ខេត្តសៀមរាប ៖ សេចក្តីរាយការបឋមបានឱ្យដឹងថា សមត្ថកិច្ចកងរាជអាវុធហត្ថខេត្តដឹកនាំដោយលោកវរសេនីយ៍ទោ ថា ដាលុច ប្រធានមន្ទីរយុត្តិធម៌នៃកងរាជអាវុធហត្ថខេត្តចុះប្រតិបត្តិការបង្ក្រាបករណីល្បែងស៊ីសងខុសច្បាប់ដុះស្លែនៅទីតាំង២ផ្សេងគ្នាឃាត់ខ្លួនបានអ្នកលេងល្បែងស៊ីសងប្រុស-ស្រីចំនួន២២នាក់ ។
តាមសម្តីរបស់លោកវរសេនីយ៍ទោបានឱ្យដឹងទៀតថា ក្រុមអ្នកលេងល្បែងស៊ីសងប្រុស-ស្រី ដែលបានឃាត់ខ្លួនទាំង២២នាក់នោះមាន២ទីតាំង៖ ទីតាំងទី១-ឃាត់ខ្លួនបាន១៣នាក់ ជាអ្នកភ្នាល់ល្បែងស៊ីសង(បញ្ជល់មាន់) ដែលមានទីតាំងស្ថិតនៅក្នុងភូមិត្រៀក សង្កាត់សៀមរាប និងទីតាំងទី២-ឃាត់ខ្លួនបានប្រុស-ស្រីរួមទាំងម្ចាស់ផ្ទះដែលកំពុងលេងបៀរនោះមានចំនួនប្រហែល៩នាក់ ដែលមានទីតាំងស្ថិតនៅក្នុងផ្ទះ ភូមិបន្ទាយចាស់ សង្កាត់ស្លក្រាម ។
បច្ចុប្បន្នជនសង្ស័យប្រុស-ស្រីទាំង២២នាក់កំពុងស្ថិតនៅក្នុងការសួរនាំរបស់សមត្ថកិច្ចកងរាជអាវុធហត្ថខេត្តនៅឡើយ ៕
ចែករំលែកព័តមាននេះ