ហៃឡើងចឹង ! ឆេះគំនរឈើ សង្ស័យរឿងមិនឱ្យបេះផ្លែឈូក
រាជធានីភ្នំពេញ ៖ អណ្ដាតភ្លើងឆេះគំនរឈើក្រោយផ្ទះមួយកន្លែងត្រូវបានអ្នករត់ម៉ូតូឌុបម្នាក់មើលឃើញ
រាជធានីភ្នំពេញ ៖ អណ្ដាតភ្លើងឆេះគំនរឈើក្រោយផ្ទះមួយកន្លែងត្រូវបានអ្នករត់ម៉ូតូឌុបម្នាក់មើលឃើញ
រាជធានីភ្នំពេញ ៖ អណ្ដាតភ្លើងឆេះគំនរឈើក្រោយផ្ទះមួយកន្លែងត្រូវបានអ្នករត់ម៉ូតូឌុបម្នាក់មើលឃើញហើយស្រែកហៅម្ចាស់ផ្ទះឲ្យពន្លត់ទាន់ពេលវេលា បង្កឲ្យមានការភ្ញាក់ផ្អើលកាលពីវេលាម៉ោង១រំលងអធ្រាត្រឈានចូលថ្ងៃទី១៦ កុម្ភៈ ត្រង់ចំណុចផ្ទះលេខ១១៩ ផ្លូវ១៩២៨ហៅផ្លូវម៉ុង ឫទ្ធី ស្ថិតក្នុងភូមិពោងពាយ សង្កាត់ភ្នំពេញថ្មី ខណ្ឌសែនសុខ ។
តាមប្រភពព័ត៌មានពីបុរសម្នាក់ឈ្មោះ ពុធ ឆាន អាយុ៤៥ឆ្នាំ ជាអ្នករត់ម៉ូតូឌុបបានឲ្យដឹងថា មុនពេលកើតហេតុរូបគាត់កំពុងតែអង្គុយនៅម្ដុំស្តុបម៉ុងឫទ្ធី ស្រាប់តែឃើញអណ្ដាតភ្លើងបានឆេះឡើងយ៉ាងសន្ធោសន្ធៅ ទើបរូបគាត់ជិះម៉ូតូទៅប្រាប់ម្ចាស់ផ្ទះដែលកំពុងតែគេងលក់យ៉ាងស្កប់ស្កល់នៅក្នុងផ្ទះនោះឱ្យយកទឹកមកពន្លត់ ព្រោះខ្លាចភ្លើងរាលដាលឆេះផ្ទះបាយដែលនៅឆ្ងាយពីគំនរភ្លើងប្រមាណជា៤ទៅ៥ម៉ែត្រប៉ុណ្ណោះ ។
បើតាមសម្ដីរបស់ម្ចាស់ផ្ទះបានឱ្យដឹងថា ដើមឡើយនៅក្រោយផ្ទះគាត់មានស្រះទឹកដែលមានដាំឈូកនៅពេញត្រពាំងនោះ ហើយនៅខាងក្រោយផ្ទះរបស់គាត់មានការដ្ឋានសំណង់មួយដែលកំពុងតែសាងសង់ ដោយមានកម្មករសំណង់ចេះតែមកបេះឈូកក្នុងត្រពាំងនោះ ថែមទាំងមកបត់ដៃបត់ជើងនៅម្ដុំនោះទៀត ទើបរូបគាត់ដេញអ្នកទាំងនោះមិនឲ្យមកបេះផ្លែឈូកទៀត ទើបគាត់សង្ស័យថា អាចជាកម្មករសំណង់នោះខឹងនឹងគាត់ទើបបានជាមកដុតគំនរឈើសំណង់ដែលគាត់ទិញមកទុកដុតនំអន្សមនោះ ។
ក្រោយពេលកើតហេតុម្ចាស់ផ្ទះខាងលើមិនបានទាក់ទងរថយន្តពន្លត់អគ្គិភ័យមកពន្លត់នោះទេ គឺគ្រាន់តែដងទឹកក្នុងពាងខ្លួនឯងយកមកពន្លត់ប្រមាណជា២០នាទីក្រោយមកទើបអគ្គិភ័យខាងលើរលត់ជាស្ថាពរ ៕
ចែករំលែកព័តមាននេះ