ខេត្តព្រះសីហនុ ៖ ព្រឹត្តិការណ៍ Tiger Street Football Festival 2017 បានវិលត្រឡប់មកកម្ពុជាថ្មីម្តងទៀតហើយ ក្នុងរដូវកាលទីប្រាំនេះ។ ការប្រកួតវគ្គជម្រុះតាមតំបន់បានចាប់បើកឆាកប្រកួតនៅឆ្នេរអូរឈើទាល
ខេត្តព្រះសីហនុ ៖ ព្រឹត្តិការណ៍ Tiger Street Football Festival 2017 បានវិលត្រឡប់មកកម្ពុជាថ្មីម្តងទៀតហើយ ក្នុងរដូវកាលទីប្រាំនេះ។ ការប្រកួតវគ្គជម្រុះតាមតំបន់បានចាប់បើកឆាកប្រកួតនៅឆ្នេរអូរឈើទាល ក្នុងខេត្តព្រះសីហនុ កាលពីថ្ងៃទី១១ – ១២ ខែកុម្ភៈ ដោយមានការចូលរួមពីក្រុមបាល់ទាត់ចំនួន50ក្រុម ដើម្បីប្រកួតដណ្តើមកៅអីសម្រាប់ចូលប្រកួតវគ្គផ្តាច់ព្រ័ត្រនៅរាជធានីភ្នំពេញ។
នេះគឺជាខេត្តទីមួយដែលស្រាបៀរ ថៃហ្គ័រ បានរៀបចំព្រឹត្តិការណ៍ Tiger Street Football Festival 2017 នេះ ដែលបានបញ្ចប់យ៉ាងជោគជ័យគួរឲ្យកត់សម្គាល់ ដោយមានការចូលរួមយ៉ាងច្រើនកុះករពីក្រុមបាល់ទាត់ជាច្រើនក្រុម ជាពិសេសភ្ញៀវជាតិ ភ្ញៀវអន្តរជាតិ ដែលបានចូលទស្សនាព្រឹត្តិការណ៍នេះយ៉ាងសប្បាយរីករាយ។ ក្រៅពីការទស្សនាការប្រកួតបាល់ទាត់ពីក្រុមនីមួយៗដែលសុទ្ធតែមានកីឡាករល្អៗដែលបានបង្ហាញពីសី្ទល និងបច្ចេកទេសលេងយ៉ាងស្ទាត់ជំនាញ និងឆាប់រហ័ស ដើម្បីស៊ុតបញ្ចូលទីយកឈ្នះគូប្រកួត ទស្សនិកជនទាំងក្នុងស្រុក ទាំងក្រៅស្រុក បានកម្សាន្តអារម្មណ៍ជាមួយនឹងសកម្មភាពសប្បាយរីករាយជាច្រើននៅលើទីលាន និងក្រៅទីលាន ដូចជាការសម្តែងក្បាច់រាំពីក្រុមនារីរាំដ៏ស្រស់ស្អាត លេងហ្គេមកម្សាន្ត និងដាក់តាំងលក់សម្ភារកីឡា មានលក់ជូនពិសេសសម្រាប់ការជាវផលិតផលស្រាបៀរថៃហ្គ័រ។ អ្វីដែលកាន់តែពិសេសនោះ គឺឆាកតន្ត្រីដ៏ធំសម្បើម និងឡូយអស្ចារ្យ រចនាជារាងកុងតែន័រ រំលេចជាមួយភ្លើង LED ពិតជាស្អាត និងប្លែកអស្ចារ្យ។ មានអ្នកទស្សនាជាច្រើនពាន់ចូលរួមកម្សាន្ត និងរីករាយជាមួយការប្រគំតន្ត្រីដ៏អស្ចារ្យរបស់ស្រាបៀរ ថៃហ្គ័រ ពីររាត្រីពេញដែលចូលរួមសំដែងដោយតារាចម្រៀងល្បីៗជួរមុខប្រចាំព្រះរាជាណាចក្រកម្ពុជាដូចជា ខេមរៈ សិរីមន្ត ឱក សុគន្ធកញ្ញា ពេជ្រ សោភា ឆន សុវណ្ណរាជ ដេវីត សួស វីហ្សា នីកូ ដែលបានធ្វើឲ្យកក្រើកដល់ក្រុងព្រះសីហនុពីរយប់ជាប់ៗគ្នា។
ការប្រកួតជម្រុះក្នុងកម្មវិធី Tiger Street Football Festival 2017 នឹងធ្វើឡើងនៅមណ្ឌលបន្ទាប់គឺ នៅខេត្តបាត់ដំបង ចាប់ពីថ្ងៃទី១៨ ដល់ថ្ងៃទី ១៩ ខែកុម្ភៈ នៅបរិវេណផ្សារទំនើបភូពុយ។
ចែករំលែកព័តមាននេះ