កាលពីឆ្នាំ២០១៣ នាងJane Park អាយុ១៧ឆ្នាំ ជនជាតិស្កុតលែន មានក្តីរំភើបនៅពេលដឹងថាខ្លួនជាអ្នកត្រូវរង្វាន់១,២២លានដុល្លារ ពីឆ្នោត«EuroMillions» ។ នារីនោះរស់នៅផ្ទះតូចមួយ មានក្តីសង្ឃឹមថានឹងមានភាពសំបូរសប្បាយជាងមុនដោយសារប្រាក់ដ៏ច្រើននោះ ។
នាងមិនយល់ស្របដូចម្តាយមីងដែលថា រង្វាន់ដែលឈ្នះនោះអាចបង្កគ្រោះថ្នាក់ដល់នាងទេ ។
បច្ចុប្បន្នJane Parkអាយុ២១ឆ្នាំ បានយល់ពីអត្ថន័យដែលម្តាយមីងធ្លាប់ប្រាប់ និងកំពុងចង់ដំណើរតាមផ្លូវច្បាប់ចំពោះក្រុមហ៊ុន«Camelot»ដែលចេញលទ្ធផលឆ្នោតEuroMillionsព្រោះយល់ថា បណ្តោយឱ្យក្មេងមិនគ្រប់អាយុឈ្នះរង្វាន់ធំ និងចាត់ទុកថាជាការប្រមាថមួយ ។
«Mirror»កាលពីថ្ងៃទី១២ កុម្ភៈ ២០១៧ ផ្សាយថានាងJane Parkបានចោទលាភសំណាងដ៏សន្ធឹកសន្ធាប់នោះថា បំផ្លិចបំផ្លាញជីវិតរបស់ខ្លួនទាំងស្រុង ។ នាងបង្ហើបឱ្យដឹងថា ប្រាក់ដែលបានមកធ្វើឱ្យនាងភ្លើតភ្លើន ទិញសម្លៀកបំពាក់កាបូប និងស្បែកជើង ទំនើបៗ ដោយចំណាយប្រាក់ដ៏សន្ធឹកសន្ធាប់នៅចុងសប្តាហ៍រហូតធ្វើឱ្យជួបផលពិបាកក្នុងការរកគូស្រករ និងត្រូវប្រឈមមុខនឹងស្ថានភាពរស់នៅប្រចាំថ្ងៃច្រើនទៀត ។
បណ្តឹងរបស់នាងJane Parkនៅមិនទាន់ប្រាកដថាធ្វើឡើងនៅពេលណាទេ ។ ចំណែកអ្នកនាំពាក្យរបស់ក្រុមហ៊ុននិយាយថា ការកំណត់អាយុទៅលើអ្នកឈ្នះរង្វាន់នោះ ជាតួនាទីរបស់រដ្ឋសភាមិនមែនក្រុមហ៊ុនទេ ៕
ចែករំលែកព័តមាននេះ