឆេះបំផ្លាញរថយន្តស៊ីវិលជាច្រើនគ្រឿង រួចហាងទំនិញនិងអគារទាំងឡាយរងការខូចខាត ៕
ចែករំលែកព័តមាននេះ