សមាជិកអង្គការការពារបរិស្ថានម្នាក់ត្រូវបានចាប់ខ្លួនពីបទកំហែងយកប្រាក់
ខេត្តក្រចេះ ៖ សមាជិកម្នាក់របស់ អង្គការការពារបរិស្ថាន ដែលឈរជើងនៅឃុំជ្រោយបន្ទាយ ស្រុកព្រែកប្រសព្វ ត្រូវបានឃាត់ខ្លួនពាក់ព័ន្ធនឹងបទកំហែងយកប្រាក់ …
ខេត្តក្រចេះ ៖ សមាជិកម្នាក់របស់ អង្គការការពារបរិស្ថាន ដែលឈរជើងនៅឃុំជ្រោយបន្ទាយ ស្រុកព្រែកប្រសព្វ ត្រូវបានឃាត់ខ្លួនពាក់ព័ន្ធនឹងបទកំហែងយកប្រាក់ …
ខេត្តក្រចេះ ៖ សមាជិកម្នាក់របស់ អង្គការការពារបរិស្ថាន ដែលឈរជើងនៅឃុំជ្រោយបន្ទាយ ស្រុកព្រែកប្រសព្វ ត្រូវបានឃាត់ខ្លួនពាក់ព័ន្ធនឹងបទកំហែងយកប្រាក់ពីពលរដ្ឋដែលដឹកឈើតាមគោយន្តមកធ្វើផ្ទះ ។
ជនជាប់ចោទឈ្មោះ វឿង ប៊ុនធឿន ភេទប្រុស អាយុ២៤ឆ្នាំ មានទីលំនៅឃុំជ្រោយបន្ទាយ ស្រុកព្រែកប្រសព្វ ត្រូវបានគណៈបញ្ជាការឯកភាពស្រុកព្រែកប្រសព្វ ឃាត់ខ្លួន កាលពីយប់ថ្ងៃទី១៥ ខែកុម្ភៈ ខណៈសមត្ថកិច្ច ចុះបោសសំអាតកុងត្រូលជជុះនៅតំបន់នោះ ។
ប្រភពពីសមត្ថកិច្ចបានឲ្យដឹងថា ការឃាត់ខ្លួនជនសង្ស័យជាសមាជិករបស់អង្គការ ការពារបរិស្ថាន ដែលមិនមានស្នាក់ការច្បាស់លាស់នោះ គឺធ្វើឡើងទៅតាមពាក្យបណ្តឹងរបស់ស្ត្រីជាពលរដ្ឋរស់នៅក្នុងឃុំជ្រោយបន្ទាយ ស្រុកព្រែកប្រសព្វ ដែលបានដឹកឈើតាមគោយន្តកន្ត្រៃ ហើយត្រូវជនជាប់ចោទម្នាក់នេះបង្ខំទារលុយចំនួន១ម៉ឺន៥ពាន់រៀល ។
ប្រភពពីសមត្ថកិច្ចបានឲ្យដឹងទៀតថា កន្លងមកពលរដ្ឋតែងតែបានលើកឡើង និងប្តឹងមកអាជ្ញាធរឲ្យជួយលុបបំបាត់ប៉ុស្តិ៍ត្រួតពិនិត្យអនាធិបតេយ្យ ឬកុងត្រូលជជុះ ដែលកំពុងតែបោះទីតាំងយ៉ាងច្រើនស្អេកស្កះ ពីមនុស្សជាច្រើននាក់ ដែលតាំងខ្លួនថា មានតួនាទី ឬបេសកម្មចុះមកបង្ក្រាប ទប់ស្កាត់បទល្មើសព្រៃឈើ តំបន់ឃុំជ្រោយបន្ទាយ ស្រុកព្រែកប្រសព្វ ។ សកម្មភាពការដាក់បណ្តុំកុងត្រូលជជុះពីក្រុមជនទាំងនោះបានបង្កឲ្យពលរដ្ឋមានការភ័យខ្លាចពីភាពអសន្តិសុខ និងរំខានការរស់នៅរបស់ពួកគាត់ ក៏ដូចជាបង្កភាពចលាចលក្នុងភូមិរៀងរាល់យប់ថ្ងៃ ជាមួយនឹងសកម្មភាពប្រដេញកាក់ទារលុយពីរទះដឹកឈើឆ្លងកាត់តាមផ្លូវលំនៅតំបន់ឃុំមួយនេះ ។
ជុំវិញការឃាត់ខ្លួនសមាជិកអង្គការរូបនេះ លោកវរសេនីយ៍ទោ ចាន់ សុផល្លា អធិការនគរបាលស្រុកព្រែកប្រសព្វ បានបញ្ជាក់ថា ជនជាប់ចោទត្រូវបាននាំខ្លួមមកអធិការដ្ឋានបន្ទាប់ពីឃាត់ខ្លួន ។ ហើយឆ្លងតាមការសាកសួររបស់មន្ត្រីជំនាញ ជននេះបានទទួលស្គាល់កំហុសថា រូបគេពិតជាបានបង្ខំទារលុយពីពលរដ្ឋដែលដឹកឈើមកធ្វើផ្ទះនោះមែន ៕
ចែករំលែកព័តមាននេះ